మోదీకి యాంకర్ రష్మీ రిక్వెస్ట్.. పంపించేయండి అంటూ పోస్ట్
యాంకర్ రష్మీ తన పోస్ట్లో నేరుగా ప్రధాని నరేంద్ర మోదీని ట్యాగ్ చేస్తూ ఒక విజ్ఞప్తి చేశారు.;
టాలీవుడ్ యాంకర్ రష్మీ గౌతమ్ సోషల్ మీడియాలో చేసిన ఒక పోస్ట్ ఇప్పుడు దేశవ్యాప్తంగా హాట్ టాపిక్గా మారింది. ఇరాన్ సుప్రీం లీడర్ ఖమేనీ మృతికి సంతాపంగా భారత్లోని పలు నగరాల్లో జరుగుతున్న ఆందోళనలపై ఆమె ఘాటుగా స్పందించారు. పరాయి దేశం కోసం ఇక్కడ రోడ్లపైకి వచ్చి రచ్చ చేసే బదులు, వారిని నేరుగా ఇరాన్కే పంపించేయాలని ప్రధాని మోదీని కోరుతూ ఆమె చేసిన వ్యాఖ్యలు ఇప్పుడు ఇంటర్నెట్ను ఊపేస్తున్నాయి.
ఇరాన్ కోసం ఇక్కడ ఆందోళనలా? రష్మీ ఫైర్:
ఇరాన్ అగ్రనేత ఖమేనీ మరణ వార్త తర్వాత జమ్మూ కశ్మీర్తో పాటు హైదరాబాద్, బెంగళూరు, లక్నో వంటి ప్రధాన నగరాల్లో షియా ముస్లింలు పెద్ద ఎత్తున రోడ్లపైకి వచ్చారు. అమెరికా, ఇజ్రాయెల్కు వ్యతిరేకంగా నినాదాలు చేస్తూ తమ నిరసనను వ్యక్తం చేస్తున్నారు. ఇక అయితే, మన దేశంలో ఉంటూ మరో దేశపు నేత కోసం ఇలాంటి ఆందోళనలు చేయడం ఏంటని రష్మీ ప్రశ్నించారు. ఈ నిరసనల వీడియోలు చూసి తట్టుకోలేకపోయిన ఆమె, సోషల్ మీడియా వేదికగా తన అసహనాన్ని వ్యక్తం చేస్తూ "వీళ్లందరినీ అక్కడికే పంపించేయండి" అంటూ సెటైరికల్ పోస్ట్ పెట్టారు.
ప్రధాని మోదీకి స్పెషల్ రిక్వెస్ట్.. పంపించేయండి అంటూ సెటైర్:
యాంకర్ రష్మీ తన పోస్ట్లో నేరుగా ప్రధాని నరేంద్ర మోదీని ట్యాగ్ చేస్తూ ఒక విజ్ఞప్తి చేశారు. 'గౌరవనీయులైన ప్రధాని గారూ.. ఎవరైతే ఇరాన్ కోసం ఇక్కడ ఆందోళన చేస్తున్నారో, వారందరినీ ఒక విమానంలో ఇరాన్కు పంపించేయండి. ఇక వారు అక్కడికి వెళ్లి ఇరాన్ తరఫున నేరుగా యుద్ధం లేదా పోరాటం చేస్తారు. ఇక్కడ ఉండి ట్రాఫిక్కు, ప్రజలకు ఇబ్బంది కలిగించడం కంటే అది వాళ్లకు మంచి అవకాశం అవుతుంది' అంటూ తనదైన శైలిలో చురకలు అంటించారు. రష్మీ చేసిన ఈ కామెంట్స్ ఇప్పుడు నెటిజన్లను రెండు వర్గాలుగా చీల్చాయి.
నెట్టింట పేలుతున్న రష్మీ పోస్ట్.. సపోర్ట్ చేస్తున్న ఫ్యాన్స్:
సాధారణంగా మూగజీవాల హక్కుల గురించి మాట్లాడే రష్మీ, ఈసారి దేశీయ అంశాలపై స్పందించడం అందరినీ ఆశ్చర్యపరిచింది. ఆమె చేసిన పోస్ట్కు వేలల్లో లైక్లు, షేర్లు వస్తున్నాయి. నువ్వు చెప్పింది అక్షరాలా నిజం రష్మీ.. దేశం మీద భక్తి లేని వాళ్లకు ఇది సరైన సమాధానం అంటూ చాలా మంది ఆమెకు మద్దతు తెలుపుతున్నారు.ఇక అయితే మరికొందరు మాత్రం ఇది వారి మతపరమైన మనోభావాలకు సంబంధించిన విషయమని, రష్మీ ఇలాంటి వ్యాఖ్యలు చేయడం సరికాదని మండిపడుతున్నారు. మొత్తానికి యాంకర్ రష్మీ పెట్టిన ఈ సెగ ఇప్పుడు రాజకీయ వర్గాల్లో కూడా చర్చకు దారితీస్తోంది.