టీజర్ టాక్: ఐ లవ్ యూ అంటున్న తేజ్
అందమైన అమ్మాయి.. హుషారైన అబ్బాయి.. వర్షం పడుతున్న సమయంలో ఒకరికొకరు ఎదురుపడతారు. హీరోయిన్ ను చూసీ చూడగానే హీరో గుండెల్లో లవ్ బెల్ మోగుతుంది. అక్కడి నుంచి ఆ అమ్మాయి ప్రేమను దక్కించుకోవడం హీరో ప్రయత్నించడం మొదలెడతాడు. లవ్ స్టోరీలకు ఇది ఎవర్ గ్రీన్ కాన్సెప్ట్. అందంగా తీయాలే కానీ మళ్లీ మళ్లీ చూడాలనే అనిపిస్తుంది.
వరసగా మాస్ యాక్షన్ ఎంటర్ టెయినర్లు చేసి ఎదురుదెబ్త తిన్న మెగా హీరో సాయి ధరమ్ తేజ్ ఈసారి రూటు మార్చాడు. ప్రేమ కథా చిత్రాల స్పెషలిస్ట్ కరుణాకరన్ డైరెక్షన్ లో రొమాంటిక్ ఎంటర్ టెయినర్ తేజ్ ఐ లవ్ యు చేస్తున్నాడు. తాజాగా ఈ మూవీ టీజర్ రిలీజ్ చేశారు. బస్టాప్ లో వర్షం పడుతున్న సమయాన టీ తాగుతున్న హీరో సాయి ధరమ్ తేజ్ అక్కడే గిటార్ వాయిస్తూ కనిపిస్తున్న హీరోయిన్ అనుపమ పరమేశ్వర్ ను చూసి మైమరిచిపోతాడు. అదే టీ హీరోయిన్ కలిసి షేర్ చేసుకుంటున్నట్టు కలలో మునిగిపోతాడు.
ఈ టీజర్ చెప్పుకోదగిన ప్రత్యేకతలేమీ లేకపోయినా హీరో.. హీరోయిన్ల లుక్ మాత్రం బాగుందని చెప్పాలి. ముఖ్యంగా తేజు ఇంప్రెసివ్ గా కనిపించాడు. తేజు - అనుపమ మొదటిసారి కలిసి నటిస్తుండటంతో వీళ్లిద్దరి పెయిర్ ఫ్రెష్ గా అనిపించింది. కరుణాకరన్ ఇంతకుముందు తీసిన సినిమాల్లో ఇలాంటి సీన్లు చాలానే చూపించాడు. కాకపోతే తేజూ ఇలా కనిపించడం ఇదే ఫస్ట్. ప్రేమకథలు అందంగా తీయాలే కానీ మళ్లీ చూడటానికి ప్రేక్షకులు రెడీగానే ఉంటారు. కరుణాకరన్ ఇదే ఫార్ములాను నమ్ముకున్నట్టు కనిపిస్తోంది.
టీజర్ కోసం క్లిక్ చేయండి