• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  NRI >  డిజిటల్ కేవైసీ వేళ...

డిజిటల్ కేవైసీ వేళ ఎన్నారైలకు తిప్పలు.. భారత్‌కు రాక తప్పదా?

| విదేశాల్లో స్థిరపడిన భారతీయులకు (ఎన్ఆర్ఐ) తమ భారతీయ బ్యాంక్ ఖాతాల నిర్వహణ ఎల్లప్పుడూ ఒక ముఖ్యమైన అంశం.

By - A.N.Kumar
Update: 2026-09-24 18:30 GMT

విదేశాల్లో స్థిరపడిన భారతీయులకు (ఎన్ఆర్ఐ) తమ భారతీయ బ్యాంక్ ఖాతాల నిర్వహణ ఎల్లప్పుడూ ఒక ముఖ్యమైన అంశం. అయితే, ఇటీవల అమలులోకి వచ్చిన సెంట్రల్ కేవైసీ 2.0 విధానం కారణంగా చాలా మంది ఎన్నారైలు ముఖ్యంగా ఎన్ఆర్ఈ, ఎన్ఆర్వో ఖాతాల నిర్వహణలో తీవ్ర ఇబ్బందులు ఎదుర్కొంటున్నారు. బ్యాంకుల నుంచి వస్తున్న రీ-వెరిఫికేషన్ మెయిల్స్, సందేశాలు వారిలో ఆందోళన పెంచుతున్నాయి. నిర్ణీత గడువులోగా ఈ ప్రక్రియ పూర్తి చేయకపోతే ఖాతా లావాదేవీల నిలిపివేత ప్రమాదం పొంచి ఉందన్న హెచ్చరికలు పరిస్థితిని మరింత సంక్లిష్టంగా మారుస్తున్నాయి.

2026 ఆగస్టు నుంచి బ్యాంకులు , బీమా సంస్థలు సీకేవైసీ 2.0ను దశలవారీగా అమలు చేయడం ప్రారంభించాయి. కస్టమర్ అనుమతితో సెంట్రల్ కేవైసీ రిజిస్ట్రీ నుంచి ఇప్పటికే ఉన్న ధృవీకరించిన వివరాలను ఆర్థిక సంస్థలు నేరుగా పొందేలా ఈ కొత్త వ్యవస్థను రూపొందించారు. పదేపదే పత్రాలు సమర్పించే అవసరాన్ని తగ్గించి.. డిజిటల్ పద్ధతిలో కేవైసీ ప్రక్రియను వేగవంతం చేయడం దీని ప్రధాన ఉద్దేశం అయినప్పటికీ.. విదేశాల్లో ఉండే ఎన్నారైల విషయానికి వచ్చేసరికి ఈ డిజిటల్ విధానం కొన్ని ప్రాక్టికల్ సమస్యలను సృష్టిస్తోంది.

ముఖ్యంగా విదేశాల్లో నివసించే భారతీయులకు భారతీయ మొబైల్ నంబర్లు యాక్టివ్‌గా లేకపోవడం వల్ల డిజిటల్ వెరిఫికేషన్‌కు అవసరమైన ఓటీపీ అందకపోవడం ప్రధాన ప్రతిబంధకంగా మారింది. అంతేకాకుండా విదేశీ ఐపీ (ఐపీ) అడ్రస్‌ల నుంచి బ్యాంక్ వెబ్‌సైట్లు లేదా యాప్‌లను యాక్సెస్ చేసేటప్పుడు సాంకేతిక లోపాలు తలెత్తుతున్నాయి. సమస్య పరిష్కారం కోసం బ్యాంక్ కస్టమర్ కేర్‌ను సంప్రదించినప్పుడు.. కొన్ని బ్యాంకులు భారత్‌లోని బ్రాంచ్‌ను వ్యక్తిగతంగా సందర్శించాలని లేదా పాస్‌పోర్ట్, వీసా, విదేశీ చిరునామా ధ్రువీకరణ పత్రాల నోటరీ కాపీలు సమర్పించాలని సూచిస్తున్నట్లు ఆన్‌లైన్ ఫోరమ్‌లలో ఎన్నారైలు పేర్కొంటున్నారు.

ఇదే సమయంలో ఎన్నారైలకు డిజిటల్ కేవైసీ ప్రక్రియను సులభతరం చేసే దిశగా సెక్యూరిటీస్ అండ్ ఎక్స్చేంజ్ బోర్డ్ ఆఫ్ ఇండియా (సెబీ) కొన్ని కీలక మార్పులు చేసింది. 2025 డిసెంబర్‌లో సెమీ, ఎన్నారైలు రీ-కేవైసీ లేదా కేవైసీ మార్పుల కోసం డిజిటల్ విధానాన్ని ఉపయోగించే సమయంలో భారత్‌లో భౌతికంగా ఉండాల్సిన నిబంధనను సడలించింది. అలాగే 2026 ఆగస్టు 14న కూడా ఎన్నారైలు, ఓసీఐలు, విదేశీ పౌరుల కేవైసీ ప్రక్రియను మరింత సులభతరం చేసే చర్యలను ప్రకటించింది.

అయితే సెమీ పరిధిలోని సెక్యూరిటీస్ మార్కెట్ కేవైసీ నిబంధనలు.. బ్యాంకింగ్ ఖాతాల కేవైసీ ప్రక్రియ ఒకటే కావు. కాబట్టి ఎన్ఆర్ఈ/ఎన్.ఆర్ఓ ఖాతాదారులు తమ బ్యాంకు నుంచి వచ్చిన సందేశాలను నిర్లక్ష్యం చేయకుండా.. అధికారిక బ్యాంకింగ్ యాప్, వెబ్‌సైట్ లేదా కస్టమర్ కేర్ ద్వారా రీ-కేవైసీ అవసరాన్ని ధృవీకరించుకోవడం చాలా ముఖ్యం. బ్యాంకులు తమ డిజిటల్ వ్యవస్థలను ఎన్నారైల అవసరాలకు అనుగుణంగా మెరుగుపరిచి.. విదేశీ నంబర్లకు ఓటీపీ పంపే సదుపాయం కల్పిస్తే తప్ప ఈ సమస్యలకు పూర్తి పరిష్కారం దొరకదు. అప్పటి వరకు ఖాతాదారులు అప్రమత్తంగా ఉంటూ అవసరమైతే పవర్ ఆఫ్ అటార్నీ వంటి ప్రత్యామ్నాయ మార్గాలను సిద్ధం చేసుకోవడం శ్రేయస్కరం.

Tags:    
  • nri 
  • kyc2.0 
  • nreaccount 
  • nroaccount 
  • banking 
  • nribanking 

Similar News

IPL బాస్‌కి మాఫియా బెదిరింపులు లేక‌పోయినా బ్రిటీష్ పౌర‌స‌త్వం దేనికి?

2026-11-15 05:29 GMT

70 మంది బాలికలను ట్రాప్ చేసిన భారతీయ విద్యార్థి.. బ్రిటన్‌లో 30 ఏళ్ల జైలు శిక్ష!

2026-11-14 11:30 GMT

23 ఏళ్లకే రూ.37 వేల కోట్ల సంపద.. ఏఐతో భారత సంతతి యువకుల సంచలనం!

2026-11-13 17:30 GMT

H-1B వీసాదారులకు కొత్త టెన్షన్.. రెన్యూవల్ నిబంధనల్లో మార్పులకు అమెరికా సిద్ధం!

2026-11-13 16:47 GMT

భార్య మృతదేహాన్ని ముక్కలుగా చేసి పడేశాడు.. హత్య కేసులో ఎన్నారై దోషిగా నిర్ధారణ

2026-11-11 11:24 GMT

విదేశాల్లో భారతీయుల ప్రవర్తనపై విమర్శలు.. అసలు సమస్య ఎక్కడుంది?

2026-11-09 16:30 GMT

అమెరికాలో 22 ఏళ్ల తెలంగాణ యువకుడు అనుమానాస్పద మృతి

2026-11-08 13:35 GMT

గచ్చిబౌలి హోటల్‌లో అమెరికా వ్యాపారవేత్త మృతి

2026-11-07 04:00 GMT

మన అల్లుడే అమెరికా ముస్లిం సెనెటర్.. లింకులు కర్ణాటకలో.. అమెరికా రాజకీయాల్లో భారతీయ మూలాలు

2026-11-06 09:24 GMT

కేరళ నుంచి అమెరికా వరకు.. లాస్ ఏంజెలెస్ తొలి భారతీయ సంతతి మేయర్‌గా నిత్యా రామన్!

2026-11-06 04:57 GMT

అమెరికాలో దీపావళి వేడుకలపై ఆంక్షలు.. బాణసంచా కాల్చితే $2,000 ఫైన్!

2026-11-05 04:16 GMT

అమెరికా కాంగ్రెస్‌లోకి మరో భారత సంతతి మహిళ.. ఫ్లోరిడాలో పియా దండియా చారిత్రాత్మక విజయం!

2026-11-04 08:52 GMT

Copyright @2026

Powered by Blink CMS