మహేష్ 29.. వరదరాజ మన్నార్ ఏమన్నాడు..?

సూపర్ స్టార్ మహేష్ రాజమౌళి కాంబినేషన్ లో సినిమా సెట్స్ మీదకు వెళ్లడానికి ముందే సంచలనాలు సృష్టిస్తుంది. జస్ట్ మహేష్ బాబు పాస్ పోర్ట్ ని లాక్ చేసినట్టు రాజమౌళి ఒక వీడియో పెట్టగా దానికే సూపర్ స్టార్ ఫ్యాన్స్ ఎక్స్ లో ఒక రేంజ్ లో డ్యూటీ చేసి ట్రెండింగ్ లో ఉంచారు. సినిమా నుంచి ఏ అప్డేట్ వచ్చినా అది నేషనల్ లెవెల్ లో హాట్ టాపిక్ గా మారుతుంది. ఐతే మహేష్ 29 సినిమాలో ఇప్పటివరకు ఐతే హీరోయిన్ ప్రియాంకా చోప్రా ఒక్కతే ఫైనల్ అయ్యింది. మిగతా స్టార్ కాస్ట్ ఎవరన్నది తెలియలేదు.

ఐతే కొన్నాళ్లుగా మళయాళ స్టార్ పృధ్విరాజ్ సుకుమారన్ మహేష్ రాజమౌళి కాంబో సినిమాలో నటిస్తారన్న టాక్ వినిపిస్తుంది. ఈ విషయంపై లేటెస్ట్ గా పృధ్విరాజ్ స్పందించారు. రీసెంట్ గా మీడియా ఇంటారాక్షన్ లో పాల్గొన్న ఆయన మహేష్ సినిమాపై స్పందించారు. ఆ సినిమా గురించి చర్చలు జరుగుతున్నాయని.. ఫైనల్ కాలేదని అన్నారు పృధ్వి రాజ్ సుకుమారన్. సో నిప్పులేనిదే పొగ రాదు అన్నట్టుగా ఇన్నాళ్లు మీడియాలో వినిపించిన టాక్ నిజమే అన్నమాట.

పృధ్విరాజ్ కూడా లీక్ ఇవ్వాలా వద్దా అన్నట్టుగా మాట్లాడాడు కాబట్టి తప్పకుండా సినిమాలో ఆయన కన్ ఫర్మ్ అన్నట్టే అనిపిస్తుంది. ఐతే మహేష్ సినిమా గురించి ఆన్సర్ కన్ ఫ్యూజ్ గా ఇచ్చిన పృధ్విరాజ్ సలార్ 2 పై మాత్రం కాన్ఫిడెంట్ గా ఆన్సర్ ఇచ్చారు. సలార్ 2 తప్పనిసరిగా ఉంటుందని. ప్రభాస్ తో మళ్లీ కలిసి పనిచేసేందుకు ఆసక్తిగా ఉన్నానని అన్నారు పృధ్విరాజ్. సలార్ లో వరదరాజ మన్నార్ పాత్రలో పృధ్విరాజ్ ఇంప్రెస్ చేశారు.

ఐతే సలార్ 2 లోనే అసలు కథ ఉండగా ప్రభాస్ తో పృధ్విరాజ్ తప్పకుండా మరోసారి ప్రేక్షకులను అలరించేలా ఉన్నారని చెప్పొచ్చు. నటుడిగా క్రేజీ సినిమాలు చేస్తున్న పృధ్విరాజ్ మలయాళంలో డైరెక్షన్ తో కూడా అదరగొట్టేస్తున్నారు. మోహన్ లాల్ తో పృధ్విరాజ్ సుకుమారన్ డైరెక్ట్ చేసిన లేటెస్ట్ మూవీ L2E ఎంపురాన్ సినిమా టీజర్ ఈమధ్యనే రిలీజై ప్రేక్షకుల నుంచి మంచి రెస్పాన్స్ తెచ్చుకుంది. మలయాళంలో పృధ్విరాజ్ కు సూపర్ క్రేజ్ ఉండగా మిగతా సౌత్ భాషల్లో కూడా ఆయన నటుడిగా పాపులారిటీ తెచ్చుకున్నారు.