ఈసారైనా పెళ్లి అవుతుందా? సీజన్ 2పై పెరిగిన ఆసక్తి!
| వైవా హర్ష ప్రధాన పాత్రలో నటించిన ‘లీస్ట్ ఎలిజిబుల్ బ్యాచిలర్’ వెబ్ సిరీస్ సక్సెస్ కావడంతో ఈటీవీ విన్ సీజన్-2కు సిద్ధమవుతోంది. టైటిల్ రిజిస్ట్రేషన్ పూర్తి చేసి స్క్రిప్ట్ పనులు ప్రారంభించినట్లు సమాచారం. మొదటి సీజన్‌లో పెళ్లి విషయంలో సస్పెన్స్‌తో ముగిసిన హీరో కథ రెండో భాగంలో ఎలాంటి మలుపులు తిరుగుతుందన్న ఆసక్తి నెలకొంది. వచ్చే ఏడాది ప్రారంభంలోనే స్ట్రీమింగ్‌కు తీసుకురావాలని మేకర్స్ భావిస్తున్నట్లు తెలుస్తోంది.
వైవా హర్ష ప్రధాన పాత్రలో వచ్చిన ‘లీస్ట్ ఎలిజిబుల్ బ్యాచిలర్’ వెబ్ సిరీస్ ఈటీవీ విన్‌లో మంచి హిట్ కొట్టింది. సీజన్-1 సక్సెస్ అవ్వడంతో మేకర్స్ వెంటనే సీజన్-2 పనులను మొదలుపెట్టేశారు. టైటిల్ రిజిస్ట్రేషన్ కూడా పూర్తి చేసి స్క్రిప్ట్ వర్క్ స్టార్ట్ చేశారు. మరి మొదటి భాగంలో ఎలిజిబిలిటీ లేని ఈ కుర్రాడికి సీజన్-2లో అయినా పెళ్లి సంబంధం కుదురుతుందా? లేక కథ ఏ తీరానికి చేరుతుందో అన్న ఆసక్తి నెలకొంది..
సీజన్-1 ఎండింగ్ ఇచ్చిన ట్విస్ట్:
ఇక మొదటి సీజన్‌లో పెళ్లి కాక గోల పడే ఒక అమాయకపు కుర్రాడి కథను కామెడీగా చూపించారు. పెళ్లి చూపులు, ఆఫీస్ డ్రామా, ఆ తర్వాత వచ్చే లివ్-ఇన్ అగ్రిమెంట్ లాంటి సీన్లతో ఫుల్లుగా నవ్వించారు. అయితే సీజన్ ముగిసే సమయానికి హీరో పెళ్లి కథ ఎక్కడిదాకా వచ్చింది, అసలు ఆ పిల్ల ఒప్పుకుందా లేదా అనే దగ్గర సస్పెన్స్ మిగిలిపోయింది.
సీజన్-2లో కథ ఎలా మారబోతోంది?;
ఇప్పుడు రాబోయే రెండో సీజన్‌లో కథ పూర్తిగా నెక్స్ట్ లెవెల్‌కి వెళ్తుందని టాక్ నడుస్తోంది. ఇంకా బ్యాచిలర్‌గానే ఉంటూ కొత్త సంబంధాలు వెతుక్కుంటాడా? లేక అనుకోకుండా పెళ్లి అయిపోయి సంసారంలో వచ్చే గొడవలతో గోల చేస్తాడా? అనేదే మెయిన్ పాయింట్. ఇక ఒకవేళ రిలేషన్‌షిప్‌లోకి వెళ్తే వచ్చే కొత్త సమస్యలను ఎలా హ్యాండిల్ చేస్తాడో చూడాలని ఆడియన్స్ బాగా వెయిట్ చేస్తున్నారు.
కామెడీ కాస్త ఫ్యామిలీ డ్రామాగా మారుతుందా?:
సీజన్-1 కేవలం బ్యాచిలర్ లైఫ్, ఆఫీస్ హడావుడి చుట్టూనే తిరిగింది. కానీ సీజన్-2లో పెళ్లి, కుటుంబ బాధ్యతలు, బంధాల చుట్టూ కథ నడిచే ఛాన్స్ ఉంది. అయితే ఎంత డ్రామా ఉన్నా, హర్ష మార్క్ కామెడీ మాత్రం ఏమాత్రం తగ్గకుండా చూసుకుంటున్నారట. ఇక డైరెక్టర్ కూడా ఈసారి మరింత ఫ్రెష్ కామెడీ సీన్లు రాస్తున్నట్లు సమాచారం.
ఈటీవీ విన్ వేగమైన ప్లానింగ్:
సిరీస్ హిట్ కొట్టగానే ఏమాత్రం లేట్ చేయకుండా ఈటీవీ విన్ టీమ్ సెకండ్ పార్ట్‌కి గ్రీన్ సిగ్నల్ ఇచ్చేసింది. ఓటీటీలో ఒక సిరీస్‌కి వెంటనే సీక్వెల్ అనౌన్స్ చేయడం చాలా అరుదుగా జరుగుతుంది. ఇక ప్రొడక్షన్ పనులు స్పీడ్‌గా జరుగుతుండటంతో, త్వరలోనే షూటింగ్ స్టార్ట్ చేసి వచ్చే ఏడాది ఆరంభంలోనే స్ట్రీమింగ్ తెచ్చే ఆలోచనలో ఉన్నారు.
ఫ్యాన్స్‌లో పెరిగిన క్యూరియాసిటీ:
ఇక మొత్తానికి మన లీస్ట్ ఎలిజిబుల్ బ్యాచిలర్ సీజన్-2తో మళ్లీ నవ్వించడానికి రెడీ అవుతున్నాడు. ఈసారైనా మనోడికి పెళ్లిళ్లు చేసే యోగం ఉందో లేదో తెలియాలంటే సీరియల్ రిలీజ్ అయ్యే వరకు ఆగాల్సిందే. ఇక ఏదేమైనా ఈ రెండో భాగం ఆడియన్స్‌కి డబుల్ ఫన్ ఇస్తుందనడంలో ఎలాంటి డౌట్ లేదు.