ఈ తెలుగు సినిమాపై భారత క్రికెటర్ల చర్చ

భారత దిగ్గజ క్రికెటర్లు ఇద్దరూ తెలుగు సినిమాల గురించి మాట్లాడుకోవడం ఆసక్తిగా మారింది. ఇందులో ఒకరు తెలుగు క్రికెటర్ కాగా.. మరొకరు తమిళనాడుకు చెందిన క్రికెటర్. ఇద్దరూ భారత క్రికెట్ టెస్టు జట్టులో సభ్యులు.

ఇటీవల విడుదలైన నితిన్ హీరోగా వచ్చిన ‘భీష్మ’ మూవీ గురించి భారత క్రికెటర్లు అశ్విన్, హనుమ విహారి మాట్లాడుకున్నారు. లాక్ డౌన్ కారణంగా ఇంటికే పరిమితమైన భారత క్రికెటర్లు తాజాగా ఇన్ స్టాగ్రామ్ లైవ్ వీడియో కాల్ లో మాట్లాడుకున్నారు. ఇందులో తెలుగు సినిమాల్లో ఏదీ బెస్ట్ అని అశ్విన్ అడగ్గా.. మరో తెలుగు క్రికెటర్ హనుమ విహారి ‘బీష్మా’ అని సమాధానమిచ్చారు. భీష్మా చూశానని..భలే కామెడీగా ఉందని విహారి చెప్పాడు.. దీనికి అశ్విన్ ఎవరు హీరో అని అడగగా.. ‘నితిన్’ అని హనుమ విహారి చెప్పాడు. దీంతో తాను ఇంట్లో అమేజాన్ ప్రైమ్ లో తెలుగు సినిమాలే చూస్తున్నానని.. తెలుగు సినిమాలకు పెద్ద అభిమానిగా మారిపోయానని అశ్విన్ తెలిపాడు.

వీరిద్దరూ మాట్లాడుకున్న వీడియోను ‘భీష్మ’ చిత్ర దర్శకుడు వెంకీ కుడుముల ట్వీట్ చేశారు. తన సినిమా గురించి ఇద్దరు భారత క్రికెటర్లు మాట్లాడుకోవడం చాలా సంతోషంగా ఉందని ఆనందం వ్యక్తం చేశారు. ఈ సందర్భంగా హనుమ విహారికి, అశ్విన్ కి దర్శకుడు వెంకీ కుడుముల కృతజ్ఞతలు తెలిపారు.

Being a great fan of cricket I feel so happy when young talented Indian cricketer Hanuma Vihari mentioned about #Bheeshma to Spin pride of Indian cricket Mr. Ravichandran Ashwin.. Thank u @Hanumavihari for loving Bheeshma and thank you @ashwinravi99 sir for loving Telugu films