టీజ‌ర్ టాక్: స‌ప్త స‌ముద్రాలు దాటిన ప్రేమ
| బ్యాక్ గ్రౌండ్ ఎమోష‌నల్ గా క‌నెక్ట్ అవుతుంది. బ‌ల‌మైన ప్రేమ క‌థ‌గా తీర్చిదిద్దిన‌ట్లు తెలుస్తోంది.
రిక్షిత్ ..రుక్మిణి వసంత్ జంట‌గా హేమంత్ ఎం. రావు ద‌ర్శ‌క‌త్వం వ‌హించిన క‌న్న‌డ చిత్రం 'స‌ప్త సాగార దాచే' ఇటీవ‌ల విడుద‌లై క‌న్న‌డ‌లో మంచి విజ‌యం సాధించింది. అక్క‌డ క్లాసిక్ హిట్ అందుకుంది. తాజాగా ఈ చిత్రాన్ని పీపుల్స్ మీడియా ఫ్యాక్ట‌రీ తెలుగులోకి అనువ‌దిస్తోన్న సంగ‌తి తెలిసిందే. తాజాగా ఈ సినిమా టీజ‌ర్ రిలీజ్ అయింది.
టీజ‌ర్ ఆద్యంతం ఆక‌ట్టుకుంటుంది. ఓ పాత టేప్ రికార్డులో మ‌నుని త‌లుచుకుంటూ ప్రియ ప్రేమని రికార్డు చేస్తుంది. 'మ‌ను నా ఆశ ఏంటో తెలుసా? ఊళ్లో స‌ముద్రం ఉంది క‌దా! ఆ స‌ముద్రం ఒడ్డున నీతో జీవితాంతం న‌డుస్తూనే ఉండాలి. అల‌లు ఒక్కోక్క‌టిగా వ‌చ్చి మ‌న పాదాలు త‌డుపుతుంటే నేను నీచేతులు గ‌ట్టిగా ప‌ట్టుకోవాలి. ఆ అల‌ల శ‌బ్దాన్ని అలా వింటుంటేగ‌ట్టిగా పాడాల‌ని పిస్తుంది మ‌ను.
నీకెప్పుడు చెప్ప‌లేదు గానీ నీతో ఉన్న‌ప్పుడు కూడా అలాగే అనినిస్తుంది. నా స‌ముద్రం నువ్వు' అంటూ సాగే వాయిస్ ఓవ‌ర్ ఆక‌ట్టుకుంటుంది. ఇద్ద‌రి ప్రేమికుల గుండె చ‌ప్పుడిది. ఆ ప్రేమ‌ను ద‌క్కించుకోవ‌డం కోసం ప్రేమికులు ఎంత మ‌నో వేద‌న‌కి గుర‌య్యారు? అన్న‌ది టీజ‌ర్ లో హైలైట్ చేసారు. బ్యాక్ గ్రౌండ్ ఎమోష‌నల్ గా క‌నెక్ట్ అవుతుంది. బ‌ల‌మైన ప్రేమ క‌థ‌గా తీర్చిదిద్దిన‌ట్లు తెలుస్తోంది.
ఇందులో ఓ బిజినెస్‌మెన్ వ‌ద్ద కార్ డ్రైవ‌ర్‌గా ప‌నిచేసే మ‌ను అనే యువ‌కుడిగా ర‌క్షిత్‌శెట్టి.. సింగ‌ర్ కావాల‌ని క‌ల‌లు క‌నే ప్రియ అనే అమ్మాయిగా రుక్మిణి వసంత్ క‌నిపించారు. బిజినెస్‌మెన్ కుమారు చేసిన ఓ త‌ప్పిదం కార‌ణంగా వాళ్లు ఎలా దూర‌మయ్యారు అనేది మెయిన్ థీమ్. సెప్టెంబ‌ర్ 22న ఈ చిత్రం ప్రేక్ష‌కుల ముందుకు రానుంది. ఈ సినిమాను మాతృక‌లో రెండు పార్ట్‌లుగా తెర‌కెక్కించారు. 'స‌ప్త సాగర దాచే ఎల్లో సైడ్' ఏ పేరుతో పార్ట్ వ‌న్‌ను రిలీజ్ చేశారు. స‌ప్త సాగర దాచే ఎల్లో సైడ్ బీ టైటిల్‌తో సీక్వెల్ అక్టోబ‌ర్‌లో ప్రేక్ష‌కుల ముందుకు రాబోతోంది.