ఒక్కటి మాత్రమే అంటే ఎలా 'బ్రో'?

పవర్ స్టార్ పవన్ కళ్యాణ్, మెగా మేనల్లుడు సాయి ధరమ్ తేజ్ కలిసి ఓ సినిమా చేస్తున్న సంగతి తెలిసిందే. కాగా ఈ సినిమా లో తొలిసారిగా మామ, అల్లుళ్లు కలిసి నటిస్తున్నారు. ఈ సినిమా కి బ్రో అనే టైటిల్ ని ఖరారు చేశారు. బ్రో మూవీ టైటిల్, పోస్టర్లు ఫ్యాన్స్ ని విపరీతంగా ఆకట్టుకుంటున్నాయి. ఇటీవల టీజర్ విడుదల చేయగా, విపరీతంగా ఆకట్టుకుంది. వింటేజ్ పవన్ లుక్ ఫ్యాన్స్ కి మరింత ఎక్కువ కిక్ ఇచ్చింది. కాగా, తాజాగా ఈ చిత్ర షూటింగ్ పూర్తయ్యింది. ప్రస్తుతం డబ్బింగ్ తదితర పనులు జరుగుతున్నాయి.

పవన్ ని వింటేజ్ లుక్ లో ఎలా ఉంటాడా..? ఎప్పుడెప్పుడు పవన్ ని థియేటర్ లో చూస్తామా అని ఫ్యాన్స్ విపరీతంగా ఎదురుచూస్తున్నారు. ఈ క్రమంలో ఈ మూవీ గురించి ఓ షాకింగ్ న్యూస్ వెలుగు లోకి వచ్చింది. దాని ప్రకారం ఈ మూవీ లో పవన్ ఎంట్రీ కోసం ఫ్యాన్స్ దాదాపు 20 నిమిషాలు ఎదురుచూడాలట. ఎందుకంటే, మూవీ మొదలైన 20 నిమిషాల తర్వాత పవన్ ఎంట్రీ ఉంటుందని తెలుస్తోంది.

ఈ విషయాన్ని స్వయంగా సాయి ధరమ్ తేజ్ చెప్పడం గమనార్హం. అంతేకాకుండా, మూవీ లో ఒకే ఒక యాక్షన్ సీన్ ఉందట. నిజానికి పవన్ మూవీ అంటే ఫ్యాన్స్ కచ్చితంగా ఫైట్ సీన్స్ ఉండాలని కోరుకుంటారు. అలాంటిది ఈ మూవీ లో కేవలం ఒక్కటే ఉంది అంటే అది అభిమానుల ను నిరాశ కలిగించే విషయమే.

అయితే, ఇప్పటి వరకు కేవలం యాక్షన్ సీన్స్ ఉన్న సినిమాలు మాత్రమే హిట్ అవుతాయి అనే రూల్ ఏమీ లేదు. అసలు ఎలాంటి ఫైట్ సీన్స్ లేకుండా బాక్సాఫీసు వద్ద కాసుల వర్షం కురిపించిన సినిమాలు ఉన్నాయి. ఇక, ఈ మూవీ లోనూ ఎమోషన్ సీన్స్ ఎక్కువగా ఉండే అవకాశం ఉందని తెలుస్తోంది. ఆ ఎమోషన్స్ నిజంగా క్లిక్ అయితే, యాక్షన్ సీన్స్ లేవు అనే భావన కూడా కలగదు. మరి ఈ విషయం లో డైరెక్టర్ సక్సెస్ అవుతాడో లేదో తెలియాలంటే విడుదల వరకు ఎదురు చూడాల్సిందే.

ఇదిలా ఉండగా, ఈ సినిమా కి సముద్రఖని దర్శకత్వం వహిస్తున్నారు. తమిళ హిట్ మూవీ వినోదయ సీతం కి రీమేక్ గా తెరకెక్కుతోంది. అయితే, పవన్, తేజ్ ఈమేజ్ కి తగినట్లు కథలో మార్పులు చేశారు ఈ మూవీ లో కేతికా శర్మ, ప్రియా ప్రకాష్ వారియర్, బ్రహ్మానందం, రాజా చెంబోలు, తనికెళ్ళ భరణి తదితరులు కీలక పాత్రలు పోషిస్తున్నారు.