యంగ్ హీరోల కెరీర్ గ్యాప్ ప్లాన్ ఏంటంటే?

ప్రస్తుతం యంగ్ హీరోలు ఓ ఆసక్తికర వ్యూహాన్ని అనుసరిస్తున్నారు. ఒకప్పుడు వరుసగా సినిమాలు చేసుకుంటూ వెళ్ళే వారు. కానీ ఇప్పుడు విరామం తీసుకుని కంబ్యాక్ అయ్యే క్ర‌మంలో ఒకేసారి మూడు, నాలుగు ప్రాజెక్టులను పట్టాలెక్కిస్తున్నారు. ఈ గ్యాప్ ప్లాన్ వెనుక సినిమాల సంఖ్య పెంచడమే కాకుండా మార్కెట్ విలువను, ఇమేజ్‌ను ఒకేసారి వేగంగా పెంచుకోవాలనే బలమైన ఆకాంక్ష కనిపిస్తోంది. ప్రేక్షకులకు తమ ఉనికిని పదే పదే గుర్తు చేసేలా? ప్లాన్డ్ డెలివరీ ఇవ్వడం ట్రెండ్‌గా మారింది.

నిఖిల్ సిద్ధార్థ్, తేజా సజ్జా వంటి వారు ఈ పద్ధతిని పకడ్బందీగా అమలు చేస్తున్నారు. సుదీర్ఘ కాలం పాటు షూటింగ్ పనులు పూర్తి చేసుకుని తమ ప్రాజెక్టులను సిద్ధం చేసుకుని ఒకదాని తర్వాత ఒకటి విడుదలయ్యేలా? షెడ్యూల్స్ చేసుకుంటున్నారు. దీనివల్ల ప్రమోషన్లకు తగినంత సమయం దొరకడమే కాకుండా ప్రేక్షకుల నుంచి ఓ రకమైన హై ఉండేలా జాగ్రత్త పడుతున్నారు. ఈ వ్యూహం ద్వారా థియేటర్ల వద్ద క్రేజ్‌ను నిలకడగా ఉంచుకోవడంలో సఫలీ కృతులవుతున్నారు.

విజయ్ దేవరకొండ కూడా ఇదే బాటలో పయనిస్తున్నారు. విరామం అనంత‌రం తదుపరి చిత్రాలను చాలా వేగంగా ప్లాన్ చేసి బ్యాక్ టు బ్యాక్ విడుదల‌కు సిద్ధమవుతున్నారు. ఇది అభిమానులకు నిరాశ కలిగించకుండా? వారు ఆశించే ఎంటర్‌టైన్‌మెంట్‌ను అందించడానికి తోడ్పడుతుంది. కెరీర్‌లో గ్యాప్ రావడం అనేది రిస్క్ అని భావించి దానిని అధిగమించడానికి మల్టిపుల్ ప్రాజెక్ట్ కమిట్‌మెంట్స్ మార్గంగా ఎంచుకోవడం యంగ్ హీరోల ఫిలాసఫీగా మారింది.

అయితే ఈ పద్ధతిలో రిస్క్ కూడా లేకపోలేదు. ఒకేసారి మూడు, నాలుగు సినిమాలను సమాంతరంగా చేయడం వల్ల కథల ఎంపికలో క్వాలిటీ తగ్గే అవకాశం ఉంటుందని విమర్శకులు హెచ్చరిస్తున్నారు. భారీ సంఖ్యలో ప్రాజెక్టులు చేతిలో ఉన్నప్పుడు ప్రతి సినిమాకి ప్రత్యేక శ్రద్ధ చూపడం హీరోలకు కష్టతరమవుతుంది. అయినా సరే? పోటీ ప్రపంచంలో వేగంగా సినిమాలు చేయడమే తనదైన ముద్రను వేయడానికి కీలకం అని భావిస్తున్నారు.

ఈ వ్యూహానికి ప్రధాన కారణం ప్రేక్షకుల అభిరుచుల్లో వస్తోన్న‌ వేగవంతమైన మార్పులే. సోషల్ మీడియా పెరిగిన తర్వాత హీరో సినిమా వచ్చి చాలా రోజులైతే? ప్రేక్షకులు ఆ హీరో గురించి చర్చించడం తగ్గించేస్తున్నారు. అందుకే కంటిన్యూటీని మెయింటైన్ చేయడం కోసం యంగ్ హీరోలు పనివేగాన్ని పెంచక తప్పడం లేదు. నిర్మాతలు కూడా ఈ ప్లాన్‌కు అనుకూలంగానే స్పందిస్తున్నారు. ఎందుకంటే హీరోల ఫాలోయింగ్‌ను క్యాష్ చేసుకోవడానికి ఇది సులువైన మార్గం.

యంగ్ హీరోల వినూత్న గ్యాప్ ప్లాన్ కెరీర్ గ్రాఫ్‌ను అప్ వార్డ్ డైరెక్షన్‌లో ఉంచేందుకు చేస్తున్న ఓ ప్రయత్నం. విజయాలు వస్తే ఈ ప్లాన్ అద్భుతంగా పని చేస్తుంది. కానీ పరాజయాలు ఎదురైతే ఒకేసారి వరుస సినిమాలు రావడం వల్ల నెగటివిటీ కూడా అంతే వేగంగా పెరిగే ప్రమాదం ఉంది. ఏది ఏమైనా? టాలీవుడ్ భవిష్యత్తును నిర్ణయించే యువ కెరటాలు విరామాన్ని సద్వినియోగం చేసుకుంటూ పరిశ్రమలో స్థానాన్ని సుస్థిరం చేసుకో వడానికి చేస్తున్న‌ ప్రయత్నాలు మాత్రం ప్ర‌శంస‌నీయం.