నా సామి రంగం ముగ్గురు ముద్దుగుమ్మలు...!

సంక్రాంతి సందడి షురూ అయ్యింది. మొత్తం నాలుగు సినిమాల్లో ఇప్పటికే మూడు సినిమాలు విడుదల అయ్యి పండుగ వాతావరణం క్రియేట్‌ చేశాయి. మరికొన్ని గంటల్లో నాగార్జున నటించిన నా సామి రంగ సినిమా కూడా విడుదల అవ్వబోతుంది.

నాగార్జునతో పాటు ఈ సినిమాలో అల్లరి నరేష్ మరియు రాజ్ తరుణ్ లు కీలక పాత్రల్లో నటించడం తో సినిమా పై అంచనాలు భారీగా పెరిగాయి. అంతే కాకుండా సినిమా కి ఉన్న పాజిటివ్ బజ్ మరింతగా పెరిగింది అనడంలో సందేహం లేదు.

ఇక ఈ సినిమాలో మెయిన్ హీరోయిన్ గా ఆషికా రంగనాథ్ నటించింది. ఆమె ఈ సినిమాకు ప్రధాన ఆకర్షణ అనడంలో ఎలాంటి సందేహం లేదు అంటూ ఇప్పటికే విడుదల అయిన పోస్టర్స్ మరియు ట్రైలర్ చూస్తూ ఉంటే అర్థం అవుతుంది. ఇక మరో ఇద్దరు ముద్దుగుమ్మలు ఈ సినిమాలో ఉన్నారు.

రుక్సార్ ధిల్లాన్ మరియు మర్నా మీనన్ లు కూడా నా సామి రంగ అనిపించేంత అందంగా ఈ సినిమాలో కనిపించబోతున్నారు అంటూ యూనిట్‌ సభ్యులు నమ్మకంగా చెబుతున్నారు. ఈ ముగ్గురు ముద్దుగుమ్మలకు కూడా నా సామి రంగ సినిమా కెరీర్ లో అత్యంత కీలకంగా మారింది.

ఈ ముగ్గురు ముద్దుగుమ్మలు కూడా హీరోయిన్స్ గా తమ కెరీర్‌ లో అత్యున్నత స్థాయికి వెళ్లాలి అంటే కచ్చితంగా నా సామి రంగ సినిమా హిట్ అవ్వాల్సిందే. మరి ఆ రేంజ్ లో ఈ సినిమా హిట్ అయ్యేనా తెలియాలి అంటే మరి కొన్ని గంటలు వెయిట్‌ చేయాల్సిందే.