అన్నట్టుగా పాతబస్తీ సెంటర్ కు వచ్చిన అమిత్ షా

జీహెచ్ఎంసీ ఎన్నికల ప్రచారంలో భాగంగా హైదరాబాద్ వచ్చిన కేంద్ర హోంశాఖ మంత్రి అమిత్ షా అనుకున్నట్టే పాతబస్తీ సెంటర్ కు వచ్చారు. ఆదివారం చార్మినార్ వద్దనున్న భాగ్యలక్ష్మీ అమ్మవారి ఆలయంలో ప్రత్యేక పూజలు చేశారు. ఆ తర్వాత సికింద్రాబాద్ పార్లమెంటరీ పరిధిలోని వారాసిగూడ నుంచి సీతాఫల్ మండి హనుమాన్ టెంపుల్ వరకు అమిత్ షా రోడ్ షో నిర్వహించారు.

ఈ రోడ్ షో అయిపోయాక.. మధ్యాహ్నం 1.30 గంటల నుంచి సాయంత్రం 4 గంటల వరకు బీజేపీ ఆఫీసులో ఉండి సాయంత్రం 5 గంటలకు తిరిగి ఢిల్లీకి వెళ్తారు.

హోంమంత్రి పర్యటన నేపథ్యంలో చార్మినార్ , పాతబస్తీలో భారీగా కేంద్ర బలగాలు మోహరించాయి. పటిష్టమైన భద్రతను ఏర్పాటు చేశాయి.

అమిత్ షాకు స్వాగతం పలికేందుకు కాషాయ కార్యకర్తలు పెద్ద ఎత్తున తరలివచ్చారు. బీజేపీ రాష్ట్ర నాయకులు సైతం అమిత్ షా వెంట ఉండి ర్యాలీలో పాల్గొన్నారు.