ప్ర‌భాస్ కొత్త కారు అదిరింద‌ట‌గా?!

బాహుబ‌లితో నేష‌న‌ల్ స్టార్ అయిపోయాడు ప్ర‌భాస్‌. ఇప్పుడు దేశంలో ఎక్క‌డికెళ్లినా ప్ర‌భాస్ కోసం అభిమానులు ఎగ‌బ‌డుతున్న ప‌రిస్థితి. ఒక‌ప్పుడు తెలుగులో మాత్ర‌మే తెలిసిన ప్రభాస్ ఇప్పుడు  ఏ దేశానికి వెళ్లినా బాహుబ‌లి క‌థానాయ‌కుడు అంటూ గుర్తు ప‌ట్టేస్తారు. ఆ క్రేజ్‌ని చూసే ప‌లు బ్రాండ్లు ప్ర‌భాస్ కోసం ప‌డిగాపులు కాస్తున్నాయి.  బాబ్బాబు... మా బ్రాండ్‌ కి ప్ర‌చారం చేసిపెట్ట‌వూ అంటూ వేడుకొంటున్నారు. ఇక బాహుబ‌లి 2 త‌ర్వాత ఆయ‌న క్రేజ్ ఇంకే స్థాయిలో పెరుగుతుందో చూడాలి. ప్ర‌స్తుతం ఆ సినిమా షూటింగ్‌ తోనే బిజీగా గ‌డుపుతున్నాడు.  

బాహుబ‌లి సినిమాకిగానూ భారీగా పారితోషికం అందుకొన్న ప్ర‌భాస్ తాజాగా  ఓ ఖ‌రీదైన కారును కొన్న‌ట్టు తెలిసింది. రోల్స్ రాయిస్ సిరీస్‌ కి చెందిన ఆ కారు ఖ‌రీదు అక్ష‌రాలా 8కోట్లు అని ఫిల్మ్‌ న‌గ‌ర్‌ లో ప్ర‌చారం సాగుతోంది. ఇటీవ‌లే ఆ కారు డెలివ‌రీ కావ‌డంతో త‌న స్నేహితులంద‌రినీ ఫామ్ హౌస్‌ కి పిలిపించుకొని గ్రాండ్‌ గా పార్టీ ఇచ్చిన‌ట్టు తెలిసింది. ఒక బ్రాండ్‌ కి అంబాసిడ‌ర్‌ గా చేయ‌డంతో వ‌చ్చిన పారితోషికంతోనే ఆ కారును కొన్న‌ట్టు స‌మాచారం. టాలీవుడ్ హీరోల్లో అంత ఖ‌రీదైన కారును కొన్న‌ది ప్ర‌భాసేన‌ట‌. రామ్‌ చ‌ర‌ణ్ - ప‌వ‌న్‌ క‌ళ్యాణ్‌ - మంచు విష్ణు - మ‌నోజ్‌ - నాగ‌చైత‌న్య‌ల ద‌గ్గ‌ర రేంజ్ రోవ‌ర్లు ఉన్నాయి. ఇక మిగ‌తా క‌థానాయ‌కులంతా బి.ఎమ్‌.డబ్ల్యూ కార్ల‌నే వాడుతున్నారు.