మెగా డాటర్‌ రొమాన్స్‌ ఈ హీరోతోనే

మెగా బ్రదర్‌ నాగబాబు కూతురు నిహారిక ఒక తమిళ సినిమాను కన్ఫర్మ్‌ చేసిన విషయం తెల్సిందే. కెరీర్‌ లో మొదటి సారి లిప్‌ లాక్‌ సీన్‌ చేయడంతో పాటు గోవా బీచ్‌ లో రొమాంటిక్‌ సీన్స్‌ లో నటించబోతున్నట్లుగా స్వయంగా ఆమె చెప్పింది. తెలుగులో ఈమె చేసిన సినిమాల్లో ఇప్పటి వరకు రొమాంటిక్‌ సీన్స్‌ చేయలేదు. నటిగా మంచి గుర్తింపు దక్కించుకున్నా కూడా కమర్షియల్‌ సక్సెస్‌ ను మాత్రం ఈమె దక్కించుకో లేదు. ఈసారి కమర్షియల్‌ సక్సెస్‌ కోసం తమిళనాట కాస్త రొమాంటిక్‌ సీన్స్‌ కు రెడీ అయ్యింది.

తమిళంలో ఈమె చేయబోతున్న సినిమా గురించి మరింతగా క్లారిటీ వచ్చింది. నిహారిక రొమాన్స్‌ చేయబోతున్న హీరో అశోక్‌ సెల్వన్‌. ఈయన ఈమద్యే ఓమై కడవలే అనే చిత్రంతో హిట్‌ అందుకున్నాడు. హీరోగా నిర్మాతగా తమిళంలో మంచి క్రేజ్‌ ఉన్న అశోక్‌ సెల్వన్‌ ఈసారి నిహారిక తో జత కట్టబోతున్నాడు. ఈ సినిమాకు లేడీ డైరెక్టర్‌ స్వాతిని దర్శకత్వం వహించబోతుంది. ఈ ముగ్గురు కూడా క్లోజ్‌ ఫ్రెండ్స్‌. గత మార్చిలో వీరు ముగ్గురు కూడా కలర్స్‌ పూసుకుని హోలీ ఆడుతూ దిగిన ఫొటోను షేర్‌ చేశారు.

ఈ ప్రాజెక్ట్‌ గురించి ఈ ముగ్గురు చాలా కాలం నుండే చర్చలు జరుపుతూ వస్తున్నారు. ఇప్పుడు నిహారిక ద్వారా ఆ విషయం బయటకు వచ్చింది. ఒక ట్రెండ్డింగ్‌ కమర్షియల్‌ సబ్జెక్ట్‌ తో ఈ సినిమా రూపొందబోతుందట. లాక్‌ డౌన్‌ ముగిసి షూటింగ్స్‌ కు అనుమతించిన వెంటనే ఈ రొమాంటిక్‌ ఎంటర్‌ టైనర్‌ షూటింగ్‌ ప్రారంభం కాబోతుంది. ఈ చిత్రాన్ని తెలుగులో కూడా డబ్‌ చేయనున్నారు. నిహారికకు ఈ చిత్రం మొదటి కమర్షియల్‌ సక్సెస్‌ ను అందించనుందా అనేది చూడాలి.