వీడియో : సలార్ బైక్ విజేత ఆనందం
| ప్రభాస్ హీరోగా ప్రశాంత్ నీల్ దర్శకత్వంలో రూపొంది గత ఏడాది ప్రేక్షకుల ముందుకు వచ్చిన సలార్ సినిమా ఎంతటి విజయాన్ని సొంతం చేసుకుందో ప్రత్యేకంగా చెప్పనక్కర్లేదు.
ప్రభాస్ హీరోగా ప్రశాంత్ నీల్ దర్శకత్వంలో రూపొంది గత ఏడాది ప్రేక్షకుల ముందుకు వచ్చిన సలార్ సినిమా ఎంతటి విజయాన్ని సొంతం చేసుకుందో ప్రత్యేకంగా చెప్పనక్కర్లేదు. ఈ సినిమాను స్టార్‌ సంస్థ శాటిలైట్ ద్వారా ప్రేక్షకుల ముందుకు ఇప్పటికే అన్ని భాషల్లో కూడా తీసుకు వచ్చింది.
కన్నడంలో ఈ సినిమాను స్టార్‌ సువర్ణ ఛానల్ ద్వారా ప్రేక్షకులు వీక్షించడం జరిగింది. సినిమా టెలికాస్ట్‌ సమయంలో ఛానల్ నిర్వాహకులు ఒక కాంపిటీషన్ ను నిర్వహించారు. ఆ కాంపిటీషన్ కి సంబంధించిన విజేతలను తాజాగా ప్రకటించారు.
కర్ణాటక కు చెందిన ఒక మిడిల్ క్లాస్ ఫ్యామిలీ మెంబర్స్‌ లక్కీ డ్రా లో స్టార్‌ సువర్ణ ఛానల్ వారు నిర్వహించిన సలార్ మూవీ కాంపిటీషన్ లో విజేతలుగా నిలవడం జరిగింది. సలార్ థియేట్రికల్‌ రిలీజ్, ఓటీటీ స్ట్రీమింగ్‌ తో పాటు శాటిలైట్ లో టెలికాస్ట్‌ అయిన సమయంలో కూడా మంచి విజయాన్ని సొంతం చేసుకుంది.
డీపీ జగదీష్ అనే వ్యక్తి సలార్ బైక్ ను కాంపిటీషన్ లో గెలుచుకున్నట్లు స్టార్‌ సువర్ణ ఛానల్ అధికారికంగా ప్రకటించింది. హంబులే ప్రొడక్షన్‌ హౌస్‌ ప్రతినిధుల చేతుల మీదుగా స్టార్‌ సువర్ణ ఛానల్ వారు విజేతకు బైక్ ను అందించడం జరిగింది. ప్రస్తుతం ఈ వీడియో అందరి దృష్టిని ఆకర్షిస్తోంది.
మరో వైపు సలార్ 2 సినిమా షూటింగ్‌ ప్రారంభం అయినట్లుగా దర్శకుడు ప్రశాంత్ నీల్ సన్నిహితుల ద్వారా సమాచారం అందుతోంది. సలార్ 1 తో పోల్చితే సలార్ 2 అంతకు మించి అన్నట్లుగా ఉండబోతుందనే వార్తలు వస్తున్నాయి. ఎక్కువ ఆలస్యం చేయకుండా సలార్ 2 ను విడుదల చేయబోతున్నామని మేకర్స్ అంటున్నారు.