ఆస్ట్రేలియా ‘అప్పడం’ సాంగ్​ అదిరిపోయింది.. చూశారంటే పొట్ట చెక్కలే!

ఎప్పుడో చిత్రీకరించిన ఓ వీడియో ఉన్నట్టుండి వైరల్​ కావడం.. సోషల్​మీడియాలో విపరీతంగా ట్రోల్​ కావడం చూస్తూనే ఉంటాం. సరిగ్గా ఆస్ట్రేలియాకు చెందిన ఓ వ్యక్తి 2014లో అప్పడాలపై  ఓ వీడియోను రూపొందించారు. అది ఉన్నట్టుండి ఎవరో ఓ వ్యక్తి కంటబడింది. దీంతో అదికాస్తా వైరల్​ అయ్యింది. ఈ వీడియోను ఇప్పటికే 1 మిలియన్​ వ్యూస్​ దక్కించుకున్నది. ‘అప్పడాల గురించి ఇంత క్రియేటివ్​ యాడ్​ను ఇప్పటి వరకు చూడలేదు బాబోయ్​’ అంటూ కొందరు కామెంట్లు పెడుతున్నారు. ఈ పాట మొత్తంలో అప్పడం అని తప్ప మరో పదం ఉపయోగించకపోవడం మరో విశేషం. భారతీయుల్లా  దుస్తులు ధరించిన ఆస్ట్రేలియన్లు అప్పడాలు పట్టుకుని.. డ్యాన్స్ చేయడం నిజంగా ఫన్నీగా అనిపిస్తుంది. అయితే, ఈ ప్రకటన ఎవరి కోసం.. ఎందుకు చేశారో తెలీదుగానీ.. సోషల్ మీడియాలో మాత్రం ఇప్పడు వైరల్​ అవుతుంది.  

ఈ వీడియో సాంగ్ వైరల్ కావడంతో.. వీడియో రూపొందించిన ఆంథోనీ ఫీల్డ్ అనే వ్యక్తి స్పందించాడు. ‘ఈ పాటను రాసింది. డైరెక్ట్ చేసింది నేనే. దీన్ని 2014లో చిత్రీకరించాను. ఓ ఇండియన్​ వేడుక కోసం దీన్ని చిత్రీకరించాం. భారత సంస్కృతిని కించపరిచే ఉద్దేశంతో దీన్ని చేయలేదు. ఎవరినైనా నొప్పించి ఉంటే.. క్షమించండి’ అని ఆయన పేర్కొన్నారు. అతడి వివరణపై కూడా కామెంట్లు వచ్చి పడ్డాయి. ‘అందులో ఏం లిరిక్స్​ ఉందని నువ్వు రాశావు నాయనా’ అంటూ ఓ వ్యక్తి కామెంట్​ పెట్టాడు. నిజానికి ఆ పాటలో ‘అప్పడం అప్పడం’ తప్ప వేరే పదమే లేదు. ఆ పాటలో నటించిన ఓ భారతీయ మహిళ.. చివరి వరకు నవ్వుతూనే ఉంది.. దీనిపై కూడా ట్రోలర్స్​ ఓ రేంజ్​లో స్పందిస్తున్నారు. ‘ అమ్మ బాబోయ్​.. ఇది టూత్​పేస్ట్​ యాడ్​ కాదు తల్లీ.. అప్పడం యాడ్​.. కొంచెం చూసుకో’ అంటూ కామెంట్లు పెడుతున్నారు.