అల్లు హీరో నెక్స్ట్ స్టెప్ ఏంటి ?

స్టైలిష్ స్టార్ అల్లు అర్జున్ తమ్ముడిగా పరిచయమైన అల్లు శిరీష్ పరిశ్రమకు వచ్చి ఏళ్ళు గడుస్తున్నా కెరీర్ సక్సెస్ ట్రాక్ లో పడటం లేదు. ఎంత ఆచి తూచి కథలను దర్శకులను ఎంచుకున్నా ఫలితాలు మాత్రం ప్రతికూలంగానే వస్తున్నాయి. మలయాళంలో సూపర్ హిట్ అనిపించుకున్న ఎబిసిడిని ఏరికోరి రీమేక్ చేసుకుంటే ఇదీ తేడా కొట్టేసింది. దీని వల్ల తాను పాఠాలు నేర్చుకున్నానని సోషల్ మీడియాలో పబ్లిక్ గా ఒప్పేసుకున్న శిరీష్ ఇకపై ఎలాంటి సినిమాలు చేయబోతున్నాడనేది ఆసక్తికరంగా మారింది.

నిజానికి శిరీష్ తన సినిమాల నిర్మాణంలో దర్శకత్వ వ్యవహారాల్లో తల దూరుస్తాడని అందువల్లే ఫైనల్ అవుట్ పుట్ ఆశించిన విధంగా రావడం లేదని తనతో వర్క్ చేసిన డైరెక్టర్లు కామెంట్ చేసినట్టుగా గతంలో వార్తలు వచ్చాయి. అవి వాస్తవమో కాదో తెలియదు కాని రిజల్ట్స్ విషయంలో శిరీష్ బాద్యతను విస్మరించలేం.మరో ట్విస్ట్ ఏంటంటే నిర్మాతలు శిరీష్ తో సినిమా అంటే అంత సాహసం చేయలేకపోతున్నారట.

ఎవరైనా దర్శకుడు ప్రొడ్యూసర్ దగ్గర ప్రతిపాదన తీసుకెళ్ళినా వర్క్ అవుట్ కాదని చెప్పి పంపించేస్తున్నారట. దీనికి కారణం చాలా వీక్ అయిపోయిన శిరీష్ మార్కెటే. ఇప్పటిదాకా చెప్పుకోదగ్గ సినిమా శ్రీరస్తు శుభమస్తు ఒక్కటే. దానికన్నా ముందువి తర్వాత వచ్చినవి ఏవీ పేర్లు కూడా గుర్తులేనంత ఈజీగా ధియేటర్ల నుంచి మాయమయ్యాయి. పోనీ స్వంత బ్యానర్ గీతా ఏమైనా శిరీష్ తో వరసగా సినిమాలు ప్లాన్ చేస్తోందా అంటే అలాంటి ఊసే లేదు. ఈ నేపధ్యంలో శిరీష్ నెక్స్ట్ స్టెప్ వేయడం గురించి ఇంకొంత టైం తీసుకోక తప్పేలా లేదు.