డూప్లికేట్ ఐశ్వర్య.. ఇంకా ట్రై చేసేస్తోంది

స్నేహ ఉల్లాల్ తన యాక్టింగ్ తో తెచ్చుకున్న పేరు ప్రఖ్యాతుల కంటే.. డూప్లికేట్ ఐశ్వర్యారాయ్ అన్న ఇమేజే ఎక్కువ. ఒకరకంగా ఇది ప్లస్ పాయింటే అయినా.. దీనివల్ల అంతగా కలిసొచ్చిందేమీ లేకపోయింది. టాలీవుడ్ లో హిట్ చిత్రాల్లో నటించినా.. ఈ భామకు టైం మాత్రం కలిసిరాలేదు.

సింహ వంటి బ్లాక్ బస్టర్ మూవీలో బాలకృష్ణకు జంటగా నటించినా కూడా.. స్నేహ ఉల్లాల్ టాప్ రేంజ్ హీరోయిన్ అవలేకపోయింది. ఆ తర్వాత కూడా మడత కాజా వంటి కొన్ని అవకాశాలు వచ్చినా.. కెరీర్ మాత్రం గాడిలో పడలేదు. ఆ తర్వాత సైలెంట్ అయిపోయిన ఈ సుందరి.. ఇప్పటికీ ఇండస్ట్రీపై ఆశలు మాత్రం పోగొట్టుకోలేదు. రీసెంట్ గా ఈమె చేసిన ఓ హాట్ ఫోటో షూట్ అయితే కుర్రాళ్ల గుండెల్లో మంటలు పుట్టిస్తోంది. రొమాంటిక్ మూడ్ ని మించిపోయిన పోజులతో తెగ రెచ్చకొట్టేసింది స్నేహ. ఎన్నేళ్లు గడిచినా తనలో ఇంకా తరగని అందాలు చాలానే ఉన్నాయని ఈ ఫోటో షూట్ తో చెప్పేసింది ఈ సుందరాంగి.

మరి ఈ ఫోటోలు చూశాకైనా నిర్మాతలు ఈమెకు ఆఫర్లు ఇస్తారో లేదో చెప్పలేం కానీ.. ఇప్పటికైతే చేతిలో సినిమాలు మాత్రం ఏం లేదు. గతేడాది ఓ బాలీవుడ్ సినిమా కూడా చేసేసింది స్నేహ. అయినా అక్కడి నుంచి కూడా మళ్లీ పిలుపు రాలేదు. అందుకే ఇప్పుడు మరోసారి టాలీవుడ్ లోనే ప్రూవ్ చేసేసునేందుకు రెడీ అంటోంది.