దౌర్జన్యం: ప్రియాంక గాంధీ చొక్కా పట్టుకున్న పోలీసులు

హత్రాస్ సంఘటన దేశవ్యాప్తంగా ఆగ్రహావేశాలు రగిల్చింది.. అనంతరం రేప్ బాధితురాలిని పోలీసులు అర్థరాత్రి గుట్టుచప్పుడు కాకుండా దహన సంస్కారాలు నిర్వహించడం దేశంలోని ప్రజలను ఆగ్రహానికి గురిచేసింది. యుపి పోలీసుల చర్యలు ప్రతిరోజూ విపరీతంగా అనాగరికంగా మారుతున్నాయన్న విమర్శలు వెల్లువెత్తుతున్నాయి.

కాంగ్రెస్ నాయకులు రాహుల్ గాంధీ, ప్రియాంకాగాంధీలు..  ఇతర మద్దతుదారులతో కలిసి హత్రాస్ లోని హత్యాచార బాధితురాలి వద్దకు చేరుకోవడానికి ప్రయత్నించినప్పుడు ఓ మగ పోలీసు దారుణంగా ప్రవర్తించారు. మహిళ అని కూడా చూడకుండా ప్రియాంక గాంధీ చొక్కా పట్టుకున్నాడు. ఒక చిత్రం దేశవ్యాప్తంగా దుమారం రేపింది. ఒక మహిళా నాయకురాలిని జాతీయ సెలెబ్రెటీ అని కూడా చూడకుండా ఆమె దుస్తులు పట్టుకోవడం ద్వారా  ఆ పోలీసు ప్రవర్తించిన తీరుపై సోషల్మ మీడియాలో నెటిజన్లు ఆగ్రహావేశాలు వ్యక్తం చేస్తున్నారు. ప్రజల్లోనూ దీనిపై తీవ్ర కోపం, ఆవేదన  వ్యక్తం అవుతోంది. జాతీయ నాయకురాలికే ఇలా జరిగితే.. ఇక సామాన్యుల పరిస్థితి యూపీ పోలీసుల చేతుల్లో ఎలా ఉంటుందని..  యుపి రాష్ట్రంలో ఒక సాధారణ మహిళకు ఎలా న్యాయం జరుగుతుందని మహిళా లోకం నినదిస్తోంది.

ప్రియాంక గాంధీ చాలా మంది కాంగ్రెస్ కార్యకర్తలను  పోలీసుల లాఠీల దెబ్బల నుంచి కాపాడటానికి ముందుండి సాగారు. పోలీసులు కాంగ్రెస్ నాయకులను అడ్డుకోవడానికి ప్రయత్నించారు. ఈ క్రమంలో ఓ పోలీస్ ప్రియాంక చొక్కా పట్టుకున్నాడు. ఇక నిన్న రాహుల్ గాంధీని ఎలా కిందకు నెట్టి పోలీసులు అదుపులోకి తీసుకున్నారో చూశాం.

ప్రియాంక గాంధీ పర్యటన ఆద్యంతం ఉద్రిక్తతకు దారితీసింది.  ఆమె బాధితురాలి కుటుంబాన్ని చేరి పరామర్శించారు. ఆమె పర్యటనలో మూడు అద్భుతమైన ఫొటోలు  వైరల్ అయ్యాయి. ప్రియాంక చొక్కానుపట్టుకున్న పోలీసు ఫొటోతోపాటు.. ఒకే లాఠీ ఛార్జ్‌లో ముందుండి ప్రియాంక నెట్టిన ఫొటో.. మరొకటి హత్యాచార  బాధితురాలి తల్లిని కౌగిలించుకున్న ఫొటో అందరినీ కలిచివేసింది.

బాధితురాలి కుటుంబ సభ్యులను కలవడానికి ప్రియాంక, రాహుల్ నిన్న సాయంత్రం నాటికి హత్రాస్‌కు చేరుకున్నారు. వారు బాధితుడి తల్లిని ఓదార్చారు మరియు న్యాయం జరిగే వరకు పోరాడతామని చెప్పారు.  

ఇక యూపీలో అసలు మహిళా పోలీసులే లేరా.. ప్రియాంక చొక్కాను మగ పొలీసులు పట్టుకోవడం ఏంటని శివసేన ఎంపీ సంజయ్ రౌత్ యూపీ సీఎం యోగిని నిలదీశారు.