జీ5లోకి న‌వాజుద్దీన్ సిద్ధిఖీ పీరియాడిక్ ఫిల్మ్‌!
| బాలీవుడ్‌లో విభిన్న‌మైన క్యారెక్ట‌ర్ల‌తో వెర్స‌టైల్ ఆర్టిస్ట్‌గా పేరు తెచ్చుకున్న న‌టుడు న‌వాజుద్దీన్ సిద్ధిఖీ. తెలుగులోనూ న‌టించిన న‌వాజుద్దీన్ ఇక్క‌డ స‌క్సెస్ కాలేక‌పోయాడు.
బాలీవుడ్‌లో విభిన్న‌మైన క్యారెక్ట‌ర్ల‌తో వెర్స‌టైల్ ఆర్టిస్ట్‌గా పేరు తెచ్చుకున్న న‌టుడు న‌వాజుద్దీన్ సిద్ధిఖీ. తెలుగులోనూ న‌టించిన న‌వాజుద్దీన్ ఇక్క‌డ స‌క్సెస్ కాలేక‌పోయాడు. ఆయ‌న న‌టించిన లేటెస్ట్ పీరియాడిక్ యాక్ష‌న్ డ్రామా `కోస్టావో`. సెజ‌ల్ షా డైరెక్ట్ చేసిన ఈ మూవీలో ప్రియా బాప‌ట్‌, క‌న్న‌డ న‌టుడు కిషోర్‌, మ‌హికా శ‌ర్మ కీల‌క పాత్ర‌ల్లో న‌టించారు. 90వ ద‌శ‌కం నేప‌థ్యంలో గోవాలో సాగే క్రైమ్ డ్రామాగా ఈ మూవీని రూపొందించారు. క‌థే హీరోగా రూపొందిన ఈ సినిమా ఈ గురువారం నుంచి నేరుగా జీ5 ఓటీటీలో స్ట్రీమింగ్ అవుతోంది.
ఇందులో న‌వాజుద్దీన్ సిద్ధిఖీ క‌స్టావో ఫెర్నాండెజ్ అనే కస్టమ్స్ ఆఫీస‌ర్ పాత్ర‌లో న‌టించారు. సినిమా జీ5లో స్ట్రీమింగ్ అవుతున్న సంద‌ర్భంగా న‌వాజుద్దీన్ సిద్ధిఖీ ప్ర‌చార కార్యక్ర‌మాల్లో పాల్గొన్నారు. ఈ సంద‌ర్భంగా ఓ మీడియాకు ఇచ్చిన ఇంట‌ర్వ్యూలో త‌న పాత్ర‌కు సంబంధించిన కీల‌క విష‌యాల్ని వెల్ల‌డించారు. సినిమాలో త‌న పాత్ర అంద‌రిని న‌వ్విస్తుంద‌న్నారు. `కోస్టావో అంద‌రిని న‌వ్విస్తాడు. కానీ త‌న న‌వ్వు వెన‌క దాగివున్న ఒక విష‌యం కోసం ఎప్పుడూ అన్వేషిస్తూనే ఉంటాడు.
ఆ కాన్సెప్ట్ న‌చ్చ‌డంతో దీనికి అంగీక‌రించా. సినిమాలో నా పాత్ర చాలా ధ:ర‌్యంగా ఉంటుంది. నిజాయితీగా ఉంటుంది. నిజాయితీగ‌ల కస్టమ్స్ ఆఫీస‌ర్ ఎదుర్కొన్న బాధ‌లు న‌న్ను ఎంత‌గానో క‌దిలించాయి. ఆ పాత్ర‌లో న‌టించ‌డానికి ముందు భ‌య‌ప‌డ్డాను.ఒక స‌న్నివేశాన్ని రూపొందించ‌డానికి చిత్ర బృందం 1000 మార్గాలు క‌నుగొంది. అది నాకు ఎంతో ఆస‌క్తిగా అనిపించింది. అందుకే ఈ చిత్రానికి వెంట‌నే ఓకే చెప్పాను`అని వివ‌రించారు.
1990లో గోవా స్మ‌గ్లింగ్ నెట్‌వ‌ర్క్‌ను ఛేదించిన కస్టమ్స్ అధికారి కోస్టావో ఫెర్నాండెజ్ క‌థ ఆధారంగా ఈ మూవీని రూపొందించారు. వృత్తిప‌రంగా ఆయ‌న ఎదుర్కొన్న స‌వాళ్ల‌తో పాటు వ్య‌క్తిగ‌తంగా ఆయ‌న ఫేస్ చేసిన కొన్ని విష‌యాల‌ని ఇందులో చ‌ర్చించారు.