గ్యాంగ్ స్ట‌ర్ వ‌ర్సెస్ ఠ‌ఫ్ కాప్.. వేస‌విలోనే వార్ స్టార్ట్!

త‌మిళ బ్లాక్ బ‌స్ట‌ర్ విక్ర‌మ్ వేద హిందీ రీమేక్ లో బాలీవుడ్ స్టార్ హీరో హృతిక్ రోష‌న్ గ్యాంగ్ స్ట‌ర్ పాత్ర‌లో న‌టించేందుకు అంగీక‌రించార‌ని ఇంత‌కుముందు క‌థ‌నాలొచ్చాయి. క్రిటిక‌ల్ గా ప్ర‌శంస‌ల‌తో పాటు బాక్సాఫీస్ వ‌ద్ద‌ ఘ‌న‌విజ‌యం సాధించిన ఈ రీమేక్ లో తొలుత అమీర్ ఖాన్ న‌టిస్తున్నార‌ని ప్ర‌చారమైనా ఆయ‌న ఈ ప్రాజెక్ట్ నుంచి వైదొలిగారు.

ఇ‌పుడు అమీర్ స్థానంలో హృతిక్ రోషన్ నటించనున్నారు. తాజా స‌మాచారం మేర‌కు ఈ వేస‌వి నుంచి సినిమా సెట్స్ పైకి వెళ్ల‌నుంది. ఇప్ప‌టికే హృతిక్ రోష‌న్ స్క్రిప్ట్ విని ఓకే చేశారు. గ్యాంగ్ స్ట‌ర్ రోల్ కోసం ప్రిప‌రేష‌న్ ప్రారంభించారు. ఈ పాత్ర కోసం కొంత బ‌రువు పెరిగే వీలుంద‌ని కూడా చెబుతున్నా.. హృతిక్ జిమ్ లో అవ‌స‌రం మేర క‌స‌ర‌త్తులు స్టార్ట్ చేశార‌ని తెలిసింది.

ఈ చిత్రంలో సైఫ్ అలీ ఖాన్ పోలీస్ అధికారి పాత్రలో నటించనున్నారు. హృతిక్ వ‌ర్సెస్ సైఫ్ న‌డుమ వార్ ఆద్యంతం ఆస‌క్తిని క‌లిగించేలా తీర్చిదిద్ద‌నున్నార‌ని తెలిసింది. ఈ సినిమా రెగ్యులర్ షూటింగ్ ఈ వేసవిలో ప్రారంభమవుతుంది. మిగిలిన తారాగణం సిబ్బంది గురించి మరిన్ని వివరాలు త్వరలో తెలుస్తాయి. హృతిక్ చివరిసారిగా 2019 యాక్షన్ థ్రిల్లర్ వార్ లో కనిపించాడు. ప్రస్తుతం సిద్ధార్థ్ ఆనంద్ దర్శకత్వం వహిస్తున్న‌ ఫైటర్ చిత్రంలో నటిస్తున్నారు.

పుష్కర్-గాయత్రి దర్శకత్వం వహించిన విక్రమ్ వేదలో మాధవన్- విజయ్ సేతుపతి ప్రధాన పాత్రల్లో నటించ‌గా మాధ‌వ‌న్ పాత్ర‌లో  హృతిక్ న‌టించేందుకు అంగీక‌రించ‌డంతో ఈ రీమేక్ ప్రాజెక్ట్ పై ఆస‌క్తి నెల‌కొంది.