భారీ బడ్జెట్ సినిమాల కొత్త ఫార్ములా!

ఇండియ‌న్ సినిమా గత దశాబ్దంలో కేవలం కథల పరంగా మాత్రమే కాదు, టెక్నిక‌ల్ క్వాలిటీ విషయంలో కూడా భారీ మార్పును చూసింది. ఒకప్పుడు విదేశీ లొకేషన్లలో సాంగ్స్ షూట్ చేయ‌డం చాలా పెద్ద విషయంగా భావించేవారు. కానీ ఇప్పుడు మాత్రం ప్రపంచ స్థాయి యాక్షన్ డిజైనర్లు, స్టంట్ కోఆర్డినేటర్లు, విజువల్ ఎఫెక్ట్స్ ఎక్స్‌ప‌ర్ట్స్, ప్రొడక్షన్ డిజైనర్లతో కలిసి పనిచేయడం పెద్ద సినిమాలకు చాలా సాధార‌ణంగా మారుతోంది. ముఖ్యంగా రూ.300 కోట్లకు పైబడిన ప్రాజెక్టులు ఇప్పుడు ఆడియ‌న్స్ ను కేవ‌లం స్టార్ పవర్‌తోనే కాకుండా, ఇంట‌ర్నేష‌న‌ల్ లెవెల్ టెక్నిక‌ల్ క్వాలిటీతో ఆకట్టుకోవాలని టార్గెట్ గా పెట్టుకుంటున్నాయి.

దీనికి మెయిన్ రీజ‌న్ ఆడియ‌న్స్ అభిరుచి మారడమే. ఓటీటీలు, గ్లోబల్ రిలీజ్‌లు పెరిగిన తర్వాత ఇండియ‌న్ ఆడియ‌న్స్ కూడా హాలీవుడ్, కొరియన్, యూరోపియన్ సినిమాలను అదే రోజున చూస్తున్నారు. అలాంటి పరిస్థితుల్లో యాక్షన్, విజువల్ క్వాలిటీ, రియలిస్టిక్ వార్ ఎపిసోడ్లు, స్టంట్ ఎగ్జిక్యూషన్ వంటి అంశాల్లో రాజీ పడితే భారీ సినిమాలు ఆశించిన ప్రభావం చూపించడం కష్టమవుతోంది. అందుకే నిర్మాతలు ప్రపంచవ్యాప్తంగా పేరున్న టెక్నీషియన్లను తమ ప్రాజెక్టుల్లో భాగం చేసేందుకు ఆసక్తి చూపుతున్నారు.

ఈ ట్రెండ్‌కు మరో తాజా ఉదాహరణగా నిలుస్తోంది రిషబ్ శెట్టి ప్రధాన పాత్రలో తెరకెక్కుతున్న ది ప్రైడ్ ఆఫ్ భారత్: ఛత్రపతి శివాజీ మహారాజ్ సినిమా. ఈ హిస్టారిక‌ల్ మూవీకి హాలీవుడ్‌లో మంచి ఎక్స్‌పీరియెన్స్ ఉన్న యాక్షన్ నిపుణులు పనిచేస్తున్నారనే సమాచారం సినీ వర్గాల్లో చర్చనీయాంశంగా మారింది. ఇది కేవలం ఒక టీమ్‌ను తీసుకురావడం మాత్రమే కాదు, ఇండియ‌న్ హిస్టారికల్ మూవీస్ ను ప్రపంచ స్థాయి ప్రెజెంటేషన్‌తో ఆవిష్కరించాలనే ప్రయత్నంగా ఇండ‌స్ట్రీ చూస్తోంది.

ఇప్పటికే ఆర్ఆర్ఆర్, కల్కి 2898AD వంటి భారీ ప్రాజెక్టులు కూడా ఇంట‌ర్నేష‌న‌ల్ టెక్నీషియన్ల సేవలను వినియోగించాయి. ఈ ధోరణి చూస్తే, పెద్ద బడ్జెట్ సినిమాల్లో టెక్నికల్ ఎక్సలెన్స్ ఇప్పుడు ఎక్స్‌ట్రా ఎట్రాక్ష‌న్ గా మాత్ర‌మే కాకుండా స‌క్సెస్ కు కీలక ఆయుధంగా మారిందనే విషయం స్పష్టమవుతోంది. మరోవైపు విదేశీ నిపుణులతో కలిసి పనిచేయడం వల్ల ఇండియ‌న్ టెక్నీషియన్లకు కూడా కొత్త టెక్నాలజీలు, కొత్త వర్క్‌ఫ్లోలు, ఇంట‌ర్నేష‌న‌ల్ క్వాలిటీల‌పై డైరెక్ట్ ఎక్స్‌పీరియెన్స్ లభిస్తోంది. దీని ప్రభావం ఒక్క సినిమాతో ఆగ‌దు. ఫ్యూచ‌ర్ లో మొత్తం ఇండియన్ ఫిల్మ్ ఇండస్ట్రీ టెక్నిక‌ల్ లెవెల్ ను మ‌రింత ముందుకు తీసుకెళ్లే అవకాశాన్ని ఇది సృష్టిస్తుంది.

మొత్తంగా చూస్తే, భారీ బడ్జెట్‌తో సినిమా తీయడం ఒక్కటే ఇప్పుడు సరిపోవ‌డం లేదు. ప్రపంచ ప్రేక్షకుల అంచనాలకు తగ్గ విజువల్ ఎక్స్‌పీరియెన్స్, బెస్ట్ యాక్షన్ డిజైన్, ఇంట‌ర్నేష‌న‌ల్ లెవెల్ టెక్నికల్ ఫినిషింగ్‌ను అందించగలిగితేనే గ్లోబల్ మార్కెట్‌లో పోటీ పడే అవకాశం ఉంటుంది. అందుకే భారతీయ సినీ పరిశ్రమ ఇంట‌ర్నేష‌న‌ల్ టాలెంట్‌తో చేతులు కలపడం ఒక ట్రెండ్ గా మాత్రమే కాకుండా ఫ్యూచ‌ర్ అవసరంగా మారుతోంది.