'ఫోటోషూట్'తో కన్ఫర్మ్ చేసిన స్టార్ హీరో కూతురు

బాలీవుడ్ లో స్టార్ల వారసులు హీరో హీరోయిన్లుగా తెరంగేట్రం చేయడం ఎక్కువైపోతోంది. ప్రస్తుతం బాలీవుడ్ ఇండస్ట్రీలో ఉన్న యంగ్ హీరో హీరోయిన్స్ అంతా సినీ బ్యాగ్రౌండ్ నుండి వచ్చినవారే. ఈ మధ్యే కొత్తతరం హీరోయిన్లుగా శ్రీదేవి కూతురు జాన్వీ కపూర్, హీరో సైఫ్ కూతురు సారా అలీఖాన్ ఇప్పటికే బాలీవుడ్ లో అడుగు పెట్టేసారు. ఇక తాజాగా బాలీవుడ్ బాద్షా షారుఖ్ ఖాన్ గారాలపట్టి సుహానా ఖాన్ త్వరలో హీరోయిన్ గా మారబోతోందంటూ ప్రచారం జరుగుతోంది. ఇక సుహానా హీరోయిన్ కాకముందే సోషల్ మీడియాలో ఫుల్ పాపులర్ అయిపోతుంది. సెలెబ్రిటీల పిల్లలంటే పార్టీలు, పబ్బులు అంటూ ఫ్రెండ్స్ తో ఎక్కువగా తిరుగుతుంటారు. ఆ విషయంలో సుహానా ఇంకాస్త ఎక్కువగానే ఎంజాయ్ చేస్తుందని చెప్పాలి. 19 ఏళ్ల ఈ కుర్ర భామ తన అందంతో కుర్రకారును ఆకట్టుకుంటోంది.

ఇక తాజాగా సుహానా ఖాన్‌.. లాక్‌డౌన్ సమయంలో ఇంట్లో ఉంటూనే ఫోటోషూట్‌లు చేస్తుంది. అదేమీ ప్రొఫెష‌న‌ల్ ఫోటోషూట్ కాదులెండి.. కానీ ఆ ఫోటోల‌ను త‌ల్లి గౌరీఖాన్ తీయ‌డం విశేషం. చాలా సింపుల్‌గా ఉన్న సుహానా.. కొన్ని స్టిల్స్‌తో ఆకట్టుకుంటుంది. ఇక తల్లి గౌరీ ఖాన్ కూడా ఓ ఫ్రొఫెష‌న‌ల్ లాగే ఫీలై త‌న కూతుర్ని కెమెరాలో బంధించింది. ఆ ఫోటోలను సుహానా త‌న ఇన్‌స్టాగ్రామ్‌లో పోస్టు చేసింది. కానీ సుహానా అభిమానులు మాత్రం ఎప్పుడు వెండితెర పై మెరుస్తుందో అని ఆత్రంగా చూస్తున్నారు. ఇక సుహానా ప్ర‌స్తుతం న్యూయార్క్ వ‌ర్సిటీలో యాక్టింగ్ కోర్సు చదువుతుంది. ఏడాది క్రిత‌మే ఆమె ఈ కోర్సులో చేరిందట. ఇదివరకే ఇంగ్లండ్‌లోని అర్డింగ్లీ కాలేజీ నుంచి సుహానా త‌న డిగ్రీ పూర్తి చేసిందట. ఇక యాక్టింగ్ కోర్సు చేస్తుందంటే.. ఖచ్చితంగా సినిమాల్లోకి సుహానా ఎంట్రీ ఇవ్వనుందని ఈ తాజా తల్లి కూతుళ్ల ఫోటో షూట్ తో ఫ్యాన్స్ కన్ఫర్మ్ చేసుకున్నారు. కానీ ఎప్పుడు ఎంట్రీ ఇవ్వనుందో మాత్రం ఇంకా తెలియలేదు.