అందరి టార్గెట్ అదే నెల!

సంక్రాంతికి ఎప్పుడూ రెండు మూడు పెద్ద సినిమాలుంటాయి కాబట్టి మినిమం రేంజ్ సినిమాల చూపు డిసెంబర్ మీద పడటం సహజమే. అయితే ఈ సారి మాత్రం డిసెంబర్ మోస్ట్ క్రేజీ నెలగా మారింది. అరడజను పైనే సినిమాలు డిసెంబర్ లో డేట్స్ కోసం తలపడుతున్నాయి. కొందరేమో జనవరి ఎండింగ్  - ఫిబ్రవరి ఆప్షన్స్ పెట్టుకుంటుంటే మరి కొందరు మాత్రం సంక్రాంతి ముందొచ్చే డిసెంబర్ ను వదిలేదె లేదంటున్నారు.

ఇప్పటికే 'డిస్కో రాజా' - 'భీష్మ' - 'ప్రతి రోజు పండగే' సినిమాలు డిసెంబర్ లో క్రిస్మస్ కానుకగా అంటూ డేట్స్ వచ్చేసాయి(ప్రస్తుతానికి). వీటితో పాటు బాలయ్య సినిమా - 'వెంకీ మామ' సినిమా కూడా డిసెంబర్ లో రావాలని ఊగిసలాటలాడుతున్నాయి. రెండు సినిమాలకు ఇంకా డేట్ కన్ ఫర్మ్ అవ్వలేదు.

ఇవే కాదు గ్యాప్ దొరకాలే కానీ డిసెంబర్ లో మరో రెండు మూడు సినిమాలు లైన్ లో ఉన్నాయి. ఏ  మాత్రం డేట్ దొరికినా సినిమాల అనౌన్స్ మెంట్స్ వచ్చేయడం ఖాయం. ఇలా డిసెంబర్ డేట్స్ కోసం ఇన్ని సినిమాలు చూస్తుండటం విశేషమే.