పాలనపై బైడెన్​ సమీక్ష.. మీడియాతో సంచలన నిజాలు..

జో బైడెన్​ అమెరికా అధ్యక్షుడిగా బాధ్యతలు చేపట్టి 100 రోజులు పూర్తిచేసుకున్నారు. ఈ సందర్భంగా ఆయన పలు కీలక నిర్ణయాలను తీసుకున్నారు. గతంలో ట్రంప్​ తీసుకున్న వివాదాస్పద నిర్ణయాలను, జీవోలను రద్దు చేశారు. ముఖ్యంగా బైడెన్​​ అమెరికాలో నివసిస్తున్న విదేశీయుల హక్కులను కూడా కాపాడుతున్నారు. దీంతో ఆయనకు అన్ని వర్గాల ప్రజల నుంచి మద్దతు దక్కుతున్నది. ఇదిలా ఉంటే బైడెన్​​ తన 100 రోజుల పాలనపై సమీక్షించారు. ఈ సందర్భంగా ఓ విలేఖరి .. మీరు వచ్చే ఎన్నికల్లో కూడా పోటీచేస్తారా? అని ప్రశ్నించారు.. దానికి జో బైడెన్​ సమాధానం చెబుతూ అందుకు చాలా సమయం ఉందన్నారు.. కానీ పోటీచేసే అవకాశం కూడా ఉందని నర్మగర్భంగా వ్యాఖ్యానించారు. ప్రస్తుతం ఆయనకు 78 ఏళ్లు . వచ్చే ఎన్నికల వరకు ఆయన ఆరోగ్యం సహకరిస్తుందో లేదో వేచి చూడాలి.

ఇటీవల ఓ సమావేశానికి వెళ్లబోతుండగా.. జో బైడెన్​ మూడుసార్లు తూలిపడ్డారు కూడా. ఇదిలా ఉంటే తాజాగా తన పాలనపై ఆయన మాట్లాడారు.  అయితే ఆయన అధ్యక్షుడయ్యాక తొలిసారి మీడియా ముందుకొచ్చారు జో బైడెన్​..  వందరోజుల పాలనలో ఏం చేయబోతున్నారో? మీడియాకు చెప్పారు.  తొలి వంద రోజుల పాలన ముగిసే సమయానికి 200 మిలియన్ల డోసుల కరోనా వ్యాక్సిన్ వేయాలన్నది తన లక్ష్యమని చెప్పారు.  2024 ఎన్నికల్లో పోటీ చేయాలని నిర్ణయించుకున్నట్లు జో బైడెన్​ తెలిపారు.

ప్రస్తుతం అమెరికాలో వ్యాక్సినేషన్ కార్యక్రమం ముమ్మరంగా సాగుతోంది. రోజూ సగటున రెండున్నర మిలియన్ల మేర వ్యాక్సిన్లను వేస్తున్నారు. జాన్సన్ అండ్ జాన్సన్ అభివృద్ధి చేసిన కరోనా వైరస్ వ్యాక్సిన్‌ ను 200 మిలియన్ల డోసుల మేర కొనుగోలు చేయనుంది.అలాగే- ఫైజర్, మోడెర్నా నుంచి 600 మిలియన్ల డోసుల మేర వ్యాక్సిన్‌ ను కొనుగోలు చేయడానికి అవసరమైన చర్యలను పూర్తి చేసింది. దశలవారీగా ఈ వ్యాక్సిన్ అందుతుంది.ప్రస్తుతం అమెరికాలో కరోనా వైరస్ తీవ్రత అధికంగా ఉంటోంది. 3,07,74,033 పాజిటివ్ కేసులు నమోదయ్యాయి. 5,59,744 మంది మరణించారు.