చంద్రుడిపై బాత్రూమ్ నిర్మాణం: సలహాలు కోరుతున్న నాసొ

అంతరిక్షం అనేది విస్తృతమైనది. ఎన్ని ప్రయోగాలు.. పరిశోధనలు చేసినా ఖగోళ రహాస్యాలు కొన్ని మాత్రమే తెలుసుకుంటున్నాం. ఈ క్రమంలో అంగారకుడి, చందమామ గ్రహాలపై విస్తృత పరిశోధనలు జరుగుతున్నాయి. ఇప్పుడు చందమామపై పరిశోధనలు పెరిగాయి. భారత్, అమెరికా, రష్యా, చైనా తదితర దేశాలు చందమామపై విస్తృతంగా పరిశోధనలు చేస్తున్నాయి. ఈ క్రమంలోనే NASA మళ్లీ చందమామపై పరిశోధనలు చేస్తోంది. ఈ సందర్భంగా ఆస్ట్రోనాట్స్ ను మళ్లీ చంద్రుడిపైకి పంపేందుకు సన్నాహాలు మొదలుపెట్టింది. అయితే వారు ల్యూనార్ సర్ఫేస్ కు చేరుకున్న తర్వాత బాత్రూంకు వెళ్లేందుకు చోటు కావాలని వెతుకుతున్నారు.

ఈ క్రమంలోనే సోలార్ సిస్టమ్ లో బెస్ట్ మూన్ టాయిలెట్ కోసం ప్లాన్లు ఇవ్వాలని ఇంజినీర్లకు ఆఫర్ చేస్తుంది. ల్యూనార్ రెస్ట్ రూం కోసం ఎవరు బెటర్ ఐడియా ఇవ్వగలరోనని ఎదురుచూస్తుంది. NASA.. HeroXతో కలిపి ల్యానార్ లూ ఛాలెంజ్ కాంపిటేషన్ నిర్వహిస్తోంది. భవిష్యత్ లో ల్యూనార్ తలానికి చేరుకుంటే అక్కడ టాయిలెట్ ఎలా వాడాలనే దానిపై పరిశోధనలు జరుపుతున్నారు. చంద్రుడిపైకి 2024కల్లా తొలి మహిళ, తొలి పురుషుడ్ని పంపాలని నాసా ప్లాన్ చేస్తోంది. రెస్ట్ రూం అనే వర్సటైల్ గా ఉండడంతో పాటు అది ఆర్బిట్ లోనే పనిచేసేదిగా ఉండాలి.

చంద్రుడి కక్ష్యలో ఆస్ట్రోనాట్స్ కూడా తేలిగ్గా అనిపించే సమయంలో రెస్ట్ రూం పని చేయాల్సి ఉంటుంది. భూమిపై ఉన్న గురుత్వాకర్షణ శక్తిలో ఆరో వంతు అక్కడి తలంలో ఉంటుంది. గురుత్వాకర్షణ పని చేయని సమయంలో పనితీరు అనేది సరిగ్గా పనిచేయాల్సి ఉంటుంది. మనుషులను 50 సంవత్సరాల కంటే ఎక్కువ కాలం నుంచే చంద్రుడిపైకి పంపిస్తున్నప్పటికీ స్పేస్ టాయిలెట్స్ గురించి నాసా ఇప్పుడే ఆలోచిస్తుంది.

బాత్రూమ్ టెక్నాలజీ అనేది భూమిపై కంటే అడ్వాన్స్ డ్ గా ఉండాలని సైంటిస్టులు ప్రయత్నిస్తున్నారు. దీనికి బెటర్ ప్లాన్ ఇస్తే 35 వేల డాలర్ల ప్రైజ్ లు ఉంటాయని చెప్తుంది. ఔత్సాహికుల నుంచి సలహాలు స్వీకరిస్తోంది. చందమామపై బాత్రూమ్ నిర్మాణంపై ప్లాన్ లు అడుగుతోంది.