ప‌వ‌ర్ స్టార్ వ‌ర్సెస్ ప‌రాన్న‌జీవి.. ఎవ‌రు బెస్ట్?

జ‌న‌సేనాని ప‌వ‌న్ క‌ల్యాణ్ రాజ‌కీయ వైఫ‌ల్యంపై ఆర్జీవీ తీసిన సెటైరిక‌ల్ మూవీ `ప‌వ‌ర్ స్టార్` జూలై 25న రిలీజైన సంగ‌తి తెలిసిందే. అదేరోజు ఆర్జీవీపై సెటైర్ వేస్తూ నూత‌న్ నాయుడు ద‌ర్శ‌క‌త్వంలో ప‌వ‌న్ అభిమానులు తీసిన `ప‌రాన్న‌జీవి` చిత్రం రిలీజైంది. అయితే ఈ రెండిటిలో ఏది బెస్ట్ రిజ‌ల్ట్ అందుకుంది? ఎవ‌రు ఎంత సంపాదించారు? అంటే.. అంతా ఊహించిన‌ట్టే `ప‌వ‌ర్ స్టార్` ఏటీటీ వేదిక‌పై స‌క్సెస్ సాధించింద‌ని ప్ర‌చార‌మ‌వుతోంది. ఈ సినిమా ఏకంగా రెండు కోట్లు వ‌సూలు చేసింద‌న్న‌దే షాకింగ్ న్యూస్. అస‌లు ఏటీటీ కంటెంట్ అన్న పేరుకు త‌గ్గ‌ట్టే ఇది పూర్తి నిడివి సినిమా కానే కాదు. కేవ‌లం 10-12 స‌న్నివేశాల స‌మాహారంగా ఒక‌దానివెంట ఒక‌టిగా ఎపిసోడ్లు అల్లిన‌ట్టు తీసిన 37 నిమిషాల నిడివి ల‌ఘు చిత్రంలాగా క‌నిపిస్తుంది.

ర‌క‌ర‌కాల వివాదాల్ని క్రియేట్ చేసి ఆర్జీవీ తెచ్చిన హైప్ న‌డుమ ప‌వ‌ర్ స్టార్ సినిమాని మొద‌టి రోజు జ‌నం బాగానే చూశారు. అయితే అదే రోజు మ‌ధ్యాహ్నానికే ఒరిజిన‌ల్ క్వాలిటీతో ప‌వ‌ర్ స్టార్ మూవీని జ‌నం పైర‌సీ వీడియోలో చూశారు. ఇది నిజంగా పెద్ద దెబ్బ కొట్టింద‌న్న విశ్లేష‌ణ సాగుతోంది. అన‌వ‌స‌ర ఖ‌ర్చు లేకుండా ప‌రిమిత బ‌డ్జెట్ తో తీసిన ప‌వ‌ర్ స్టార్ ఆర్జీవీ బృందానికి ల‌క్ష‌ల్లో లాభాలు తెచ్చింద‌ని విశ్లేష‌ణ సాగుతోంది.

ఇక ష‌క‌ల‌క శంక‌ర్ ప్ర‌ధాన పాత్ర‌లో తెర‌కెక్కించిన `ప‌రాన్న‌జీవి`కి ఆద‌రణ ద‌క్క‌లేదు. ఈ మూవీని చూసేందుకు జ‌నం ఆస‌క్తిని క‌న‌బ‌ర‌చ‌లేదు. ఫ‌లితంగా కేవ‌లం 10వేల టిక్కెట్ల వ‌ర‌కే అమ్మ‌కాలు సాగాయ‌ని‌ గుస‌గుస‌లు వినిపిస్తున్నాయి. పైగా రిలీజైన మ‌రుస‌టి రోజుకే సాంకేతిక కార‌ణాల‌తో బ్రేక్ ప‌డ‌డం దెబ్బ కొట్టింద‌ట‌.

ఆర్జీవీ.. ష‌క‌ల‌క శంక‌ర్ ఇద్ద‌రూ మీడియా వేదిక‌లు ఎక్కి త‌మ సినిమాల‌కు బాగానే ప్ర‌చారం చేసుకున్నా అంతిమంగా ప‌వ‌ర్ స్టార్ దే విజ‌యం అని చెప్పుకుంటున్నారు. ఇక ఏటీటీ కంటెంట్ అంటేనే రోత పుట్టేలా క్వాలిటీ లేని ఇలాంటి సినిమాల‌కు మునుముందు ఆద‌ర‌ణ ఉంటుందా? అంటే చెప్ప‌లేం. మ‌హ‌మ్మారీ శాంతించి య‌థావిథిగా థియేట‌ర్ వ్య‌వ‌స్థ‌ను పున‌రుద్ధ‌రిస్తే అప్పుడు ఇలాంటి వాళ్ల ఆట‌లు చెల్ల‌క‌పోవ‌చ్చు. కానీ ఇప్ప‌ట్లో అది సాధ్య‌మ‌య్యేట్టు కనిపించ‌డం లేదు. ఓటీటీ త‌ర్వాత ఏటీటీ పుట్టుకొచ్చింది. కానీ ఇది పార్ట్ టైమ్ జాబ్ లాంటిదేన‌నే విమ‌ర్శ‌లు వెల్లువెత్తుతున్నాయి.