ఆ హీరోతో రాజమౌళి కి ఉన్న అనుబంధం చూసి షాక్ అవుతున్న నెటిజెన్లు..

ఒకరేమో వైవిధ్యాని కేరోఫ్ అడ్రస్ గా ఉన్న స్టార్ హీరో.. మరొకరు దర్శక ధీరుడుగా ప్రపంచాన్నే మైమరపించిన డైరెక్టర్. ఈ ఇద్దరి కాంబోలో నిజంగా ఒక మూవీ వస్తే అంతకంటే మూవీ లవర్స్ కి పండగ మరొకటి ఉండదు. ఆ హీరో డైరెక్టర్ మరెవరో కాదు.. సౌత్ స్టార్ హీరో సూర్య, స్టార్ ఫిల్మ్ మేకర్ రాజమౌళి. ఈ ఇద్దరు కాంబోలో ఓ సినిమా రావాల్సి ఉంది.. కానీ కొన్ని కారణాలవల్ల అది కుదరలేదు. రాజమౌళి, సూర్య కలిసి ఓ మూవీ చేయాలి అనుకున్నారు అన్న విషయం చాలామందికి తెలియదు. ఈ విషయాన్ని స్వయంగా సూర్య వెల్లడించడంతో అందరూ ఆశ్చర్యపోయారు.

సూర్య ప్రస్తుతం కంగువ మూవీ ప్రమోషన్స్ లో ఫుల్ బిజీగా ఉన్నారు. భారీ అంచనాల మధ్య నవంబర్ 14న ఈ చిత్రం ప్రేక్షకుల ముందుకు రావడానికి సిద్ధంగా ఉంది. ఈ నేపథ్యంలో తాజాగా మూవీకి సంబంధించిన ఫ్రీ రిలీజ్ ఈవెంట్ జరిగింది. ఇక ఇందులో రాజమౌళి,విశ్వక్ సేన్, సిద్ధు జొన్నలగడ్డ, అల్లు అరవింద్ తదితరులు పాల్గొన్నారు. ఈవెంట్ లో మాట్లాడుతూ సూర్య తాను ఎక్కాల్సిన ట్రైన్ను మిస్ అయ్యానని.. అయితే ఇప్పుడు రైల్వేస్టేషన్లో నిలబడి ఉన్న తాను ఎప్పటికైనా ఆ ట్రైన్ ని పట్టుకోవాలి అని ఆశిస్తున్నాను అని పేర్కొన్నారు.

ఇంతకీ సూర్య ప్రస్తావించిన ఆ ట్రైన్ మరెవరో కాదు రాజమౌళి.. అతనితో సినిమా మిస్ అయ్యాను అని చెప్పిన సూర్య ఎప్పటికైనా తిరిగి రాజమౌళి దర్శకత్వంలో సినిమా చేయాలనుకుంటున్న తన ఉద్దేశాన్ని వెల్లడించారు. ఇక దీనికి స్పందించిన రాజమౌళి సూర్యా ను ప్రశంసలతో ముంచెత్తాడు. గజినీ మూవీతో సూర్య తెలుగు ప్రేక్షకుల మనసును దోచుకున్నాడు అని రాజమౌళి ప్రశంసించారు. అంతేకాదు పాన్ ఇండియా రేంజ్ లో భారీ చిత్రాలను తీయడానికి ఓ రకంగా తనకు సూర్యానే ఇన్స్పిరేషన్ అని రాజమౌళి పేర్కొన్నారు.

అలాగే సూర్యతో కలిసి సినిమా చేసే అవకాశాన్ని మిస్ చేసుకుంది తానేనని రాజమౌళి స్పష్టం చేశారు. ఈ ఇద్దరి అనుబంధానికి సంబంధించిన వీడియో ఇప్పుడు సోషల్ మీడియాలో బాగా వైరల్ అవుతుంది. రాజమౌళి లాంటి డైరెక్టర్ కి ఇన్స్పిరేషన్ గా సూర్యా నిలవడం నిజంగా గ్రేట్ అంటున్నారు నెటిజెన్స్. రాజమౌళి ఇచ్చిన ఈ స్టేట్మెంట్ తో నవంబర్ 14న విడుదల కాబోతున్న కంగువా మూవీ కి మరింత క్రేజ్ యాడ్ అయ్యే అవకాశం కనిపిస్తోంది.