వైష్ణవ్ తేజ్ రెండో సినిమా ఫిక్స్ చేసిన పవన్

సినిమాలకు కాస్త దూరంగా పవర్ స్టార్ పవన్ కళ్యాణ్ ఉన్నాడేమో గానీ హీరోగా పవన్ ఇమేజ్ ఒక సెంటిమీటర్ కూడా తగ్గలేదు.  ఈమధ్య పవన్ పుట్టిన రోజు సందర్భంగా సోషల్ మీడియాలో జరిగిన బర్త్ డే హంగామానే దానికి ఋజువు.  ఇక పవన్ బ్లెస్సింగ్ ఉంటే ఏ హీరోకయినా అది కొండంత బలం. అందులోనూ కొత్త హీరోలకు అది మంచి బూస్ట్ ఇస్తుంది.

పవన్ ఇప్పటికే కొంతమంది హీరోలను కూడా ప్రోత్సహించిన విషయం తెలిసిందే.  సహజంగా ఫ్యామిలీ హీరోలను డైరెక్ట్ గా సపోర్ట్ చెయ్యడుగానీ అవసరమైతే మాత్రం వాళ్ళకు అండగా నిలబడతాడు.  మేనలుడు సాయి ధరమ్ తేజ్ ను పవన్ మొదట్లో ప్రోత్సహించిన విషయం తెలిసిందే.  ఇక మెగా ఫ్యామిలీనుండి తాజాగా టాలీవుడ్ ఎంట్రీ ఇవ్వనున్న సాయి ధరమ్ తేజ్ తమ్ముడు వైష్ణవ్ తేజ్ కి పవన్ మావయ్య బ్లెస్సింగ్స్ ఉన్నాయట.

వైష్ణవ్ డెబ్యూ సినిమా ఇప్పటికే ఫిక్స్ అయింది గానీ తన రెండో సినిమాను పవన్ ఇప్పటికే సెట్ చేసి పెట్టాడట.  'గోపాల గోపాల'.. 'కాటమరాయుడు' దర్శకుడు డాలీ - పవన్ సన్నిహితుడైన నిర్మాత రామ్ తాళ్ళూరి కాంబినేషన్ లో ఈ సినిమా తెరకెక్కుతుందట.  ఈ సినిమా నెక్స్ట్ ఇయర్ లో సెట్స్ పైకి వెళ్తుందట. SRT ఎంటర్టైన్మెంట్స్ బ్యానర్ పై తెరకెక్కనున్న ఈ సినిమాను పవన్ కళ్యాణ్ క్రియేటివ్ వర్క్స్ బ్యానర్ లో ప్రెజెంట్ చేస్తారట.  ఇదిలా ఉంటే వైష్ణవ్ మొదటి సినిమా ను మైత్రీ మూవీ మేకర్స్ - సుకుమార్ సంయుక్తంగా నిర్మిస్తారట.  సెప్టెంబర్ లోనే ఈ సినిమాను లాంచ్ చేస్తారట.