సౌత్ ఇండస్ట్రీలోనే మహేష్ బాబు తర్వాతే ఎవరైనా...!

సూపర్ స్టార్ మహేష్ బాబు సినీ ఇండస్ట్రీలో మోస్ట్ హ్యాండ్సమ్ హీరోల్లో ఒకరని చెప్పడంలో ఎలాంటి సందేహం లేదు. నటశేఖరుడు కృష్ణ వారసుడిగా ఇండస్ట్రీలో అడుగుపెట్టిన మహేష్ అనతికాలంలోనే తనకంటూ ప్రత్యేకమైన గుర్తింపు తెచ్చుకున్నాడు. 'రాజకుమారుడు' సినిమాతో హీరోగా పరిచయమైన ప్రిన్స్ మహేష్ బాబు 20 ఏళ్ళ సినీ కెరీర్ పూర్తి చేసుకున్నారు. తన కెరీర్లో ఇప్పటి వరకు 26 సినిమాల్లో నటించిన మహేష్ ఎన్నో సూపర్ హిట్ బ్లాక్ బస్టర్ హిట్ సినిమాలను అందించారు. కేవలం సౌత్ సినీ ఇండస్ట్రీలోనే కాకుండా దేశవ్యాప్తంగా గుర్తింపు ఉన్న హీరోలలో మహేష్ బాబు ఒకరని చెప్పవచ్చు. 46 ఏళ్ళ వయసులో కూడా అదే ఫిజిక్ మైంటైన్ చేస్తూ హాలీవుడ్ హీరోకి ఏమి తక్కువ కాదని నిరూపిస్తున్నాడు. ఇక మహేష్ బాబు కి సోషల్ మీడియాలో కూడా అదే రేంజ్ లో ఫాలోయింగ్ ఉంది. ఇంస్టాగ్రామ్ లో 5.1 మిలియన్ ఫాలోవర్స్ కలిగి ఉన్న సూపర్ స్టార్ మహేష్ తాజాగా సోషల్ మీడియా మాధ్యమం ట్విట్టర్ లో ఫాలోవర్స్ పరంగా అరుదైన ఫీట్ సాధించారు.

సోషల్ మీడియాలో యాక్టీవ్ గా ఉంటూ ఉండే హీరోల్లో మహేష్ బాబు ముందు వరుసలో ఉంటారనడంలో ఎలాంటి సందేహం లేదు. సినిమా విషయాలతో పాటు ఫ్యామిలీ పర్సనల్ విషయాలు మరియు సామాజిక అంశాలపైనా తనదైన శైలిలో స్పందిస్తూ ప్రజలకు చేరువలో ఉంటారు మహేష్. ఈ క్రమంలో ఆయనకు సినీ అభిమానులే కాకుండా సాధారణ నెటిజన్స్ కూడా ఫాలోవర్స్‌ గా మారిపోయారు. దీంతో సూపర్ స్టార్ మహేష్ బాబు ఫాలోవర్స్ సంఖ్య 10 మిలియన్లు దాటింది. అంటే మహేష్ కోటి కి పైగా ఫాలోవర్స్ ని కలిగి ఉన్నాడన్నమాట. దీంతో సౌత్ సినీ ఇండస్ట్రీలో కోటి మంది ట్విట్టర్ ఫాలోవర్స్ కలిగిన ఏకైన వ్యక్తిగా మహేష్ పేరిట రికార్డు నమోదైంది. మహేష్ కి దగ్గరలో ఫాలోవర్స్ కలిగిన హీరో లేడని చెప్పవచ్చు. ఇక మహేష్ బాబు ట్విట్టర్ లో 31 మందిని మాత్రమే అనుసరిస్తున్నారు.

కాగా ట్విట్టర్ ఫాలోవర్స్ పరంగా మహేష్ బాబు తర్వాత కమల్ హాసన్ 6.1 మిలియన్ల.. 'కింగ్' నాగార్జున మరియు దగ్గుబాటి రానా 6 మిలియన్స్.. రజనీకాంత్ 5.7 మిలియన్లు.. అల్లు అర్జున్ 4.7 మిలియన్లు.. జూనియర్ ఎన్టీఆర్‌ 4.2 మిలియన్స్.. విజయ్ 2.5 మిలియన్ ఫాలోవర్స్‌ తో కొనసాగుతున్నారు. ఇక కెరీర్ పరంగాను కూడా మహేష్ బాబు దూకుడుగా వెళ్తున్నారు. 'భరత్ అనే నేను' 'మహర్షి' 'సరిలేరు నీకెవ్వరు' సినిమాలతో హ్యాట్రిక్ విజయాలను తన ఖాతాలో వేసుకున్న మహేష్ ప్రస్తుతం పరశురామ్ పెట్లా దర్శకత్వంలో 'సర్కారు వారి పాట' మూవీ చేయనున్నారు.