కథ చెబితే KGF అంటున్నారు.. అవేవి పట్టించుకోను..!

యువ దర్శకులలో ప్రతిభ కలిగిన వారిలో వెంకటేష్ మహా ఒకరు. ఆయన మొదటి సినిమా కేరాఫ్ కంచెరపాలెం సినిమా సూపర్ సక్సెస్ అవగా దర్శకుడిగా అతనికి మంచి గుర్తింపు ఇచ్చింది. 2018 లో కంచెరపాలెం తీసిన వెంకటేష్ మహా రెండేళ్ల గ్యాప్ తర్వాత ఉమామహేశ్వర ఉగ్ర రూపస్య అంటూ మలయాళ సినిమా రీమేక్ చేశాడు. ఓటీటీలో రిలీజైన ఈ సినిమా ప్రేక్షకుల మెప్పు పొందింది. డైరెక్టర్ గా సినిమా సినిమాకు చాలా గ్యాప్ తీసుకుంటున్న వెంకటేష్ మహా ఈమధ్య నటుడిగా మారి సినిమాలు చేస్తున్నాడు.

నాని అంటే సుందరానికీ, ఉస్తాద్ సినిమాల్లో నటించిన వెంకటేష్ మహా లేటెస్ట్ గా సంపూర్ణేష్ బాబు నటించిన మార్టీన్ లూథర్ కింగ్ సినిమాలో నటించారు. ఈ సినిమాకు క్రియేటివ్ నిర్మాతగా కూడా ఆయన వ్యవహరించారు. అయితే ఈ సినిమా ప్రమోషన్స్ లో భాగంగా ఓ ఇంటర్వ్యూలో పాల్గొన్నారు వెంకటేష్ మహా. ఈ క్రమంలో తన సినిమాల గ్యాప్ గురించి ఇంటర్వ్యూయర్ అడగ్గా.. హీరోలకు కథలు చెబుతూనే ఉన్నానని కానీ వాళ్లు పుష్ప లాంటి సినిమా కావాలి. కె.జి.ఎఫ్ లాంటి కథ కావాలని అడుగుతున్నారని అన్నారు.

వెంకటేష్ మహా నుంచి ఒరిజినల్ స్టోరీస్ ఆడియన్స్ కోరుతున్నారని. ఆయన రీమేక్ లు చేయకుండా సొంత కథలతో సినిమాలు చేయాలని ఇంటర్వ్యూయర్ అడిగితే. తను ఒక లవ్ స్టోరీ ఒక నటుడికి చెప్పానని. మరో కథ చెబితే దాన్ని పుష్ప లా తీయాలని అన్నారని చెప్పారు. ఇక ఒక హీరో తన బృందానికి ఒక యాక్షన్ కథ చెబితే దీన్ని KGF లా తీయాలని అన్నారని చెప్పారు వెంకటేష్ మహా. తన కథలను మరోలా చెప్పాలని తనకు లేదని వాళ్లకు KGF లే కావాలంటే ఆ సినిమాలో హీరో ఫేస్ బదులుగా ఏఐ తో వాళ్ల ఫేస్ ని పెట్టుకోవచ్చని అన్నారు.

ఇదివరకు తను KGF సినిమా మీద చేసిన కామెంట్స్ కామన్ ఆడియన్స్ కు రీచ్ అయ్యాయని. కేవలం ట్విట్టర్, ఇన్ స్టాగ్రాం వాడే వాళ్లు తన కామెంట్స్ గురించి స్పందించారని. వాళ్లని తాను అసలు పట్టించుకోనని అన్నారు వెంకటేష్ మహా. మార్టీన్ లూథర్ కింగ్ ప్రమోషన్స్ కోసం దాదాపు 1200 మంది కలిస్తే 1000 మందికి ఆ ఇష్యూ తెలియదని. నాకు తెలిసిన ఫ్రెండ్స్, వెల్ విషర్స్ కూడా ఆ టైం లో తనకు సపోర్ట్ చేశారని అన్నారు వెంకటేష్ మహా. తన నెక్స్ట్ సినిమా మర్మాణువు చేస్తున్నానని. ఇక మీదట వరుస సినిమాలు చేస్తానని అన్నారు వెంకటేష్ మహా.