'ఆచార్య' షూటింగ్ అప్డేట్.. 'పుష్ప' సెట్ లో కీలక సన్నివేశాలు..?

మెగాస్టార్ చిరంజీవి - దర్శకుడు కొరటాల శివ కాంబినేషన్ లో తెరకెక్కుతున్న తాజా చిత్రం 'ఆచార్య'. ఇందులో మెగా పవర్ స్టార్ రామ్ చరణ్ 'సిద్ధ' అనే కీలక పాత్రలో నటిస్తున్నాడు. చరణ్ పాత్రకు సంబంధించిన చిత్రీకరణ ఎక్కువ భాగం అడవుల్లోనే షూట్ చేయాల్సి ఉండగా.. దీని కోసం 'పుష్ప' షూటింగ్ జరిగిన తూర్పుగోదావరి జిల్లా రంపచోడవరం ప్రాంతాన్ని ఎంచుకున్నారట. ఇప్పటికే అక్కడికి చేరుకున్న చరణ్ పై కొన్ని కీలక సన్నివేశాలు షూట్ చేస్తున్నారని సమాచారం.

కాగా, 'ఆచార్య' సినిమాలో చిరంజీవికి జోడీగా కాజల్ కిచ్లు నటిస్తుండగా.. చరణ్ కి జోడీగా పూజా హెగ్డే ని తీసుకున్నారని టాక్. ఫస్ట్ టైం చిరంజీవి - చరణ్ కలిసి నటిస్తున్న సినిమా కావడంతో ‘ఆచార్య’ మీద మెగా అభిమానులు భారీ అంచనాలు పెట్టుకున్నారు. ఈ చిత్రాన్ని సురేఖ కొణిదెల సమర్పణలో మ్యాట్నీ ఎంటర్‌టైన్‌మెంట్‌ మరియు కొణిదెల ప్రొడక్షన్‌ కంపెనీ బ్యానర్స్ పై రామ్ చరణ్ - నిరంజన్ రెడ్డి సంయుక్తంగా నిర్మిస్తున్నారు. సమ్మర్ కానుకగా మే 13వ తేదీన 'ఆచార్య' ప్రేక్షకుల ముందుకు రానున్నాడు.