త్రిగుణ్ కోసం త్యాగం చేసిన శివ

బిగ్‌బాస్ తెలుగు సీజన్ 10 హౌస్‌లో 46వ రోజు ఎపిసోడ్ సీరియస్ వాతావరణం నుంచి పూర్తిగా నవ్వులు, ఫన్, మరియు సంచలన ట్విస్టులతో సాగింది. హౌస్‌లో ఎప్పుడు టెన్షన్ వాతావరణం ఉన్నా, నరేష్ మాత్రం తన కామెడీతో అందరినీ నవ్విస్తూ నిజమైన 'స్ట్రెస్ బస్టర్' అనిపించుకున్నాడు. కెమెరా ముందుకు వచ్చి తాను GOAT కాలేకపోయినా తన ఫ్యాన్స్ ఎవరూ బాధపడవద్దంటూ సరదాగా మాట్లాడాడు. అన్నపూర్ణ స్టూడియోస్ గేట్ దగ్గరకు వచ్చినప్పటి జ్ఞాపకాలను గుర్తుచేస్తూ అందరినీ కడుపుబ్బా నవ్వించాడు.

ఇక ఆ తర్వాత ఎలిమినేషన్ నుంచి తప్పించుకునేందుకు బిగ్‌బాస్ కంటెస్టెంట్లకు మరో అవకాశం ఇచ్చారు. కేవలం శారీరక బలం మాత్రమే కాకుండా, కామన్ సెన్స్‌ను ఉపయోగించి సమాధానం చెప్పే టాస్క్‌లో ముఖేష్ గౌడ అద్భుతంగా ఆడి విజయం సాధించాడు. ఈ విజయంతో ముఖేష్ నేరుగా యెల్లో బోర్డు నుంచి గ్రీన్ బోర్డులోకి ప్రమోట్ అయ్యాడు. దీని ద్వారా వచ్చే రెండు వారాల పాటు ఎలిమినేషన్ నుంచి ఇమ్యూనిటీ పొందాడు.

గేమ్‌లో భాగంగా జరిగిన ఒక సిట్యుయేషన్‌లో శివపై ముఖేష్ పడటంతో గొడవ చెలరేగింది. ఇది కేవలం గేమ్ స్పిరిట్‌లో జరిగిందని, సారీ కూడా చెప్పానని ముఖేష్ అన్నాడు. కానీ శివ మాత్రం దీన్ని సీరియస్‌గా తీసుకుని, ముఖేష్‌ను రెచ్చగొట్టేలా వ్యంగ్యంగా మాట్లాడి కౌంటర్ ఇచ్చాడు. గతంలో శివ పట్ల ముఖేష్ వ్యవహరించిన తీరుకు ఇది కర్మ అనుభవించినట్లుగా అనిపించింది.

GOAT టైటిల్ కోసం జరిగిన మరో భీకరమైన ఫిజికల్ టాస్క్‌లో రామ్‌ప్రసాద్-నరేష్, త్రిగుణ్-శివ జంటలు తలపడ్డాయి. అందరూ చాలా కష్టపడి ఆడినప్పటికీ, చివరికి త్రిగుణ్ - శివ జంట విజయం సాధించింది. అయితే ఇక్కడే బిగ్‌బాస్ ఒక భారీ ట్విస్ట్ ఇచ్చారు. ఇద్దరూ గెలిచినప్పటికీ, ఆ ఇద్దరిలో ఎవరు ఒక్కరు మాత్రమే అసలైన GOAT అవుతారో మీరే నిర్ణయించుకోవాలని చెప్పి సస్పెన్స్ పెట్టారు.

GOAT టైటిల్ తనకివ్వాలని త్రిగుణ్ శివను ప్రాధేయపడ్డాడు. అయితే గతంలో త్రిగుణ్ తనను మోసం చేసిన విషయాన్ని శివ గుర్తు చేసుకున్నాడు. త్రిగుణ్ చేసిన తప్పును గుర్తుచేస్తూనే, చివరకు తనంత తానుగా త్రిగుణ్‌కు ఆ GOAT టైటిల్ ఇస్తున్నట్లు క్లారిటీ ఇచ్చి అందరినీ ఆశ్చర్యపరిచాడు.

ఇక గోట్ టాస్క్‌లు ముగియడంతో, త్వరలోనే కొత్త కెప్టెన్ ఎవారనేది తేలనుంది!