పాకిస్తాన్ కూడా నిషేధించిన ట్రిపుల్ తలాక్ ఇప్పుడు భారత్ లోనూ నేరమే
రాజకీయంగా ఎన్ని ఆటంకాలు ఎదురైనా - ఎంత వ్యతిరేకత వచ్చినా మోదీ ప్రభుత్వం మాత్రం చివరకు ట్రిపుల్ తలాక్ బిల్లు (ముస్లిం మహిళల వివాహ హక్కుల రక్షణ బిల్లు -2019)కి పార్లమెంటు ఆమోదం పొందింది. గతవారం లోక్ సభలో ఆమోదం పొందిన ఈ బిల్లుకు మంగళవారం రాజ్యసభలోనూ ఆమోదం లభించింది. దీనిపై నాలుగు గంటలకు పైగా చర్చ జరిగిన అనంతరం రాజ్యసభ ఛైర్మన్ ఓటింగ్ నిర్వహించారు. బిల్లుకు అనుకూలంగా 99 ఓట్లు రాగా - వ్యతిరేకంగా 84 ఓట్లు రావడంతో బిల్లు పాసైంది. రాష్ట్రపతి సంతకం చేశాక ఇది చట్టంగా మారనుంది. ఇప్పటికే నరేంద్ర మోదీ ప్రభుత్వం ఆర్డినెన్స్ రూపంలో 2018 సెప్టెంబర్ నుంచి ఈ చట్టాన్ని అమలు చేస్తోంది.
ఈ చట్టం ప్రకారం 'ఇన్ స్టెంట్ ట్రిపుల్ తలాక్'ను ఇకపై క్రిమినల్ నేరంగా పరిగణిస్తారు. మూడుసార్లు తలాక్ చెప్పి ముస్లిం భర్తలు తమ భార్యలకు విడాకులు ఇవ్వటం ఇక పై నేరమవుతంది. ఒకవేళ అలా విడాకులు పొందిన మహిళ ఫిర్యాదు చేస్తే.. ట్రిపుల్ తలాక్ ఇచ్చిన భర్తకు మూడేళ్ల వరకు జైలు శిక్ష విధించే అవకాశం ఉంది.
కాగా ఈ బిల్లును విపక్ష కాంగ్రెస్ ఆది నుంచి వ్యతిరేకిస్తోంది. ఓటు బ్యాంకు రాజకీయాల కోసమే ఈ బిల్లును ప్రవేశపెట్టారంటూ దీన్ని అడ్డుకునేందుకు కాంగ్రెస్ పార్టీ అన్ని రకాలుగా ప్రయత్నించి విఫలమైంది. అయితే.. పాలక బీజేపీ మాత్రం ఇందులో ఎలాంటి రాజకీయం లేదని ముస్లిం మహిళల రక్షణ కోసమే ఈ బిల్లును తెచ్చామని చెబుతోంది.
ఒకేసారి ట్రిపుల్ తలాక్ చెప్పడాన్ని సుప్రీంకోర్టు 2017లో రాజ్యాంగ విరుద్ధం అని చెప్పింది. ఆ తర్వాత ట్రిపుల్ తలాక్ ద్వారా విడాకులు ఇవ్వడాన్ని నేరంగా పరిగణిస్తూ మోదీ ప్రభుత్వం బిల్లును తయారు చేసి లోక్ సభలో ప్రవేశపెట్టింది. 2018లో లోక్ సభ దానికి ఆమోదం తెలిపింది. కానీ, రాజ్యసభ ఆమోదం లభించలేదు. ఎన్నికలు సమీపిస్తుండటంతో ప్రభుత్వం ఆర్డినెన్స్ ద్వారా ఈ చట్టాన్ని తీసుకొచ్చింది. తిరిగి అధికారం చేపట్టిన తర్వాత తాజా బిల్లును ప్రభుత్వం లోక్ సభలో ప్రవేశపెట్టి ఆమోదం పొందింది. ఇప్పుడు రాజ్యసభ ఆమోదం కూడా లభించింది.
'ఇన్ స్టెంట్ ట్రిపుల్ తలాక్' లేదా 'తలాక్-ఉల్-బిద్దత్' అనేది ముస్లిం భర్తలు తమ భార్యలకు విడాకులు ఇచ్చేందుకు 'తలాక్' చెప్పే ఒక విధానం. అంటే.. భర్తలు ఒకే సమయంలో మూడు సార్లు 'తలాక్' - 'తలాక్' - 'తలాక్' అని చెప్పడం ద్వారా విడాకులు పొందవచ్చు. దీనిని మాటల ద్వారా లేదా టెక్ట్స్ మెసేజ్ ల ద్వారా లేదా ఈమెయిల్ ద్వారా - ఎలాగైనా చెప్పవచ్చు. దీనిని నిషేధించాలంటూ ముస్లిం మహిళల నుంచి సుప్రీంకోర్టుకు పెద్ద ఎత్తున పిటిషన్లు వెల్లువెత్తడంతో - కోర్టు ఇది రాజ్యాంగ విరుద్ధం అంటూ 2017 ఆగస్టులో దానిని నిషేధించింది.
ముస్లిం మహిళల (వివాహ హక్కుల రక్షణ) బిల్లు ప్రకారం 'ఇన్ స్టెంట్ ట్రిపుల్ తలాక్'ను క్రిమినల్ నేరంగా పరిగణిస్తారు. దీని కింద ఒక ముస్లిం పురుషుడికి అత్యధికంగా మూడేళ్ల జైలుశిక్ష విధించవచ్చు. అంతే కాకుండా భర్త ఆ కాలంలో బాధితురాలికి భరణాన్ని కూడా చెల్లించాలి. కొన్ని ముస్లిం మహిళా బృందాలు దీని వల్ల ముస్లిం మహిళలకు ప్రయోజనం ఉండదని వాదిస్తున్నాయి. వివాహ బంధాన్ని కొనసాగించడంలో మహిళలకు కూడా సమానమైన హక్కులు - రక్షణ వ్యవస్థలు ఉండాలని - వివాహ రద్దు విషయంలో తమ అభిప్రాయాన్ని కూడా పరిగణనలోకి తీసుకోవాలని వారు కోరుతున్నారు. ఈ చట్ట ప్రకారం భర్తలు తాము జైలులో ఉండడం వల్ల భరణం చెల్లించలేరంటూ దీన్ని వ్యతిరేకిస్తున్నవారు వాదిస్తున్నారు.
సున్నీ ఇస్లామిక్ చట్టంలోని మూడు సాంప్రదాయాలు 'ట్రిపుల్ తలాక్' విధానం ఇప్పుడు చెల్లుబాటు కాదని చెబుతున్నా... నాలుగోది అయిన దేవ్ బంద్ సాంప్రదాయంలో మాత్రమే ఈ వివాదాస్పద విధానం ప్రస్తుతం చెల్లుబాటులో ఉంది. విడాకుల ప్రక్రియను ఒక ముస్లిం పురుషుడు ప్రారంభిస్తే దానిని 'తలార్-ఉల్-అహ్సాన్' అని పిలుస్తారు. పరిస్థితులు చక్కబడేందుకు - దంపతుల మధ్య అభిప్రాయభేదాలు తొలగించుకునేందుకు అవకాశం కల్పించే విధంగా ఇది మూడు నెలల వ్యవధిలో జరగాలి. ఎవరైనా ముస్లిం మహిళ కూడా విడాకులను కోరవచ్చు. దీనిని 'ఖులా' అని అంటారు. ఒకవేళ ఒక మహిళ విడాకులు కావాలనుకుని - ఆమె భర్త దానికి నిరాకరిస్తుంటే, ఆమె ఎవరైనా ఒక ఖాజీ వద్దకు లేదా షరియా కోర్టుకు వెళ్లవచ్చు. ఈ విధంగా న్యాయబద్ధంగా జారీ అయిన విడాకులను 'ఫష్క్-ఎ-నిఖా' అని అంటారు. వివాహం జరిగేటప్పుడే, వివాహ ఒప్పందం 'నిఖానామా'లోనే ఒక మహిళ 'తలాక్' నియమ నిబంధనలను పేర్కొనవచ్చు. దీనిని 'తఫ్ వీద్-ఎ-తలాక్' లేదా భార్యకు తలాక్ హక్కుల బదిలీ అంటారు.
కాగా భారత్ కంటే ముందు పలు ఇస్లాం దేశాలు సైతం ఈ ట్రిపుల్ తలాక్ ను నిషేధించాయి. ట్రిపుల్ తలాక్ చెప్పి విడాకులు ఇవ్వడాన్ని నేరంగా పరిగణిస్తున్నాయి. బంగ్లాదేశ్ - టర్కీ - సిప్రస్ - ట్యునీషియా - అల్జీరియా - మలేషియా - ఇరాన్ - శ్రీలంక - జోర్డాన్ - ఇండోనేషియా - యూఏఈ - ఖతార్ - సుడాన్ - మొరొకో - ఈజిప్ట్ - ఇరాక్ - బ్రూనేవంటి దేశాలన్నీ ఇప్పటికే ట్రిపుల్ తలాక్ ను నిషేధించాయి. చివరకు కరడుగట్టిన ఇస్లాం దేశమైన పాకిస్తాన్ సైతం దీన్ని మనకంటే ముందే నిషేధించింది.
ఈ చట్టం ప్రకారం 'ఇన్ స్టెంట్ ట్రిపుల్ తలాక్'ను ఇకపై క్రిమినల్ నేరంగా పరిగణిస్తారు. మూడుసార్లు తలాక్ చెప్పి ముస్లిం భర్తలు తమ భార్యలకు విడాకులు ఇవ్వటం ఇక పై నేరమవుతంది. ఒకవేళ అలా విడాకులు పొందిన మహిళ ఫిర్యాదు చేస్తే.. ట్రిపుల్ తలాక్ ఇచ్చిన భర్తకు మూడేళ్ల వరకు జైలు శిక్ష విధించే అవకాశం ఉంది.
కాగా ఈ బిల్లును విపక్ష కాంగ్రెస్ ఆది నుంచి వ్యతిరేకిస్తోంది. ఓటు బ్యాంకు రాజకీయాల కోసమే ఈ బిల్లును ప్రవేశపెట్టారంటూ దీన్ని అడ్డుకునేందుకు కాంగ్రెస్ పార్టీ అన్ని రకాలుగా ప్రయత్నించి విఫలమైంది. అయితే.. పాలక బీజేపీ మాత్రం ఇందులో ఎలాంటి రాజకీయం లేదని ముస్లిం మహిళల రక్షణ కోసమే ఈ బిల్లును తెచ్చామని చెబుతోంది.
ఒకేసారి ట్రిపుల్ తలాక్ చెప్పడాన్ని సుప్రీంకోర్టు 2017లో రాజ్యాంగ విరుద్ధం అని చెప్పింది. ఆ తర్వాత ట్రిపుల్ తలాక్ ద్వారా విడాకులు ఇవ్వడాన్ని నేరంగా పరిగణిస్తూ మోదీ ప్రభుత్వం బిల్లును తయారు చేసి లోక్ సభలో ప్రవేశపెట్టింది. 2018లో లోక్ సభ దానికి ఆమోదం తెలిపింది. కానీ, రాజ్యసభ ఆమోదం లభించలేదు. ఎన్నికలు సమీపిస్తుండటంతో ప్రభుత్వం ఆర్డినెన్స్ ద్వారా ఈ చట్టాన్ని తీసుకొచ్చింది. తిరిగి అధికారం చేపట్టిన తర్వాత తాజా బిల్లును ప్రభుత్వం లోక్ సభలో ప్రవేశపెట్టి ఆమోదం పొందింది. ఇప్పుడు రాజ్యసభ ఆమోదం కూడా లభించింది.
'ఇన్ స్టెంట్ ట్రిపుల్ తలాక్' లేదా 'తలాక్-ఉల్-బిద్దత్' అనేది ముస్లిం భర్తలు తమ భార్యలకు విడాకులు ఇచ్చేందుకు 'తలాక్' చెప్పే ఒక విధానం. అంటే.. భర్తలు ఒకే సమయంలో మూడు సార్లు 'తలాక్' - 'తలాక్' - 'తలాక్' అని చెప్పడం ద్వారా విడాకులు పొందవచ్చు. దీనిని మాటల ద్వారా లేదా టెక్ట్స్ మెసేజ్ ల ద్వారా లేదా ఈమెయిల్ ద్వారా - ఎలాగైనా చెప్పవచ్చు. దీనిని నిషేధించాలంటూ ముస్లిం మహిళల నుంచి సుప్రీంకోర్టుకు పెద్ద ఎత్తున పిటిషన్లు వెల్లువెత్తడంతో - కోర్టు ఇది రాజ్యాంగ విరుద్ధం అంటూ 2017 ఆగస్టులో దానిని నిషేధించింది.
ముస్లిం మహిళల (వివాహ హక్కుల రక్షణ) బిల్లు ప్రకారం 'ఇన్ స్టెంట్ ట్రిపుల్ తలాక్'ను క్రిమినల్ నేరంగా పరిగణిస్తారు. దీని కింద ఒక ముస్లిం పురుషుడికి అత్యధికంగా మూడేళ్ల జైలుశిక్ష విధించవచ్చు. అంతే కాకుండా భర్త ఆ కాలంలో బాధితురాలికి భరణాన్ని కూడా చెల్లించాలి. కొన్ని ముస్లిం మహిళా బృందాలు దీని వల్ల ముస్లిం మహిళలకు ప్రయోజనం ఉండదని వాదిస్తున్నాయి. వివాహ బంధాన్ని కొనసాగించడంలో మహిళలకు కూడా సమానమైన హక్కులు - రక్షణ వ్యవస్థలు ఉండాలని - వివాహ రద్దు విషయంలో తమ అభిప్రాయాన్ని కూడా పరిగణనలోకి తీసుకోవాలని వారు కోరుతున్నారు. ఈ చట్ట ప్రకారం భర్తలు తాము జైలులో ఉండడం వల్ల భరణం చెల్లించలేరంటూ దీన్ని వ్యతిరేకిస్తున్నవారు వాదిస్తున్నారు.
సున్నీ ఇస్లామిక్ చట్టంలోని మూడు సాంప్రదాయాలు 'ట్రిపుల్ తలాక్' విధానం ఇప్పుడు చెల్లుబాటు కాదని చెబుతున్నా... నాలుగోది అయిన దేవ్ బంద్ సాంప్రదాయంలో మాత్రమే ఈ వివాదాస్పద విధానం ప్రస్తుతం చెల్లుబాటులో ఉంది. విడాకుల ప్రక్రియను ఒక ముస్లిం పురుషుడు ప్రారంభిస్తే దానిని 'తలార్-ఉల్-అహ్సాన్' అని పిలుస్తారు. పరిస్థితులు చక్కబడేందుకు - దంపతుల మధ్య అభిప్రాయభేదాలు తొలగించుకునేందుకు అవకాశం కల్పించే విధంగా ఇది మూడు నెలల వ్యవధిలో జరగాలి. ఎవరైనా ముస్లిం మహిళ కూడా విడాకులను కోరవచ్చు. దీనిని 'ఖులా' అని అంటారు. ఒకవేళ ఒక మహిళ విడాకులు కావాలనుకుని - ఆమె భర్త దానికి నిరాకరిస్తుంటే, ఆమె ఎవరైనా ఒక ఖాజీ వద్దకు లేదా షరియా కోర్టుకు వెళ్లవచ్చు. ఈ విధంగా న్యాయబద్ధంగా జారీ అయిన విడాకులను 'ఫష్క్-ఎ-నిఖా' అని అంటారు. వివాహం జరిగేటప్పుడే, వివాహ ఒప్పందం 'నిఖానామా'లోనే ఒక మహిళ 'తలాక్' నియమ నిబంధనలను పేర్కొనవచ్చు. దీనిని 'తఫ్ వీద్-ఎ-తలాక్' లేదా భార్యకు తలాక్ హక్కుల బదిలీ అంటారు.
కాగా భారత్ కంటే ముందు పలు ఇస్లాం దేశాలు సైతం ఈ ట్రిపుల్ తలాక్ ను నిషేధించాయి. ట్రిపుల్ తలాక్ చెప్పి విడాకులు ఇవ్వడాన్ని నేరంగా పరిగణిస్తున్నాయి. బంగ్లాదేశ్ - టర్కీ - సిప్రస్ - ట్యునీషియా - అల్జీరియా - మలేషియా - ఇరాన్ - శ్రీలంక - జోర్డాన్ - ఇండోనేషియా - యూఏఈ - ఖతార్ - సుడాన్ - మొరొకో - ఈజిప్ట్ - ఇరాక్ - బ్రూనేవంటి దేశాలన్నీ ఇప్పటికే ట్రిపుల్ తలాక్ ను నిషేధించాయి. చివరకు కరడుగట్టిన ఇస్లాం దేశమైన పాకిస్తాన్ సైతం దీన్ని మనకంటే ముందే నిషేధించింది.