ఏంటి.. విజయ్​ 'లియో' ఫ్రీమేక్ ?

కమల్ హాసన్ 'విక్రమ్'​ సినిమాతో బ్లాక్ బస్టర్ హిట్ అందుకున్న దర్శకుడు లోకేశ్​ కనగరాజ్.. ఒక్కసారిగా సౌత్ స్టార్ డైరెక్టర్​గా మారిపోయారు. తన టాలెంట్ రేంజ్ ఏంటో నిరూపించుకున్నారు. ఖైదీ, మాస్టర్ చిత్రాలతో తన డైరెక్షన్ టాలెంట్ నిరూపించుకున్న ఆయన విక్రమ్​తో నెక్ట్స్​ లెవెల్​కు వెళ్లిపోయారు. దీంతో ఇప్పుడాయన నుంచి రాబోతున్న లియోపై భారీ అంచనాలు నెలకొన్నాయి.

అయితే ఇప్పుడీ సినిమా గురించి ఓ షాకింగ్ వార్త తెగ చక్కర్లు కొడుతోంది. అదేంటంటే.. ఈ చిత్రం ఫ్రీమేక్ అని అంటున్నారు. డేవిడ్​ క్రోనెన్​ బర్గ్​ కల్ట్ క్లాసిక్ గ్యాంగ్​స్టర్​ సినిమా 'ఏ హిస్టరీ ఆఫ్ వైలెన్స్​' ఆధారంగా దీన్ని దర్శకుడు లోకేశ్ తెరకెక్కిస్తున్నారని అంటున్నారు. 2005లో విడుదలైన ఈ చిత్రం ప్రేక్షకులను విపరీతంగా ఆకట్టుకుంది.

అయితే ఈ చిత్రాన్ని తెలుగు ఆడియెన్స్​ ఇప్పటికే చూసేశారు. ఈ సినిమాను తెలుగులో 2010లో జగపతి బాబు ప్రధాన పాత్రలో సీన్ టు సీన్ రీమేక్​ చేస్తూ గాయం 2 పేరుతో రిలీజ్ చేశారు. ఇది మంచిగా ఆడింది.

అయితే ఇప్పుడు 'ఏ హిస్టరీ ఆఫ్ వైలెన్స్​' చిత్రంలోని కోర్ పాయింట్​ను తీసుకుని తనదైన స్టైల్​లో తెరకెక్కించారట. ఎలాగో లోకేశ్ టాలెంట్​ ఎలాంటిదో ఇప్పటికే చూశాం. కాబట్టి ఈ లియోను అద్భుతంగానే తీసి ఉంటారు.

ఇకపోతే ఈ చిత్రం ఇప్పటికే ప్రమోషన్స్​ను ప్రారంభించేసింది. ఈ క్రమంలోనే తాజాగా ఓ పోస్టర్‌ను కూడా రిలీజ్ చేశారు మేకర్స్​. ఇందులో విజయ్ మంచు కొండల్లో చాలా సైలెంట్​గా కనిపించారు. ఇంకా ఈ పోస్టర్‌పై 'మౌనంగా ఉండు, యుద్ధాన్ని నివారించు' అని కూడా రాసి ఉంది. అయితే అంతకుముందు రిలీజ్ చేసిన ఫస్ట్ లుక్ పోస్టర్‌లో విజయ్ ఉగ్రరూపాన్ని చూపించారు. దీంతో సినిమాపై మరింత ఇంట్రెస్ట్ పెరిగింది.

అభిమానులు ఈ చిత్రం టీజర్, ట్రైలర్‌ కోసం ఎంతో ఆసక్తిగా ఎదురుచూస్తున్నారు. సినిమా దసరా పండగకు రిలీజ్ కానుంది. తెలుగులో బాలకృష్ణ భగవంత్ కేసరి , రవితేజ టైగర్ నాగేశ్వరరావులతో ఈ చిత్రం గట్టిగా పోటీ పడనుంది. చూడాలి మరి బాక్సాఫీస్​ ముందు జరగబోయే ఈ త్రిముఖ పోరులో లియో ఎంత వరకు నిలబడుతుందో?