మీనాక్షిని ప‌రిచయం చేసిన మ‌క్క‌ల్ సెల్వ‌న్‌

యంగ్ టాలెంటెడ్ డైరెక్ట‌ర్ ప్ర‌శాంత్ వ‌ర్మ తెర‌కెక్కిస్తున్న ఫాంట‌సీ వ‌ర‌ల్డ్ `హ‌ను మాన్‌`. తేజ్ స‌జ్జ హీరోగా న‌టిస్తున్నాడు. అంచ‌నాద్రి వ‌ర‌ల్డ్ నేప‌థ్యంలో స‌రికొత్త అనుభూతిని క‌లిగించే క‌థా, క‌థ‌నాల‌తో ప్ర‌శాంత్ వ‌ర్మ ఈ చిత్రాన్ని రూపొందిస్తున్నారు.

ఇందులోని చిత్ర విచిత్ర‌మైన పాత్ర‌ల ప‌రిచ‌య కార్య‌క్ర‌మాన్ని ఇటీవ‌లే ప్రారంభించారు. ఇందులో హీరోయిన్ గా అమృత అయ్య‌ర్ న‌టిస్తోంది. తాజాగా ఈ చిత్రంలో న‌టిస్తున్న హీరోయిన్ పాత్ర‌ని ప‌రిచ‌యం చేస్తూ ఫ‌స్ట్ లుక్ వీడియోని విడుద‌ల చేశారు.

ఈ వీడియోని ల‌మిళ స్టార్ మ‌క్క‌ల్ సెల్వ‌న్ విజ‌య్ సేతుప‌తి సోమ‌వారం సోష‌ల్ మీడియా ట్విట్ట‌ర్ వేదిక‌గా విడుద‌ల చేశారు. సినిమాలో ఆమె పాత్ర పేరు మీనాక్షి అంటూ ప‌రిచ‌యం చేశారు. 40 సెక‌న్ల పాటు సాగిన ఈ వీడియోలోని విజువ‌ల్స్ అద్భుతంగా వున్నాయి.

స‌ముద్రంలో క‌ల‌ర్ క‌ల‌ర్ చేప‌లు పైకి లేస్తూ ఆట‌లాడుతుండ‌గా.. ఓ ప‌డ‌వ‌లో మీనాక్షి పాత్రధారి అమృత అయ్య‌ర్ చిరున‌వ్వులు చిందిస్తూ క‌నిపించిన తీరు ఆక‌ట్టుకుంటోంది.

హ‌నుమంతుగా సూప‌ర హీరో పాత్ర‌లో తేజ స‌జ్జ‌ని ప‌రిచ‌యం చేసిన ద‌ర్శ‌కుడు హీరోయిన్‌ని ఓ దేవ‌క‌న్య‌లా ప‌రిచ‌యం చేసిన తీరు ఆక‌ట్టుకుంటోంది. వీడియోలో క‌నిపించిన విజువ‌ల్స్ కూడా ప్రేక్ష‌కుల‌కు ఈ సినిమాతో ఓ కొత్త అనుభూతిని క‌లిగించే ప్ర‌య‌త్నాన్ని ప్ర‌శాంత్ వ‌ర్మ చేస్తున్న‌ట్టుగా స్ప‌ష్టం చేస్తున్నాయి.

తెలుగులోనే మ‌రీ ప్ర‌ధానంగా చెప్పాలంటే భార‌తీయ తెర‌పై మునుపెన్న‌డూ ఎవ‌రూ ట‌చ్ చేయ‌ని సూప‌ర్ హీరో క‌థ‌తో ఈ చిత్రాన్ని తెర‌కెక్కిస్తున్నామ‌ని టైటిల్ అనౌన్స్‌మెంట్ నుంచి ద‌ర్శ‌కుడు ప్ర‌శాంత్ వ‌ర్మ చెబుతున్నారు.

అందుకు త‌గ్గ‌ట్టే సినిమా వుంటుంద‌నే భావ‌న‌ని విజువ‌ల్స్ క‌లిగిస్తున్నాయి. తెలుగు తెర‌పై తెర‌కెక్కుతున్న తొలి సూప‌ర్ హీరో క‌థ‌గా రూపొందుతున్న ఈ చిత్రాన్ని తెలుగు, త‌మిళ‌, మ‌ల‌యాళ‌, క‌న్న‌డ , హిందీ భాష‌ల్లో పాన్ ఇండియా మూవీగా విడుద‌ల చేయబోతున్నారు.

ప్ర‌స్తుతం ఈ మూవీ చిత్రీక‌రణ రామోజీ ఫిల్మ్ సిటీలో జ‌రుగుతోంది. పాపుల‌ర్ ప్రొడ‌క్ష‌న్ కంప‌నీ ప్రైమ్ షో ఎంట‌ర్‌టైన్‌మెంట్స్ ఈ మూవీని నిర్మిస్తోంది. లార్జ‌ర్‌దెన్ లైఫ్ మూవీగా ఈ చిత్రాన్ని భారీ స్థాయిలో నిర్మిస్తున్నారు.

బిగ్ స్టార్స్ ... టాప్ గ్రేడ్ టెక్నిషియ‌న్స ఈ మూవీకి వ‌ర్క్ చేస్తున్నారు. కె. నిరంజ‌న్ రెడ్డి నిర్మిస్తున్న ఈ చిత్రానికి శ్రీ‌మ‌తి చైత‌న్య స‌మ‌ర్ప‌కురాలిగా వ్య‌వ‌హ‌రిస్తున్నారు.

దాశ‌ర‌ది శివేంద్ర ఛాయాగ్ర‌హ‌ణం అందిస్తున్నారు. అనుదీప్ దేవ్‌, హ‌రి గౌర‌, జ‌య‌కృష్ణ‌, కృష్ణ సౌర‌భ్ సంగీతం అందిస్తున్నారు. స‌రికొత్త కాన్సెప్ట్ ల‌తో సినిమాల్ని అందిస్తున్న ప్ర‌శాంత్ వ‌ర్మ ఈ సినిమాతో ఎలాంటి సంచ‌న‌ల‌నాల‌కు తెర‌లేప‌నున్నారో తెలియాలంటే ఈ మూవీ విడుద‌ల వ‌ర‌కు వేచి చూడాల్సిందే.
Full View