బన్నీ రికార్డ్ మైల్​స్టోన్​.. ఆయన అవార్డ్స్​ లిస్ట్​ ఇదే

స్నేహం కోసం ప్రేమను త్యాగం చేసే 'ఆర్య' ఆయన. దేశముదురుగా కనిపించినా.. జులాయిగా తిరిగినా.. డీజే అంటూ యాక్షన్‌ చేసినా.. ఆయన అభిమానులు ఫుల్​ హ్యాపీ. ప్రొఫెషనల్​, పర్సనల్​ లైఫ్​ను బ్యాలెన్స్‌ చేసే సరైనోడు ఆయన. 'విలువలే ఆస్తి' అని తండ్రి కోసం ఏదైనా చేసే ఓ మంచి కొడుకు. అన్న కోసం ఎవడినైనా ఎదురించగలే రేసుగుర్రం. ఆయనే... ఆడా.. ఈడా ఉంటూ అటు క్లాస్‌ ఆడియన్స్‌ను, ఇటు మాస్‌ ప్రేక్షకులను అలరిస్తున్న బాక్సాఫీస్ పుష్ప రాజ్​ ఐకాన్​ స్టార్ అల్లుఅర్జున్​.

తాజాగా ఆయన.. 'పుష్ప అంటే ఫ్లవర్‌ అనుకుంటివా.. ఫైరు..' అంటూ ఉత్తమ నటుడిగా జాతీయ అవార్డుకు ఎంపికై చరిత్ర సృష్టించిన సంగతి తెలిసిందే. సుకుమార్‌ దర్శకత్వంలో తెరకెక్కిన ఈ చిత్రంలో పుష్పరాజ్‌గా అల్లు అర్జున్ యాక్టింగ్​, డైలాగ్‌ డెలివరీ, డ్యాన్స్‌.. ఇలా అన్నీ ఇండియావైడ్​గా సినీ ప్రేక్షకులను తన మాస్‌ అవతార్​తో మెప్పించారు. ఈ చిత్రం బాక్సాఫీస్‌ వద్ద కాసులు కురిపించడంతో పాటు బన్నీ ఖాతాలోకి పలు రికార్డులు కూడా చేరాయి.

తాజాగా ఈ చిత్రంతో ఇప్పుడు బన్నీ నేషనల్‌ అవార్డును కూడా సొంతం చేసుకుని.. తెలుగు సినిమా తలెత్తుకునేలా చేశారు. అయితే ఈ అవార్డుతో ఆయన తన అవార్డ్స్​ లిస్ట్​లో ఓ మైలురాయిని చేరుకున్నారు.

తాజా నేషనల్ అవార్డ్​తో కలిపి తన కెరీర్​లో 50వ అవార్డుకు చేరుకున్నట్టుగా తెలుస్తోంది. 'విజేత', 'స్వాతిముత్యం' వంటి సినిమాలతో బాలనటుడిగా కెరీర్‌ ప్రారంభించిన ఆయన 'డాడీ' సినిమాలో డ్యాన్సర్‌గా ఓ చిన్న పాత్రలో మెరిశారు. ఆ తర్వాత 'గంగోత్రి'తో హీరోగా తెరంగేట్రం చేసి తొలి సినిమాతోనే అవార్డును అందుకున్నారు. అప్పుటి నుంచి కెరీర్​లో ఎదురైన ప్రతి సవాల్‌ను, విమర్శలను స్వీకరించి నటుడిగా తనని తాను అద్భుతంగా మలుచుకున్నారు. ఆ తర్వాత పలు సినిమాలు చేసి స్టార్​గా ఎదిగారు. అయితే ఈ జర్నీలో తాను నటించిన ప్రతి సినిమాతో ఏదో ఒక అవార్డును ముద్దాడారు. అలా ఇప్పుటివరకు 50 అవార్డులను స్వీకరించారు.

వాటిలో గంగోత్రికి 3, ఆర్య 4, బన్నీ 1, దేశముదురు 2, పరుగు 5, ఆర్య 2-2, వేదం 3, బద్రినాద్​ 1, ఇద్దరు అమ్మాయిలతో 1, రేసుగుర్రం 5, సన్నాఫ్ సత్యమూర్తి 1, రుద్రమదేవి 6, సరైనోడు 2, అలవైకుంఠపురంలో 4, పుష్ప 4(జాతీయ అవార్డుతో కలిపి), ఇంకా పలు అవార్డులను కూడా ముద్దాడారు.