త్యాగాలు మొదలెట్టేశావా కుర్ర హీరో?

సినిమా ఇండస్ట్రీలో హీరోలంతా తాము మంచి ఫ్రెండ్స్ అని చెప్పేస్తూ ఉంటారు. కానీ సినిమా దగ్గరకు వచ్చేసరికి పోటీ పడిపోతుంటారు.. పోటీలు పడి రిలీజ్ డేట్స్ ఇస్తూ ఉంటారు. ఒకరకంగా ఇది ఆరోగ్యకరమైన పోటీనే అని చెప్పాలి. కానీ ఓ కుర్ర హీరో మాత్రం అప్పుడే త్యాగాలు మొదలెట్టేసి.. నెత్తి మీదకు తెచ్చేసుకుంటున్నాడు.. తన సినిమాని సమస్యల్లో నెట్టేసుకుంటున్నాడు.

ఈ కుర్రాడు తన కొత్త సినిమాని ఓ నెల్లాళ్ల క్రితమే రిలీజ్ చేయాల్సి ఉంది. కానీ తన స్నేహితుడైన దర్శకుడి కోసం వాయిదా వేసుకున్నాడని టాక్. ఆ డైరెక్టర్ తీసిన రీమేక్ మొన్న దసరాకి వచ్చి సక్సెస్ కూడా సాధించేసింది. ఆ సినిమాతో పోటీగా రిలీజ్ చేయద్దని ముందే నిర్మాతలను కోరాడు ఈ కుర్రాడు..  ఇప్పుడు రిలీజ్ కి రెడీ అయ్యేసరికి.. మొత్తం ఇండస్ట్రీనే స్లంప్ లో పడిపోయింది.

కరెన్సీ నోట్ల ఇష్యూ సినిమా రంగంపై విపరీతంగా ఎఫెక్ట్ చూపించేస్తోంది. 'ఎక్కడైనా బావ కానీ..' అనే సామెతను ఈ కుర్రాడు నేర్చుకోవాలని.. లేకపోతే ఇలాంటి త్యాగాలు కెరీర్ నే ఇబ్బందుల్లోకి నెట్టేస్తాయని సలహాలు ఇస్తున్నారట సీనియర్లు.

Like Us on Facebook : https://www.facebook.com/Tupakidotcom/