ఈ గర్ల్‌ ఫ్రెండ్‌ ని తక్కువ అంచనా వెయ్యవద్దు
| ఇలాంటి సమయంలో గర్ల్‌ ఫ్రెండ్‌ ని అంత తక్కువ అంచనా వేయవద్దు అంటూ యూనిట్‌ సభ్యులు చెప్పకనే చెబుతున్నారు.
ఈ మధ్య కాలంలో హీరోయిన్స్‌ స్టార్ ఇమేజ్ వచ్చిన వెంటనే నటిగా తమను తాము నిరూపించుకునేందుకు గాను లేడీ ఓరియంటెడ్ సినిమాలు చేసేందుకు సిద్ధం అవుతున్నారు. హీరోల పక్కన బుట్ట బొమ్మల మాదిరిగా నటిస్తూ, అందాల ఆరబోత చేయడంతో పాటు అప్పుడప్పుడు లేడీ ఓరియంటెడ్ సినిమాలు చేస్తున్నారు.
నేషనల్‌ క్రష్ రష్మిక మందన్న కూడా లేడీ ఓరియంటెడ్ స్క్రిప్ట్‌ కి ఓకే చెప్పింది. తాజాగా ది గర్ల్‌ఫ్రెండ్‌ అనే పాన్ ఇండియా సినిమాకు సైన్‌ చేసిన రష్మిక మందన్న తాజాగా ఆ సినిమా షూటింగ్‌ లో జాయిన్‌ అయింది. టైటిల్‌ చూసి చాలా మంది ఈ సినిమా కథను, రష్మిక పాత్రను ఊహించేసుకుంటున్నారు.
ఇదో లవ్‌ స్టోరీ అని, రష్మిక ఒక వ్యక్తి ప్రేమలో పడుతుందని.. ఇలా ఎవరికి తోచిన విధంగా వారు ఊహించేసుకుంటూ ఉన్నారు. ఇలాంటి సమయంలో గర్ల్‌ ఫ్రెండ్‌ ని అంత తక్కువ అంచనా వేయవద్దు అంటూ యూనిట్‌ సభ్యులు చెప్పకనే చెబుతున్నారు. ఈ గర్ల్‌ ఫ్రెండ్‌ నార్మల్‌ లేడీ కాదని వారు అంటున్నారు.
కథ ఊహకు అందని విధంగా ఉంటుందని, అంతే కాకుండా ఈ సినిమాలో రష్మిక మందన్న పాత్రతో చేయించే యాక్షన్‌ సన్నివేశాలకు అన్ని వర్గాల ప్రేక్షకులు కూడా షాక్‌ అవుతారు అంటూ కొందరు మాట్లాడుకుంటున్నారు. రష్మిక ఈ సినిమాలోని పాత్ర కోసం ఏకంగా మార్షల్ ఆర్ట్స్‌ ను రెండు నెలలు ప్రాక్టీస్‌ చేసిందట.
రాహుల్‌ రవీంద్రన్‌ కీలక పాత్రలో కనిపించబోతున్న ఈ సినిమాలో మరో స్టార్ హీరో కూడా గెస్ట్‌ రోల్‌ లో కనిపించే అవకాశాలు ఉన్నాయి అంటూ ప్రచారం జరుగుతోంది. ఆ హీరో విజయ్‌ దేవరకొండ అయ్యే అవకాశాలు కనిపిస్తున్నాయి. రౌడీ స్టార్ యొక్క ఫ్యామిలీ స్టార్ లో రష్మిక గెస్ట్‌... కనుక రష్మిక గర్ల్‌ ఫ్రెండ్‌ లో రౌడీ స్టార్ గెస్ట్‌ అయ్యే ఛాన్స్ లు ఎక్కువ.
కనుక లేడీ ఓరియంటెడ్ మూవీ అని.. ఒక లవ్‌ స్టోరీ అని తక్కువ అంచనా వేయడానికి అస్సలు లేదు. కచ్చితంగా ది గర్ల్‌ ఫ్రెండ్‌ సినిమాతో రష్మిక సంచలనం సృష్టించే అవకాశాలు పుష్కలంగా ఉన్నాయని ఆమె సన్నిహితులు నమ్మకం వ్యక్తం చేస్తున్నారు.