అతడు అన్నా.. నో ఛాన్స్ అంటున్న ఇల్లీ

రామ్ గోపాల్ వర్మకు ఆయన సినిమాల్లో పని చేసిన హీరోయిన్లందరితోనూ ఎఫైర్ లున్నట్లు ఆరోపణలున్నాయి. కానీ ఇదే విషయం ఆయన్నడిగితే.. నాతో కలిసి పని చేసిన హీరోయిన్లందరూ నాకు తోబుట్టువులతో సమానం అని అందరికీ దిమ్మదిరిగే స్టేట్ మెంట్ ఇచ్చేశాడు. ఈ స్టేట్ మెంట్ లో ఎంత నిజం ఉందో వర్మకు, ఆ హీరోయిన్లకు.. పైనున్న ఆ దేవుడికే తెలియాలి. వర్మ సంగతి పక్కనబెట్టేస్తే నీ పక్కన నటించిన ఏ హీరోనైనా నువ్వు సోదరుడిగా భావిస్తావా అని గోవా బ్యూటీ ఇలియానాను అడిగితే మాట వరసకు కూడా తానలా అనుకోనని కుండబద్దలు కొట్టేసింది. రొమాన్స్ చేసిన హీరోల్ని అన్నగా ఎలా అనుకోమంటారు అని ప్రశ్నించింది ఇల్లీ బేబీ.

ఏ హీరోనైనా బ్రదర్ గా భావించడం సంగతటుంచితే.. ఎవరినైనా ఆ స్థానంలో ఊహించుకుంటారా అంటే.. మిగతా వాళ్ల సంగతేమో కానీ తన తొలి బాలీవుడ్ సినిమా హీరో రణబీర్ విషయంలో మాత్రం పొరబాటున కూడా ఆ మాట ఎత్తొద్దని అంటోంది. ‘‘రణబీర్ ను మాత్రం ఊహల్లో కూడా సోదరుడికి భావించలేను. అది చాలా చాలా కష్టం’’ అని చెప్పేసింది ఇలియానా. తెలుగులో అవకాశాలు తగ్గిపోతున్న సమయంలో రణబీర్ హీరోగా నటించిన ‘బర్ఫీ’ సినిమాతో బాలీవుడ్ లోకి అడుగుపెట్టింది ఇలియానా. ఆ సినిమా సూపర్ హిట్టవడమే కాక.. ఆమెకు మంచి పేరు తెచ్చిపెట్టింది. చాక్లెట్ బాయ్ రణబీర్ తో ఆమె కెమిస్ట్రీ బాగా వర్కవుటైందన్న కామెంట్స్ వినిపించాయి. రణబీర్ తో కలిసి నటించినా నటించకపోయినా అంత అందగాణ్ని ఏ అమ్మాయైనా సోదరుడిగా ఎలా భావిస్తుంది?