తేజూ ఐలవ్యూ చెబుతున్నా రెస్పాన్స్ ఏది?

తేజ్ ఐ లవ్ యూ అంటూ సాయిధరం తేజ్ హీరోగా సినిమా రెడీ అయిపోయింది. లవ్ స్టోరీస్ స్పెషలిస్ట్ అయిన కరుణాకరన్ దర్శకత్వంలో రూపొందిన మూవీ కావడంతో మొదట ఈ చిత్రంపై కనపడింది. అయితే.. తేజుకి ప్రస్తుతం ట్రాక్ రికార్డు అస్సలు బాగాలేదు. ఐదు డిజాస్టర్లతో మార్కెట్ ను బాగా దెబ్బ తీసుకున్నాడు. అందుకే ఈ సినిమాకు బజ్ క్రియేట్ చేయడం కష్టతరంగా మారిపోయింది.

రీసెంట్ గా జరిగిన ఆడియో రిలీజ్ ఫంక్షన్ కు మెగాస్టార్ చిరంజీవి చీఫ్ గెస్ట్ గా వచ్చారు. ఈ వేడుకలో కూడా సినిమా గురించి మాట్లాడిన మాటలు తక్కువే. చిరంజీవి కూడా తన స్టైల్ లో కరెక్షన్స్ చేయించినట్లు ఇండికేషన్స్ ఇచ్చారు. ఇంత జరిగినా.. సాక్షాత్తూ చిరునే తన మేనల్లుడి కోసం కదిలి వచ్చినా తేజ్ ఐలవ్యూ మూవీపై మాత్రం జనాల్లో ఇంట్రెస్ట్ క్రియేట్ కావడం లేదు. ఈ నెల 29నే తేజ్ ఐలవ్యూ థియేటర్లలోకి వస్తోంది. అయినా సరే ఆడియన్స్ లో ఈ మూవీ మీద హోప్స్ పెరుగుతున్న ఛాయలు లేవు.

ఇక ఆడియో కూడా అంతంత మాత్రంగానే ఉంది. గోపీ సుందర్ ఇచ్చిన మ్యూజిక్ కు ఓకే అనే టాక్ వచ్చింది తప్ప.. సూపర్బ్ అనే రేంజ్ లో మాత్రం లేదని జనాలు అనుకుంటున్నారు. ఈ పాటలకు కరుణాకరన్ మేకింగ్ స్టైల్ తోడయిన తర్వాత.. విజువల్ గా చాలా బాగుంటాయని యూనిట్ వర్గాలు అంటున్నాయి. మూవీ విషయంలో యూనిట్ చాలా కాన్ఫిడెంట్ గా ఉందని.. జనాలను థ్రిల్ చేయగలిగినంత కంటెంట్ ఉందని.. అందుకే ఎక్కువగా మాట్లాడకూడదని యూనిట్ డిసైడ్ అయ్యారనే టాక్ కూడా ఉంది. అలా జరిగితే మెగా ఫ్యాన్స్ కు హ్యాపీసే. మరి ఏం జరుగుతుందో తెలియాలంటే మాత్రం రెండు వారాలు ఆగాల్సిందే.