గుంటూరు కారం.. రాబోయే రెండున్నార నెలల పాటు మోతే!

సూపర్ స్టార్ మహేశ్ బాబు - మాటల మాంత్రికుడు త్రివిక్రమ్​ కాంబోలో రూపొందుతున్న భారీ మాస్ ఎంటర్​టైనర్ సినిమా గుంటూరు కారం. ఈ సినిమా రిలీజ్ కోసం, అలాగే ప్రమోషన్స్ ఎప్పుడెప్పుడు ప్రారంభం అవుతాయా అని​ అభిమానులు ఎంతో ఆసక్తిగా ఎదురుచూస్తున్నారు. ఈ నేపథ్యంలో తాజాగా అదిరిపోయే ఓ ఇంట్రెస్టింగ్ అప్డేట్ బయటకు వచ్చింది.

తాజాగా అందిన సమాచారం ప్రకారం.. ప్రమోషన్స్​ను మొదలుపెట్టాలని మూవీటీమ్ సన్నాహాలు చేస్తున్నట్లు తెలిసింది. దసరా నుంచి ప్రమోషన్స్​ను ప్రారంభించి.. రాబోయే రెండున్నార నెలల పాటు గ్యాప్ లేకుండా బ్యాక్​ టు బ్యాక్ అప్డేట్స్ అండ్ సర్​ప్రైజెస్​తో​ సంక్రాంతి వరకు అభిమానుల్లో జోష్ నింపాలని రెడీ అవుతోందట. సంక్రాంతి రాబోయే సినిమాల లైనప్​ పెద్దగా ఉండటం వల్ల.. వాటిలో గుంటూరు కారం సినిమాకే ఎక్కువ బజ్ క్రియేట్ అయ్యేలా స్ట్రాటజీని ఫాలో అవ్వాలని ప్లాన్ చేస్తోందని తెలుస్తోంది.

ఫస్ట్ సింగిల్​ను దసరా కన్నా ముందే రిలీజ్ చేయాలని మేకర్స్​ కౌంట్​డౌన్ పెట్టుకున్నారట. ఆడియో సింగిల్​ను రిలీజ్​ చేసి.. ఆ తర్వాత బ్యాక్ టు బ్యాక్​ గ్యాప్ లేకుండా అప్డేట్స్​ ఇస్తానే ఉంటామన్న సంకేతాలను ఇవ్వడంతో పాటు సినిమా ఎలా ఉండబోతుందో రుచి చూపించనున్నారట. మూవీ కచ్చితంగా బ్లాక్ బాస్టర్ హిట్ అవుతుందని నమ్మకంతో ఉన్నారంట.

ఇకపోతే ఇప్పటివరకు పోస్ట్​పోన్​ చేసుకుంటూ ఎన్నో కష్టాలను ఎదుర్కోని ఈ మధ్యే షూటింగ్​ను జరుపుకుంటున్న ఈ గుంటురు కారం చిత్రాన్ని.. ఎలాగైనా వచ్చే ఏడాది 2024 సంక్రాంతికి రిలీజ్ చేసే దిశగా ముందుకు వెళ్తోంది మూవీటీమ్​. అందుకు తగ్గట్టు షెడ్యూల్స్​ను ప్లాన్​ చేసి షూటింగ్ చేసుకుంటూ ముందుకు సాగుతోంది.

చిత్రంలో శ్రీలీల - మీనాక్షి చౌదరి హీరోయిన్లుగా నటిస్తున్నారు. సెన్సేషనల్ మ్యూజిక్ డైరెక్టర్​ తమన్ సంగీతం అందిస్తున్నారు. హారిక అండ్‌ హాసిని క్రియేషన్స్‌ బ్యానర్​పై ఎస్‌.రాధాకృష్ణ గ్రాండ్​గా నిర్మిస్తున్నారు. అతడు, ఖలేజా చిత్రాల తర్వాత మహేశ్‌ - త్రివిక్రమ్‌ కాంబోలో మాస్‌ అంశాలతో రూపొందుతున్న చిత్రమిది.