గ్యాంగ్ స్టార్ హైదర్ ను అరెస్ట్ చేసిన భాగ్యనగర పోలీసులు !

గ్యాంగ్ స్టార్ హైదర్ .. హైదరాబాద్ నార్త్ జోన్ టాస్క్ ఫోర్స్ పోలీసులు చాలా చాకచక్యంగా రెస్క్యూ నిర్వహించి అరెస్ట్ చేశారు. గత వారం రోజులుగా ఒడిశా నుండి తప్పించుకుని హైదరాబాద్ లో తిరుగుతున్నాడు ఈ  గ్యాంగ్ స్టార్ హైదర్. ఓ మర్డర్ కేస్ తో పాటు కిడ్నాప్ కేస్ లో మోస్ట్ వాంటెడ్ గా గ్యాంగ్ స్టార్ హైదర్ పోలీసుల జాబితాలో ఉన్నాడు. అయితే వారం రోజుల క్రితం అనారోగ్య సమస్యతో హైదర్ ను కటక్ లో హాస్పిటల్ లో చికిత్స కోసం తీసుకొచ్చారు భువనేశ్వర్ పోలీసులు.

ట్రీట్మెంట్ కోసం హాస్పిటల్ కి తీసుకువస్తే , పోలిసుల కళ్లు గప్పి ఆ  హాస్పిటల్ నుండి హైదర్ పారిపోయాడు. ఆ తర్వాత పోలీసులు ఎంతగా వెతికినా కూడా ఆ గ్యాంగ్ స్టర్ ఆచూకీ అన్నది తెలియలేదు. అయితే , ఆ హాస్పిటల్ నుండి పారిపోయిన హైదర్ హైదరాబాద్ కు మకాం మార్చాడు అని పోలీసులకి సమాచారం అందింది. దీనితో  అతని కోసం గత కొన్ని రోజులుగా గాలిస్తున్నారు టాస్క్ ఫోర్స్ పోలీసులు. ఎట్టకేలకు హైదర్ ను హైదరాబాద్ లోనే పటుకున్న పోలీసులు, భువనేశ్వర్ పోలీసులకు సమాచారం అందించారు.