మౌనం అంగీకారమేనా బాలయ్య..?

ఇటు సినిమాలు అటు పాలిటిక్స్ రెండిటి మధ్య బాలకృష్ణ బిజీ బిజీగా ఉన్నాడు. ఐతే ఫ్యాన్స్ ఆయన సినిమా నుంచి కోరుతున్న అప్డేట్స్ విషయంలో కాస్త ముందు వెనక్కి జరుగుతుంది. ముఖ్యంగా ప్రస్తుతం సెట్స్ మీద ఉన్న అఖండ 2 సినిమా విషయంలో నందమూరి ఫ్యాన్స్ కన్ ఫ్యూజన్ రోజు రోజుకి పెరుగుతుంది. బోయపాటి శ్రీను డైరెక్షన్ లో అఖండ సీక్వెల్ గా అఖండ 2 తాండవం వస్తుంది. ఈ సినిమాను పాన్ ఇండియా లెవెల్ లో రిలీజ్ ప్లాన్ చేస్తున్నారు మేకర్స్.

అఖండ 2 తాండవం కోసం వి.ఎఫ్.ఎక్స్ వర్క్..

ఐతే ఈ సినిమాను సెప్టెంబర్ 25న దసరా కానుకగా రిలీజ్ అనుకున్నారు. కానీ సినిమా ఆ టైం కు వచ్చే పరిస్థితి కనిపించట్లేదు. బోయపాటి శ్రీను సినిమా కోసం చాలా కష్టపడుతున్నారని తెలుస్తుంది. అఖండ 2 తాండవం కోసం వి.ఎఫ్.ఎక్స్ వర్క్ కూడా బాగా కావాల్సి వస్తుంది. ఈ సీజీ వర్క్ కోసమే టైం తీసుకుంటున్నారని తెలుస్తుంది. ఆల్రెడీ స్పెటెంబర్ 25న పవర్ స్టార్ ఓజీ సినిమా రిలీజ్ లాక్ చేశారు.

ఐతే పోటీగా అనుకున్న అఖండ 2 మాత్రం సైలెంట్ గా ఉన్నారు. సినిమా రిలీజ్ డేట్ పై మేకర్స్ సైలెంట్ గా ఉంటున్నారు. అంటే దాదాపు అఖండ 2 తాండవం వాయిదాను వాళ్లు అంగీకరించినట్టే అన్నమాట. అఖండ 2 సినిమా కోసం నందమూరి ఫ్యాన్స్ ఈగర్ గా ఎదురుచూస్తున్నారు. సినిమా నుంచి ఆమధ్య వచ్చిన టీజర్ ఇంప్రెస్ చేసింది.

బాలయ్య తాండవం నేషనల్ లెవెల్ లో..

అఖండ 2 సినిమా లో బాలయ్య మరోసారి డ్యుయల్ రోల్ లో నటిస్తున్నాడు. ఈసారి బాలయ్య తాండవం నేషనల్ లెవెల్ లో ఉండబోతుందని చెప్పొచ్చు. బాలకృష్ణ కూడా ఈ సినిమా మీద స్పెషల్ ఫోకస్ పెడుతున్నారట. అఖండ 2 సినిమా లో సంయుక్త మీనన్ నటిస్తుంది. ఆల్రెడీ ప్రగ్యా జైశ్వాల్ కూడా ఉంటుందని తెలుస్తుంది.

అఖండ 2లో థమన్ మ్యూజిక్ స్పెషల్ ఎట్రాక్షన్ కానుంది. సినిమాలో థమన్ మరోసారి పూనకాలు తెప్పించే మ్యూజిక్ ఇస్తాడని అంటున్నారు. నందమూరి బాలకృష్ణ థమన్ ఈ కాంబో గురించి ఎంత చెప్పినా తక్కువే. అందుకే ఈ కాంబో మీద ఉన్న అంచనాలకు ఏమాత్రం తగ్గకుండా సినిమా ఉండేలా చూస్తున్నారట. మరి అఖండ 2 హైప్ బాగుంది కానీ దసరా మిస్ అయితే మళ్లీ రిలీజ్ ఎప్పుడన్న క్లారిటీ ఇస్తే బెటర్ అని ఫ్యాన్స్ భావిస్తున్నారు. మరి మౌనం వీడి బాలయ్య అండ్ టీం అఖండ 2 సినిమాపై క్లారిటీ ఇస్తే బెటర్ అని ఆడియన్స్ కూడా అనుకుంటున్నారు.