సల్మాన్ నే అడగండి అంటున్న పీసీ అమ్మగారు!

గ్లోబల్ సుందరి ప్రియాంక చోప్రా సల్మాన్ ఖాన్ తాజా చిత్రమైన 'భరత్' లో హీరోయిన్ గా నటించేందుకు మొదట అంగీకరించింది. కానీ షూటింగ్ స్టార్ట్ అయ్యే సమయానికి నటించడం లేదని ప్రాజెక్టు నుండి తప్పుకుంది. ఆ తర్వాత ఈ విషయంపై డైరెక్టర్ అలీ అబ్బాస్ జఫార్ తన ట్విట్టర్ ఖాతా ద్వారా క్లారిటీ ఇచ్చాడు.  వ్యక్తిగత కారణాల వల్ల పీసి సినిమానుండి తప్పుకుందని చెప్తూ ఇండైరెక్ట్ గా నిక్ జోనాస్ ప్రస్తావన తెచ్చి, పీసీ సంతోషంగా ఉండాలని కోరుకున్నాడు.

ఆ తర్వాత కూడా ఈ ప్రాజెక్ట్ నుండి ప్రియాంక తప్పుకోవడం పై కొత్త వార్తలు కూడా వస్తున్నాయి.  ప్రియాంక తప్పుకోవడం సల్మాన్ కు నచ్చలేదని, దాంతో ప్రియాంకపై చాలా ఆగ్రహంగా ఉన్నాడని బాలీవుడ్ మీడియాలో వార్తలు వచ్చాయి. రీసెంట్ గా ఈ విషయంపై ప్రియాంక అమ్మగారు మధు చోప్రా ను రిపోర్టర్లు ప్రశ్నిస్తే ఆమె ఇంట్రెస్టింగ్ సమాధానం ఇచ్చింది. "ఈ ప్రశ్న సల్మాన్ ను అడిగితే బాగుంటుంది.  ఎందుకంటే నాకు ఆ విషయం గురించి తెలీదు.  ప్రియాంక 'భరత్' లో నటించడం లేదు.  మీడియా లో ఏవేవో గాసిప్స్ వస్తుంటాయి. అవేవీ నిజాలు కాదు."

అవి నిజాలు కాదో అవునో గానీ నిక్ ఒక్కడే నిజం. ప్రస్తుతానికి ప్రియాంక ఆ నిక్కు ప్రేమలో ఉండడం నిజం.. దాని కారణంగానే 'భరత్' సినిమానుండి బయటకు రావడం నిజం.  దాని వల్ల పీసీ అభిమానులు ఆమె హిందీ సినిఅమను మిస్ కావడం కూడా నిజం!