పొలిమేర 2 ట్రైలర్.. ఒకే చితిలో రెండు శవాలు
| మా ఊరి పొలిమేర.. కరోనా సమయంలో ఏమాత్రం అంచనాలు లేకుండా ఓటీటీలో వచ్చి భారీ విజయాన్ని అందుకుంది
మా ఊరి పొలిమేర.. కరోనా సమయంలో ఏమాత్రం అంచనాలు లేకుండా ఓటీటీలో వచ్చి భారీ విజయాన్ని అందుకుంది. సత్యం రాజేష్, బాలాదిత్య, గెటప్ శ్రీను ప్రధాన పాత్రలో వచ్చిన ఈ సస్పెన్స్ థ్రిల్లర్ ఆడియెన్స్ వెన్నులో వణుకుపుట్టించింది. అనిల్ విశ్వనాథ్ దర్శకత్వం వహించారు. చేతబడి కాన్సెప్ట్తో వచ్చిన ఈ చిత్రం ఇప్పుడు సీక్వెల్తో రాబోతుంది. విడుదల తేదీ దగ్గరపడడంతో తాజాగా ట్రైలర్ను విడుదల చేశారు మేకర్స్. ఇది కూడా వెన్నులో వణుకుపుట్టించేలా ఉంది!
వివరాళ్లోకి వెళితే.. సత్యం రాజేశ్ కెరీర్లో పెద్ద హిట్గా నిలిచింది మా ఊరి పొలిమేర. ఇప్పుడు సీక్వెల్లోనూ ఆయన ప్రధాన పాత్రలో.. గెటప్ శ్రీను, డా. కామాక్షి భాస్కర్ల, బాలాదిత్య, రాకేంద్ మౌళితో కలిసి మా ఊరి పొలిమేర 2లో నటించారు. శ్రీకృష్ణ క్రియేష‌న్స్ బ్యాన‌ర్‌పై గౌరు గ‌ణ‌బాబు స‌మ‌ర్ప‌ణ‌లో గౌరికృష్ణ నిర్మించారు. ఈ చిత్రానికి కూడా అనిల్ విశ్వనాథ్ దర్శకత్వం వహించారు. నవంబర్ 3న సినిమా ప్రేక్షకుల ముందుకు రానుంది. దీంతో ట్రైలర్ లాంఛ్ ఈవెంటును హైదరాబాద్ - AAA సినిమాస్‌లో నిర్వహించి.. చిత్రానికి సంబంధించిన థియేట్రికల్ ట్రైలర్ను రిలీజ్ చేశారు.
మహబూబ్ నగర్ జిల్లాలో దారుణం జరిగింది, అసలు చేతబడలు అనేవి నిజంగానే ఉన్నాయా? ఒకే చితిలో రెండు శవాలు.. అంటూ యాంకర్ చదివే డైలాగ్స్తో ప్రారంభమైన ఈ ప్రచార చిత్రంలో ప్రతివాడి నిజాయితీకి ఓ రేటు ఉంటుంది. అది వాడి వీక్నెస్ బట్టి ఉంటుంది అని హీరో క్యారెక్టర్ను చూపించారు. పొలిమేరలో ఓ గుడి ఉండటాన్ని చూపించారు. ప్రతి ఊరి గుడికి హిస్టరీ ఉంటే.. ఈ గుడికి మాత్రం మిస్టరీ ఉండటం అంటూ గుడి చుట్టూ కథను తిప్పారు. అయితే ఈ గుడికి ఓ శాపం ఉందని, నాగబంధం తెంచాలంటే.. బంధాన్ని తెంచుకోవాలని, నరబలి చేయాలంటూ సీన్స్ను సస్పెన్స్గా చూపించారు. స్వార్థంతో చేస్తే హత్య, ఆశయంతో చేసే యుద్ధం, స్వార్థంతో చేసే ఏ యుద్ధంలో అయినా ఆశ ఉంది కానీ ఆశయం ఏడుంది మామ అంటూ వచ్చే డైలాగ్స్ ఆకట్టుకున్నాయి. ఫైనల్గా ఈ గుడికి - అనంత పద్మనాభ స్వామి గుడికి ఏమైనా సంబంధం ఉందా అంటూ ప్రచార చిత్రాన్ని ముగించారు.
మొత్తంగా ఈ ప్రచార చిత్రం చాలా గ్రిప్పింగ్గా, సస్పెన్స్గా, ఇంట్రెస్టింగ్గా సాగింది. ఇందులో కూడా మొదటి భాగంలానే చేతబడి కాన్సెప్ట్ను రిపీట్ చేశారు. కొన్ని సన్నివేశాలు ఒళ్ళు గగుర్పొడిచేలా ఉన్నాయి. మొదటి భాగాన్ని మించిలా ఈ సినిమా కోసం ఖర్చు చేశారని అర్థమవుతోంది. అందుకే విజువల్స్ నెక్స్ట్ లెవల్లో కనిపిస్తున్నాయి. సీన్స్ సహజత్వానికి చాలా దగ్గరగా ఉన్నాయి.