బన్నీ కోసం పందెంకోడికి ఝలక్??

వరుస హిట్స్, నడిగర్ సంఘం ఎలక్షన్స్ లో గెలుపు.. ఇలా వరుసగా గుడ్ న్యూస్ తో స్పీడ్ మీదున్న విశాల్ వేగానికి ఇప్పుడు బ్రేక్ పడింది. దీనికి కారణం పట్టాలెక్కేందుకు సిద్ధమైన ఓ  ప్రాజెక్ట్ ఆగిపోవడమే. ఈ హీరోకి స్టార్ స్టేటస్ తెచ్చిన సినిమా పందెంకోడి. లింగుస్వామి దర్శకత్వంలో రూపొందిన పందెంకోడి.. తమిళ్ తోపాటు తెలుగులోనూ సూపర్ హిట్ అయ్యి.. విశాల్ ని హీరోగా నిలబెట్టింది.

ఈ సినిమాకి సీక్వెల్ గా శాందాకోజి2 కి సంబంధించి దాదాపు అంతా సెట్ అయింది. అయితే ఈ టైంలో శాందాకోజి2 రద్దయింది. ఈ విషయాన్ని విశాల్ స్వయంగా ప్రకటించాడు. 'ప్రాజెక్టులపై కమిట్ మెంట్ లేని ఫిలిం మేకర్స్ మన దగ్గర ఉన్నారు. నటులు నటనకు.. డైరెక్టర్లు దర్శకత్వానికి పరిమితం అయితే బాగుంటుంది. శాందోకొజి2 రద్దయింది' అంటూ ట్వీట్ చేశాడు విశాల్. ఈ ప్రాజెక్టు క్యాన్సిల్ అవడానికి ప్రధాన కారణం దర్శకుడు లింగుస్వామే అని ఇన్ డైరెక్టుగా చెప్పాడు విశాల్. నిజానికి పందెంకోడి 2 తీయాలని లింగుస్వామి అనుకున్న తర్వాత.. టాలీవుడ్ లో మరో ప్రాజెక్ట్ సెట్ అయింది ఈ దర్శకుడికి.

అల్లు అర్జున్ తో ఓ కంప్లీట్ యాక్షన్ ఎంటర్ టెయినర్ ను లింగుస్వామి తీయబోతున్నాడనే టాక్స్ ఉన్నాయి. ఈ ప్రాజెక్టును వీలైనంత త్వరగా స్టార్ట్ చేసేందుకు.. పందెంకోడి2పై సరిగా పని చేయలేదనే రూమర్స్ ఉన్నాయి. ఇది నచ్చకే.. విశాల్ ఆ ప్రాజెక్ట్ ను క్యాన్సిల్ చేసుకోవాల్సి వచ్చింది. అల్లు అర్జున్ మూవీ కోసం.. విశాల్ కి లింగుస్వామి చుక్కలు చూపించాడనే టాక్ వినిపిస్తోంది.