హీరో గారి తమ్ముడొస్తున్నాడు

ఇండస్ట్రీలో ఎవరి సపోర్ట్ లేకుండా హీరో అవ్వడం నిలదొక్కుకోవడం చాలా కష్టం. అందుకే కొందరు హీరోల తమ్ముళ్ళు అన్నయ్య సపోర్ట్ తో వెండితెరకు పరిచయమవుతున్నారు. టాలీవుడ్ లో అన్నయ్య సపోర్ట్ తో హీరోలయిన వారు ఓ అరడజను దాక ఉంటారు .. అల్లు శిరీష్ నుండి ఆనంద్ దేవరకొండ వరకూ అన్నయ్య సపోర్ట్ తో హీరోలయిన వాళ్ళే.

త్వరలోనే బెల్లంకొండ సాయి శ్రీనివాస్ తమ్ముడు సాయి గణేష్ కూడా ఈ లిస్టులో జాయిన్ అవ్వబోతున్నాడు. ఇప్పటికే చిన్న కొండ కోసం స్క్రిప్ట్ రెడీ అయింది. మొదటి సినిమా కోసం లవ్ స్టోరీ ఎంచుకున్నారు. ప్రస్తుతం ప్రీ ప్రొడక్షన్ వర్క్ జరుగుతోంది. పవన్ సాదినేని ఈ సినిమాను డైరెక్ట్ చేయబోతున్నాడు. ఈ సినిమాకు నిర్మాత బెక్కం వేణుగోపాల్ అయినప్పటికీ బెల్లంకొండ సురేష్ వెనకుండి నడిపించబోతున్నట్లు తెలుస్తోంది.

అతి త్వరలోనే ఓ మంచి రోజు చూసి సినిమాను గ్రాండ్ గా లాంచ్ చేయబోతున్నారు. ఇటివలే బెల్లంకొండ కూడా రాక్షసుడు ప్రమోషన్ లో త్వరలోనే గణేష్ సినిమా లాంచ్ ఉంటుందని ఇప్పుడు ఆ సినిమా గురించి మాట్లాడటం ఇష్టం లేదని చెప్పాడు. బెల్లం కొండ శ్రీనివాస్ కి ఐదేళ్ళ తర్వాత అనుకున్న విజయం దక్కింది. ఇప్పటి వరకూ అతను చేసిన సినిమాల్లో కొన్ని కాస్ట్ ఫెయిల్యూర్స్ కాగా , కొన్ని కంటెంట్ పరంగా ఫ్లాప్ అయ్యాయి. ఎట్టకేలకు తమిళ్ రీమేక్ తో బాక్సాఫీస్ దగ్గర ఓ మోస్తరు విజయం అందుకున్నాడు. మరి గణేష్ కెరీర్ ఎలా ఉండబోతుందో..చూడాలి.