కాంతారా 2.. టార్గెట్ ఫిక్స్ అయినట్లే..

కన్నడ నాట అత్యంత భారీ బడ్జెట్ తో రిషబ్ శెట్టి హీరోగా స్వీయ దర్శకత్వంలో తెరకెక్కుతోన్న సినిమా కాంతారా 2. బ్లాక్ బస్టర్ మూవీ కాంతారాకి ప్రీక్వెల్ గా ఈ చిత్రం రెడీ అవుతోంది. మొదటి సినిమాని కేవలం 15 కోట్ల బడ్జెట్ తో నిర్మించగా ఏకంగా 300 కోట్ల కలెక్షన్స్ వరల్డ్ వైడ్ గా అందుకుంది. దీంతో కాంతారా 2 పైన ఎక్స్ పెక్టేషన్స్ అమాంతం పెరిగిపోయాయి. ఇండియాలోనే మోస్ట్ అవైటెడ్ చిత్రాల జాబితాలో ఇది కూడా ఉందని చెప్పాలి.

ఈ నేపథ్యంలో రిషబ్ శెట్టి కాంతారా 2 సినిమాపై చాలా శ్రద్ధ పెట్టి చేస్తున్నారు. మొదటి పార్ట్ కంటే బెస్ట్ ఇవ్వాలని అద్భుతమైన కథని చెప్పడానికి రెడీ అవుతున్నారు. అందులో భాగంగానే కాంతారా ఫ్రీక్వెల్ కథని అతను చెప్పబోతున్నారు. ఈ మూవీ కంటెంట్ కూడా చాలా రిచ్ గా ఉండబోతుందని తెలుస్తోంది. అద్భుతమైన కథాంశంతో పాటు ప్రేక్షకులను ఆకట్టుకునే ఎలిమెంట్స్ ని ఈ మూవీలో రిషబ్ శెట్టి ఆవిష్కరించబోతున్నట్లు సమాచారం.

హోంబలే ఫిలిమ్స్ ఏకంగా 150 కోట్ల బడ్జెట్ తో ఈ చిత్రాన్ని నిర్మిస్తూ ఉండడం విశేషం. మొదటి సినిమా ద్వారా వచ్చిన ప్రాఫిట్ లో మెజారిటీ ఈ కాంతారా 2 కోసం ఖర్చు చేస్తున్నారు. ప్రస్తుతం ఈ మూవీ షూటింగ్ దశలో ఉంది. విజువల్ ఎఫెక్ట్స్ కూడా ఈ చిత్రంలో గ్రాండ్ గా ఉండబోతున్నట్లు తెలుస్తోంది. ఇదిలా ఉంటే కాంతారా 2 చిత్రాన్ని వచ్చే ఏడాది సమ్మర్ కానుకగా ప్రేక్షకుల ముందుకి తీసుకొచ్చే ప్రయత్నంలో ఉన్నారంట.

పాన్ ఇండియా లెవెల్ లో గ్రాండ్ గా రిలీజ్ కి ప్లాన్ చేస్తున్నారు. కాంతారా 1 మొదటిగా కన్నడంలో రిలీజ్ అయ్యి సూపర్ హిట్ టాక్ సొంతం చేసుకున్న తర్వాత ఇతర భాషలలో డబ్బింగ్ చేసి కాస్త.ఆలస్యంగా విడుదల చేశారు. అయితే కాంతారా 2 చిత్రాన్ని మాత్రం అన్ని భాషలలో ఒకేసారి ప్రేక్షకుల ముందుకి తీసుకొని రాబోతున్నారు. ఈ సినిమా సక్సెస్ అయితే శాండిల్ వుడ్ నుంచి రాకింగ్ స్టార్ యష్ తర్వాత మరో పాన్ ఇండియా హీరో వచ్చినట్లు అవుతుంది.

ఈ చిత్రం తర్వాత రిషబ్ శెట్టి ఇమేజ్ కూడా అమాంతం పెరిగిపోవడం గ్యారంటీ. ఇప్పటికే సౌత్ లో బడా ప్రొడ్యూసర్స్ నుంచి అతనికి ఆఫర్స్ వస్తున్నాయి. కాంతారా 2 తర్వాత తర్వాత రిషబ్ శెట్టి చేయబోయే ఏ సినిమా అయిన కూడా యూనివర్సల్ కాన్సెప్ట్ తోనే ఉండే అవకాశం ఉంది. అయితే హీరోగా చేస్తూనే దర్శకుడుగా కొనసాగుతారా లేదంటే ఇతర డైరెక్టర్స్ తో వర్క్ చేస్తారా అనేది వేచి చూడాలి.