క‌మ‌ల్‌హాస‌న్ నుంచి విడిపోయే ముందు సారిక ప‌రిస్థితి?
| కమల్ హాసన్ - సారిక న‌డుమ క‌ల‌త‌లు శ్రుతిహాస‌న్, అక్షర హాసన్ ను ఎంత‌గానో ఇబ్బందికి గురి చేశాయ‌న్న‌ది ఈ క‌థ‌నం సారాంశం.
క్లాసిక‌ల్ డ్యాన్స‌ర్ వాణీ గ‌ణ‌ప‌తి నుంచి విడిపోయిన తర్వాత విశ్వ‌న‌టుడు క‌మ‌ల్‌హాస‌న్ న‌టి సారిక‌ను పెళ్లాడిన సంగతి తెలిసిందే. ఈ జంట‌కు ఇద్దరు కుమార్తెలు శ్రుతిహాస‌న్.. అక్షర హాసన్. అయితే ఆ ఇద్ద‌రూ క‌ల‌త‌ల వల్ల తీవ్ర ఇబ్బందుల్ని ఎదుర్కొన్నారు. ఒకే ఇంట్లో ఉన్నా విడివిడిగా జీవించారు. కూతుళ్ల‌తో త‌ల్లి ఒక గ‌దిలో జీవ‌నం సాగించ‌గా.. కమల్ హాసన్ అదే ఇంట్లో మ‌రోవైపు గ‌దిలో నివ‌శించారు. అసలు కమల్ హాసన్ - సారిక జంట న‌డుమ ఆరోజుల్లో అస‌లేం జరిగింది? అంటూ ప్ర‌ఖ్యాత `టైమ్స్ న‌వ్` ఒక క‌థ‌నం వండి వార్చింది. ఆ క‌థ‌నం సారాంశం ఇలా ఉంది.
కమల్ హాసన్ - సారిక న‌డుమ క‌ల‌త‌లు శ్రుతిహాస‌న్, అక్షర హాసన్ ను ఎంత‌గానో ఇబ్బందికి గురి చేశాయ‌న్న‌ది ఈ క‌థ‌నం సారాంశం. తన కూతుళ్ల భ‌విష్య‌త్ ఏమ‌వుతుందోననే ఆందోళ‌న‌తో కమల్ ఎంత‌గానో మ‌ద‌న‌ప‌డేవాడు. ఈ క‌ల‌త‌లు కొన‌సాగుతుండ‌గానే.. జూన్ 2001న తన పుట్టినరోజుకు కొద్దిరోజుల ముందు సారిక చెన్నైలోని ఎల్డమ్స్ రోడ్‌లోని తన ఇంటి టెర్రస్ నుండి పడిపోయింది. దాదాపు నెల రోజుల పాటు ఆసుపత్రిలో ఉండేందుకు, చికిత్స కోసం ఆమెను చెన్నై నుంచి ముంబైకి తరలించారు. వారి మ‌ధ్య ఇర‌వై ఏళ్ల అనుబంధానికి తెర‌ప‌డక ముందు ఘ‌ట‌న ఇది.
అయితే ఈ జంట తొలిసారి క‌లుసుకున్న‌ది ఎలా? అంటే.. 1982లో రాజ్ కుమార్ కోహ్లి - రాజ్ తిలక్ సెట్స్‌లో కలుసుకున్న కమల్ - సారిక జంట 1990లో వివాహం చేసుకున్నారు. రెండు ద‌శాబ్ధాల పాటు ఈ జంట కాపురం స‌జావుగా సాగింది. కానీ ఇరువురి న‌డుమా విభేధాలు తారా స్థాయికి చేరుకున్నాయి. దాదాపు రెండు నెలల పాటు కమల్ - సారిక హాసన్ ఒకరితో ఒకరు మాట మంతీ లేకుండా పూర్తిగా అపరిచితులుగా ఒకే పైకప్పు క్రింద జీవించే స్థాయికి పరిస్థితులు దిగజారాయి. సారిక తన ఇద్దరు కుమార్తెలతో వారి ప్రేమ గూడు(సొంతిల్లు)లోని ఒక గ‌దిలో నివ‌శించారు. కమల్ హాసన్ త‌న‌కు పంపిన క్యారేజీని వడ్డించుకుని తింటూ అదే ఇంటికి మరొక వైపు ఒంటరిగా నివసించాడు. ఆ స‌మ‌యంలో తన జీవితంలో అన్నింటికంటే ఎక్కువగా ప్రేమించే పిల్లలు త‌న‌తో మాట్లాడ‌లేదు. ఈ ఆవేదన చాలా కాలం కొన‌సాగింది. వైవాహిక జీవితం సంక్లిష్టంగా మారింది. దాంతో కమల్ హాసన్ నటించిన 10-15 సినిమాల ప్రీమియర్‌ల వద్ద పరిశీలకులు కుటుంబంలోని ఒత్తిళ్లు ఉద్రిక్తతలను చూశారు.
ఒకే గొడుగు కింద అప‌రిచితుల్లా ఆ జంట ఉండిపోయారు. కరిగిపోతున్న కలల ఒడిలో కమల్ తన కెరీర్ ని గ‌ట్టిగా పట్టుకోవాలని తీవ్రంగా కోరుకున్నాడు. పబ్లిక్‌గా పర్ఫెక్ట్ ఫేస్‌ని మెయింటైన్ చేస్తూ వర్క్‌హోలిక్ మత్తులో ఒకదాని తర్వాత మరొక అసైన్‌మెంట్‌ను పూర్తి చేస్తూ వెళుతున్నా కానీ తన సంసారం అనే క‌థ ముగిసిందని కమల్ భావించారు.
ఒక పరస్పర స్నేహితుడి ముందు తమ అభిప్రాయాన్ని చెప్పడానికి ఈ జంట చెన్నై నుండి ముంబైకి (విడిగా) వెళ్లినప్పుడు చివరి బ్రేకప్ జరిగింది. కమల్ హాసన్ ఈ విషయంపై పెద్దగా ఎవ‌రికీ ఏదీ చెప్పదలచుకోలేదు. విడిపోయిన తర్వాత, సారిక ధైర్యంగా తన నటనా జీవితాన్ని పునర్నిర్మించుకోవడానికి ప్రయత్నించింది. ఇది కమల్ హాసన్‌కు మింగుడు పడలేదు. అయితే కమల్ హాసన్ ఒక ఇంటర్వ్యూలో తన మాజీ భార్య కెరీర్ ఎంపికలపై తన ఆందోళనను వ్యక్తం చేశాడు. ``ఆమె ఓ సినిమాలో పాటలో డ్యాన్స్ చేసిందని విన్నాను. సారికాజీ కి త్వ‌ర‌లో నేను మాజీ భర్తను అవుతాను. నా ఆందోళనంతా పిల్లల గురించే. వారికి సరైన పోషణ అందించాలి. వారు నన్ను కోరుకున్నట్లయితే వారికి అన్ని విధాలుగా మద్దతు ఇవ్వడానికి నేను సిద్ధంగా ఉన్నాను. వాళ్ల చదువుల గురించే నా భయం. వారు బాధలకు గురికాకూడదు`` అని కమల్ క‌ల‌త చెందారు.
కమల్ హాసన్ తన భార్య నుండి విడిపోయిన తర్వాత అతడికి కుమార్తెలతో సందర్శన హక్కులు తగ్గిపోయాయి. ``నేను వారిని సందర్శించడానికి ప్రయత్నిస్తాను. కానీ వారు పరీక్షలు లేదా ఇతర ముఖ్యమైన కార్యకలాపాలతో బిజీగా ఉన్నారని నాకు చెప్పేవారు. వారానికి ఒకసారి నేను వారిని సందర్శిస్తాను. నేను మొదట్లో చాలా బాధపడ్డాను. కానీ ఇప్పుడు నేను నా జీవితంలోని కొత్త ప‌రిస్థితికి సర్దుకోవ‌డానికి అల‌వాటు ప‌డ్డాను. వారు(పిల్లలు) ఇప్పటి కంటే మునుముందు పరిస్థితిని బాగా అర్థం చేసుకునేలా ఎదుగుతారని ఆశిస్తున్నాను...``అని కమల్ అన్నారు.
తన కూతుళ్లు న‌టించాల‌నుకుంటే విద్యాభ్యాసం పూర్త‌యిన తర్వాత మాత్రమే ఏదైనా అని కమల్ చెప్పేవారు. వారు తమ తల్లిదండ్రుల వలె చదువుకోకుండా తప్పు చేయకూడదు. ఈ విషయంలో సారికజీకి వేరే మార్గం లేదు. నేను చదువుకోవడానికి ఉత్తమమైన అవకాశాలను అందించాను. కానీ ఇది వ్యక్తిగత తత్వశాస్త్రంపై ఆధారపడిన నిర్ణయం.. నేను ఇప్పుడు నిరంతరం చదువుకోవడం ద్వారా సరిదిద్దుకోవడానికి ప్రయత్నిస్తున్నాను.. అని కమల్ హాసన్ అన్నారు.
చాలా ఏళ్లు కాల‌గ‌ర్భంలో క‌లిసిపోయాయి. ఇప్పుడు కమల్ - సారిక కుటుంబం గురించి త‌లచుకుంటే ఆ ఇద్ద‌రూ ఎవ‌రికి వారు బాగానే ఉన్నారు. పిల్లలకు వారి సొంత వృత్తి ఉంది.