టైమ్ చూసి 'ఫ్యామిలీ మ్యాన్' దిగుతున్నాడు

టాలీవుడ్ స్టార్ హీరోయిన్ సమంత తొలిసారిగా ఓ వెబ్ సిరీస్ లో నటించింది. సక్సెస్ ఫుల్ వెబ్ సీరిస్ 'ది ఫ్యామిలీ మ్యాన్' కు సిక్వెల్ గా వస్తున్న 'ది ఫ్యామిలీ మ్యాన్ 2' లో కనిపించనుంది. అయితే రకరకాల కారణాలతో ఫ్యామిలీ మ్యాన్ 2 ఎప్పుడో ప్రసారం కావాల్సింది ఆగిపోయింది. ఫస్ట్ పార్ట్ చూసిన అభిమానులంతా చాలా ఆసక్తిగా ఈ సెంకండ్ పార్ట్ కోసం ఎదురుచూస్తున్నారు. ముఖ్యంగా సమంత పాత్ర ఎలా ఉంటుందోనని అందరి ఆసక్తి నెలకొంది. కొద్ది నెలల క్రితం రిలీజైన టీజర్‌లో సమంత లుక్‌ ప్రేక్షకులలో ఆసక్తి రేకెత్తించింది. ఈ సిరీస్‌ ప్రమోషన్‌లో భాగంగా అమెజాన్‌ ప్రైమ్‌ ఒక ట్విటర్‌ ఎమోజీని విడుదల చేసింది. ఇందులో మనోజ్‌ బాజ్‌పాయ్‌తో పాటు సమంత కూడా కనిపిస్తుండటం విశేషం. ఈ టైప్ ఎమోజీని అందుకున్న భారతీయ మహిళా నటుల్లో సమంతనే ప్రథమం.

అమెజాన్‌ ప్రైమ్‌లో విడుదలైన ఈ వెబ్‌ సిరీస్‌ సీజన్‌ 1 మంచి రెస్పాన్స్ ను దక్కించుకుంది.ఈ క్రమంలో మే రెండవ వారంలో ఈ సీరిస్ విడుదల చేయటానికి ప్లాన్ చేస్తున్నట్లు సమాచారం. ఈ మేరకు అఫీషియల్ ప్రకటన అతి త్వరలో రానుంది. ఓ ప్రక్కన కరోనా తో జనం ఓటీటిలకు అతుక్కుపోయారు. ఈ టైమ్ ని రిలీజ్ కు ఫెరఫెక్ట్ టైమ్ గా భావిస్తున్నారు. సమంత కూడా ఉంది కాబట్టి తెలుగులో పెద్ద హిట్ అవుతుందని రాజ్‌ అండ్‌ డీకే భావిస్తున్నారు.

అమెజాన్‌ ప్రైమ్‌ ఆ మధ్యన విడుదల చేసిన ‘తాండవ్‌’ , ‘మీర్జాపూర్’ పై కొన్ని వర్గాల నుంచి తీవ్ర స్థాయిలో ఆరోపణలు ఎదురుకావడం వల్ల ఆలస్యంగా ఫ్యామిలీ మ్యాన్‌‌ను స్ట్రీమింగ్ చేస్తున్నారని సమాచారం. మనోజ్‌ బాజ్‌పాయ్‌, ప్రియమణి ప్రధాన పాత్రల్లో వచ్చిన ఈ వెబ్‌ సిరీస్‌ మొదటి పార్ట్ దేశ వ్యాప్తంగా మంచి రెస్పాన్స్‌ తెచ్చుకుంది. రెండో సీజన్‌లో సమంత టెర్రరిస్ట్‌గా నటిస్తుండడంతో ఈ సిరీస్‌పై మరింత ఆసక్తి నెలకొంది.ఈ సీరిస్ లో కొన్ని వివాదాస్పద సన్నివేశాలు ఉండటంతో వాటిని రీషూట్ చేసినట్టు తెలుస్తుంది. దాంతో ఈ సిరీస్ ప్రేక్షకుల ముందుకు రావడానికి ఆలస్యం అయ్యిందని చెప్తున్నారు.